Refereyn
Heere god die zyt myn sterckheyt ick moet hu beminnen
myn verlosser myn vasticheyt ende toevlucht
30
die oock zyt / twelck ick kenne met herte met zinnen
+ vp dat ghy tgheslachte des mensschen mocht winnen
en tsvyands cracht dinnen
der bloedegher Crucen boom zalichste vrucht
Al wat ghy wildet doen in hemel eerde lucht
5
inde zee / end in alle diepgrondeghe gronden
dat hebt ghy ghedaen / en vougsaemich gheplucht
vvant wat ghy oyndt daet / was wel ghedaen bevonden
alle dynck / es hu oock mueghelick tallen stonden
en gheen macht en esser / dan van hu god alleene
10
die ons brooscheyt kendt / en vergheeft onse zonden
duer hu name iesu christe van nasareene
ende / dat ghy dies vermueght ick woormken cleene
betrauwes my / die noch in deerdsche ste // gha
dies houd ick hu te zyne int dal van weene
15
Spes mea deus / A iuuentute mea
God ghenaedich wien myn herte dancbaricheyt biedt
ghy en hebt doch ghezonden alsoo wy lesen
Christum huwen eeghin zuene inder weerelt / niet
vp dat hy zoude / de weerelt verdommen ziet
20
maer ghenadelick gheschiet
vp dat de weerelt duer hem zou behouden wesen
oock es ghecommen de zuene des mensschen ghepresen
om behouden / tvvelcke was verloren aldaer
en heeft ons huut grooter liefden ter causen van desen
25
Reyn ghewasschen van ons zonden in zyn bloedt voorwaer
in hem leuen wy / Roeren / en zyn in hem dats* claer
heere god die gheen lust hebt in ons bederfuen
naer onweder / maect datter volght stillicheyt naer
en naer weenynghen / doet ghy verhueghen verwerfuen
30
gheeft my tydt en vermueghen in tsweerelts erfuen
om tRedenlick vuldoen / wien dat ick oynd de // scha
dat bid ick hu / Want ghy zyt tot ick zal sterfuen
Spes mea domine / A iuuentute mea
[p. 50]
+ Heere wilt hu handwerck doch niet versteken
hu bermherticheyt / die zal eeuwich ghedueren
hu erfghename bem ick in dhemelsche Reken
Vader anhoort hu zuene knyebughelick spreken
5
doet gratie leken
ende laet my hulpe duer huwen name ghebueren
heere weist ghenaedich myns tooght ghenaedeghe Cueren
gheen ander god / es in dhemel noch vpder Eerden
dan ghy / die my mueght helpen huut tzondich Trueren*
10
en my bewaeren / van die oyndt myn val begheerden
doch de zonden mynder Ioncheyt / of my die deerden
god der goden / Abrahams god ghebenedydt
ghedynctse niet / duer huwe doodt hooghst van weerden
maer laetse zyn vergheten / my die ghenadelick quyt
15
dat my niet in dyns toornegher gramschaps tydt
tzweerdt huwer iusticien scherpste sne // sla
dat bid ick hu almachtich god / Want ghy zyt
Spes mea domine / A iuuentute mea
Prinche
20
Heere god almachtich Conynck sterck ende groot
ghy die cont den conynghen zalicheyt gheuen
die dauid huwen knecht verlostet huter noodt
vvilt my aermer snoo knecht / duer hu wonden Roodt
ende crucen doodt
25
weerdich maecken / tbouck des leuens tzyn inghescreuen
want onder hu almachteghe handt verheuen
vvil ick gheerne my voughen / als knecht oetmoedich
ende daer ick can huutwortlen tgroenzondich leuen
niet huut vreesen / maer liefden huwer passie bloedich
30
doch heere god myn ziele vvilt vvesen behoedich
dat die in hu oordeel / niet tmynder onvre // sta**
doet zoo ick hu betrauwe / die blyft voorspoedich
Spes mea Domine / A iuuentute mea.
