Lof van Maria
15
Myn ziele verhueght hu in contemplatien
mediterende tlof gods moeder marie
Als maeght begroet zynde vul van gratien
huut gabriels monde met melodie
de heere es met hu / binnen tsweerelts stie
20
ghebenedydt zyt oock bouen alle vrauwen
hu moesten ancleuen / dese gratien drie
duer tgoddelick behaeghen in hu vul trauwen
Bouen dese drie gratien int claer anschauwen
onder meer ander gratien int generale
25
ick vynder noch zeuene Reyn zuuer bedauwen
die hu maria ancleuen als principale
vercoorne gods moedre in dhemelsche zale
die een speghel zonder vleck Reyn onbesmet
waert oyndt bevonden
30
Lof maria ghezuuert naer Moyses wet
Niet by cause van zonden /
es / dat ghy ghescepen waert vanden beghinne
in gods voorzienicheyt tzyne de blydste
moedere zyns zuens Tot onsen ghewinne
5
Ten tvveeden O hemelssche keyserinne+
van conynclicken zaede zyt ghedescendeert
huuter wortel van iesse / gods liefste vriendinne
als edelste van bloede ghegenereert
Ten Derden zo zyt ghy ghepreserueert+
10
zuver van erfzonde gheel zonder smette
god heeft zoo zyn wuenste gheordonneert
myn Lief es gheel schoone / (zeght hy) vp tnette
O maria als ick vp dese gratien Lette
zo moet ick hu Lancx te meer louen bet
15
dies tallen stonden
Lof maria ghezuvert naer moyses wet
[p. 75]
Niet by cause van zonden
Lof maeght wiens zuuer oetmoedich consent
hu heeft van god die gratie ghegheuen
20
In hu buucxken ontfaende gheen weerlick Regent
Maer god zelue nam in hu mensschelick Leuen+
dies mueghen wel zegghen van hu ghescreuen
in myn tabernakel hy zyn Ruste nam
die my gheschepen heeft / zuver moeder verheuen
25
noyndt zuuerder vul gratien ter weerelt quam
Ten vyfsten O maria zuvermaegdelic dam+
een gratie moest ghy noch van god verweruen
als hu moederlick herte vul Rauwen zwam
staende onder tcruce / hu kyndt ziende steruen
30
hu leuen dat hadde daer moeten bederuen
maer god was met hu / zuver maghet net
kender tshertsen gronden
Lof maria ghezuvert Naer moyses wet
Niet by cause van zonden /
specialick De zeste moet ick belyden
dats / dat hu god / By hem verheuen heeft
met ziele met Lichaem / om eeuwich verblyden
5
bouen allen inghelen / die zonder vermyden
zynghen / vvie es dese die zo schoone vp staet
ghelyck de dagheraet Tot allen tyden
huutvercoren als de zunne / die zou voorghaet
en schoonder dan de mane / O zuuermaegdelic zaet
10
De zeuenste gratie om onslieden bewaeren+
die hu god ghegheuen heeft / zonder verlaet
dats aduocate tzyne van allen zondaeren
de kerstene kercke doet ons dies tverclaeren
zoo daghelicx zynghende in huer motet
15
dies moet ick noch vermonden
Lof maria ghezuvert / naer moyses wet
Niet ter causen van zonden
