[p. 72]
voor wien zoud ick dan beuen
voor wien zoud ick oock gruwen / zyn Magesteyt
25
die beschermt my int Leuen
end als de boose commen ouer my
als verslynghende ghezellen
Cranck gheworden zo zyn zy
ende gheuallen oock der by
30
die my vyandich quellen /
+ Al quame ieghens my een heyr zeer groot
gheen vreese zal my nopen
Al waert eennen strydt oock totter doodt
daer in zo zal ick hopen
5
Een dynck heb ick ghebeden int eerdsche dal
end ick heessche zulck gheuens
dat ick ten huuse bouen al
van mynen heere leuen zal
Al die daeghen myns Leuens
10
Vp dat Ick zoude tsheeren vville zien
zyn tempele Bezoucken
zo heeft hy my verborghen bouen dien
Beschermt in allen houcken
Ende bin zynder vvuenste was ick vry
15
inden dach mynder schanden
vp eennen steen verhief hy my
end heeft verheuen nv daer by
Myn hooft vp myn Vyanden
Ommegheghaen heb ick zyn wuenste goet
20
ghebrocht met groot verlanghen
myne offerhande met blyder spoet
tgheRoup van myn Lofzanghen
end Ick zal zijnghen noch een vroylick woordt
myn heere god ghepresen
25
heere myn stemme doch verhoort
die ick thuwaerts Riep Rechtevoort
vvilt myns ghenadich wesen
Myn herteken dat heeft tot my gheseyt
myn aenschyn zocht hu zeere
30
end huwer aenschijns groote bermherticheyt
zal ick verzoucken heere
hu aenschyn wilt doch van my keeren Niet
[p. 73]
+ noch in hu Toornicheden
van huwen knechte niet en vliedt
versmaet my niet / maer my doch biedt
hu* behulpzaemicheden
5
Myn vader ende oock myn moeder waen
die hebben my ghelaeten
dheere die heeft my vp ghenomen zaen
huut liefden tmynder baeten
// in huwen wech stelt my een wet
10
schict my buten gheschille
inden Rechten wech onbesmet
dat bid ick heere zuver net
Om mynder vyanden wille
Leuert my niet inne der zielen handt
15
die my quellen tweedrachtich
dat bid ick hu doch heere want
valssche ghetughen iachtich
de welcke meneghe versmaet
zyn vpghestaen my tseghen
20
end onRechtueerdichede quaet
die es huer zeluen obstinaet
Lueghenachtich bedeghen
End emmers zoo gheloof ick nv voorwaer
dat ick zal zien in trauwen
25
end in tlandt der Leuenden daer
tsheeren goeden Anschauvven
verwacht den heere dies clouckmoedich vast**
vvilt mannelicke wercken
verbeydt den heere Reyn ghepast
30
en daer naer bouen alle Last
dyn herte Laet verstercken
Glorie Eeuwich zonder hendt
den vader moet ghebueren
danck lof oock tallen hueren
// Tsghelycx mede den helighen gheest
Noordwest totten zuudoosten
5
als wy zyn in benauthe meest
ende zwaergheestich zyn bevreest
zo can hy ons vertroosten
