Refereyn
Dyns naesten huus zult ghy gheenssins begheeren
noch eenich dynck (zeght den heere) dat hem toebehoort /
+ maer hebbende voedsels tot tslichaems theerren
ende dexsels / Laet hu daer me ghenoughen voort
want alle wie Rycdom willen zeylen an tboordt
vallen in tsvyands streck end in becuerynghen
5
in hinderlicke begheerten / met zinnen ghestoort
dan verdryncken Int verdommen zyn zulcx ghebuerynghen
Begheerlicheyt / es wortel van qua besmuerynghen
duer welcke zommich hebben van tghelooue ghegleden
end hebben haer zeluen / voor zoetheyt bezuerynghen
10
ghemynghelt / in veel en diueerssche droufheden
Maer ghy O mensschen gods / schuut dese zeden
volght Rechtueerdicheyt ende godsvruchticheyt naer
de liefde / tghelooue / metten wercken / vul vreden
zachtmoedicheyt / end alle verduldicheyt zwaer
15
zouct dat bouen es / ende daer Christus voorwaer
eeuvvich zittende es / An die gods Rechter handt
vvant goud ende zeluere / dats warachtich claer
heeft veel mensschen bedoruen / ouer zee ende zant
ende wie tot eerdsche zaecken voughen haer verstandt
20
end om hebben / onverzadelick Raepen en scraepen
tzyn vyanden van gods cruce / dies in wat Landt
Quetst hu met gheen ghiericheyt heerders der schaepen
Maer met gods woord / clouckmoedich dyn scaepkens bewaert
om Rycke worden / Brynght hu in gheen verdriet
25
Laet hu ooghen niet vlieghen duer ghiericheyts Aert
tot Rycdom die ghy gheenssins mueght cryghen Niet
Alle ghifte tonRechte te nemene vliedt
in verzoenynghe van des doodslaeghers noodt
duer ghiericheyt der afgoden dienst gheschiet
[p. 54]
30
moeder es zou van veel wouckerynghen groot
voesterghe van symonie / wiens diepgrondeghe schoot
onverzaedich / Nemmermeer / zeght tes ghenouch
tghelt es der buersen spyse / gheen vleesch noch Brood
en ghiericheyt es hongher der herten spa en vrouch
35
Priesters clercken costers / Boeren achter den plough
+ End alle die ter weerelt hebben Regiment
Iudas buerse hemlieden noyndt en verwouch
ghiericheyt es In thooft van hem allen bekendt
Tfy zotten / die begheerd / dat hu hinderlick schendt
5
als begheerlicheyt / ontfanghen heeft in huer gronden
zulck wien zou es durstich by onghespent
dien baerst zou / ende die brynghtse voort zonden
En die zonden zynde vulbrocht bevonden
die brynght voort de doodt in meesters en cnaepen
10
dus / eer hu ter hellen weghen ghelt ghiereghe ponden
Quetst hu / met gheen ghiericheyt heerders der schaepen
Om hebben elcx handen staen open om ghierichst
brynght ghelt brynght ghelt / al der zulcker bellen clyncken
de lanckghehaerde en gheschoorne / zyn al om vierichst
15
om schoon zwaergheRonde munte / es al huer dyncken
Alsser bucht in dhandt es / ghewillich zy flyncken /
gheerne tes al thuwen besten / zo zegghen zy dan
en eist een schamel kyndsbedde / zonder beschyncken
Ick zalt doen zegghen zy / en ick moete cryghen Can
20
Och tot dese spreect dus god den heere An
Wie esser onder hulieden die sluut de dueren
end ontsteect myn outaer in myns tempels ghespan
om niet / en zonder loon yet laeten ghebueren
zelden yemandt / Want meest der mensschen Cueren
25
houden in van vele nemen ende Lettel gheuen
nochtans zalegher tallen tyden ende hueren*
zal het gheuen zyn / bouen het nemen verheuen
Wie tgoud lief heeft / wordt ongheRechtueerdicht bleuen
vvant ghebreck laeten zy den behouueden Lyden
30
goud en zeluer dwynghtse / tot een eerghierich leuen
al zoudser omme thien peerden den hals ofRyden
maer ouerdochten zy dese brooscheerdsche tyden
naer Rycdom zouden zy niet zo ghulselick gaepen
dies Raed ick dat hu ziele mach eeuvvich verblyden
35
Quetst hu / met gheen ghiericheyt / heerders der schaepen /
[p. 55]
Heerders gheestelick weerlick
ghiften die verblenden des Rechters ooghen
om ghiften tontfanghene / weist niet begheerlick
5
of ghy bedrieght hu zeluen end andere deerlick
ghiften deden giesy Melaetscheyt ghedooghen+
naer die ydelheyt vvilt hu gheenssins pooghen
die hu baeten noch verlossen can / hoe ghyr om waect
ziet dat ghy van tsheeren tempel in dyn ghierich tooghen
10
gheen speloncke der moordenaeren en maect
Coelt matelick den moet die zoo heet ghierich blaect
tes beter een weynich met vreese des heeren
dan een groot schat daer menich menssche naer haect
en de welcke nochtans doet onRuste vermeeren
15
maer hoort / te wat schat wy ons zullen keeren
vergaedert hu schat in dhemelssche Erfuen
dus heeft ons meester christus zekerst willen leeren
schat / daer die Roest noch motten zullen bederfuen
en daer diefuen gheen gravynghe naer verwerfuen
20
en connen / om stelen / hoe datzyt betraepen
ende Rycdom / die hu niet can afcoopen tsterfuen
Quetst hu met gheen ghiericheyt / heerders der schaepen
