[p. 79]
Refereyn
God Zuene
daer om heeft hyt al in zyn handt ghegheuen
hy es onse behouder / En verlosser voor grief+
zonder hem mach van ons niet zyn Bedreuen+
30
daers / een middelaer gods / en der mensschen ghebleuen+
en dats die menssche Christus ghewillich spoedich
die hem zeluen gheoffert heeft / hier int Leuen
ende met zyne dierbaere wonden Bloedich
zyn wy ghecocht / met goude / noch met zeluere niet
hy bemindt ons zoo / huut eender liefden gloedich
5
hem zeluen heeft hy voor onslieden gheleuert ziet
End indien wy zondighen hoe dicwils gheschiet
By den vader es hy onse voorspraecke daer
een verzoenynghe voor onser zonden verdriet
es hy / end oock van alle der weerelt claer
10
Al ons bequaemheyt die es huut god voorwaer
die voortyds waeren kyndren zyns gramschaps verknesen
zyn nv gods kyndren / en meErfghenamen der naer
met christo zynen zuene / want zoo wy lesen
Christus es tonser Rechtueerdicheyt verResen
15
Dits ons fundament gheduerich inder eeuwicheyt
ende nyemandt mach Legghen een ander fundament
behaluen / het ghuene datter es gheleyt
tvvelck Iesus christus es / zalichmaeckere bekent
ende duer gheen ander name ghescreuen gheprent
20
zo en mueghen wy zaelich worden Certeyn
hy blyft ons tot thende der weerelt omtrent
duer zyn bloedt zyn wy ghewasschen van zonden Reyn
ende omme te Roupene in tsweerelts pleyn
den Rechtueerdeghen / niet gheCommen es hy
25
maer den zondaers / Want die zyn inder zonden treyn
dien es van nooden den medechyn thebbene by
hy heeft bezocht / en ghedaen verlossynghe vry
zyns volcx / end en heefter niet vooren ghehadt
maer huut Liefden/ zyn deelachtich hem worden wy+
30
vvy / die al waeren ghevallen ghelyck een Blat+
vvy wiens Rechtueerdicheden Wanckelbaerich glat
zyn als een vraumaendtzuchtich Cleedt mespresen
vvat hebwy tonsen trooste dan / anders dan dat /
[p. 80]
christus es ghestoruen / ende dat naer desen
35
Christus Es tonser Rechtueerdicheyt verResen
Niet beters want god heeft ons niet ghestelt
Tot zynder onghenaedegher Toornichede+
+ maer tot een vercryghen des zalicheyts velt
duer Iesum Christum / die voor ons tsteruen dede
vp weder dat wy waecken / ofte slaepen oock mede
tsaemen met hem zouden leuen bequame
5
vvant dheere es bermhertich Beminnende vrede
end een vreeselick Liefhebber / es zijne Name
verlaet hu clouck vp hem / zoo dat betame+
ende niet vp huwe vvysheyt te gheender stondt
vvy hadden al ghezondicht / dies tonser vrame+
10
behoufden al gods glorye / om wesen ghezondt
duer christum hebben wy den ghenadichsten vondt
dat wy een toeghanck hebben tot zynen vadere+
hy heeft hem voor ons zonden gheoffert duervvondt
vp dat hy ons verlossen zou Allegadere
15
van deser booser weerelt / als gheene quadere
end oock van tvermalendyden des wets ghenesen+
dese christus / elcker mensschen zonden ontladere
zit ter Rechter handt zyns vaders in tgoddelic wesen
Christus Es tonser Rechtueerdicheyt verResen
20
Prinche
Christus / heeft ons god zynen vader eervveerdich+
verzoent in zyn bloedt / als troost tonser noodt+
voor donRechtueerdeghe / es hy ghestoruen Rechtueerdich
Ouer ons es vast ghemaect / zyn bermherticheyt groot+
25
ende Christus verwect zynde vander doodt+
zal voort eeuvvelick leuen / ende niet meer steruen
zyn helighe bloedeghe vyf wonden Roodt
staen als een toevlucht open / om vrydom verweruen
ende vp dat wy twyfelachtich niet zouden bederuen
30
heeft ons ghelaeten / zyn eevvich claer blyfuende woord
oock datmen allen creatueren in tsweerelts Eruen+
warachtich zoude claerlick beCondeghen voort
Wee hulieden dan / diet alsoo niet en oorboort
maer liefuer schiet bewimpelt met Lueterpesen
35
laet doch den volcke / alsoot dient / zyn ghehoort
Dat christus es tonser Rechtueerdicheyt verResen /
