Refereyn
Vander helighe Drievuldicheyt+
[p. 83]
15
Betvoorts om dat daer ghewyet es / den outaer
Ter eeren gods drievuldich / vul menichfuldicheyt
zo bem ick in advyse te ionnene hier naer
Een Refereyn van dhelighe drievuldicheyt
O Diepheyt. der Ryckdommen der hoogher wysheden
20
ende der kennessen gods / die blyft onghehendt
hoe onbegrypelick zyn / zyn oordeelende zeden
ende gheel onhuutsprekenlick Tallen steden
zynder wonderwercken / in hemelsch eerdsch Regiment
// vvant wie zo heeft des heeren zin bekent
25
oft wie es gheweest zyn Raedtsman vooren of naer
oft wie heeft hem eerst / yet ghegheuen omtrent
noyndt yemandt / dit es warachtelick claer
Want huut hem / ende oock duer hem voorwaer
+ ende in hem Certeynlick zyn alle dynghen
// hem zy glorie / eere inder eeuvvicheyt / daer
hy / die bouen wysheyts troone heeft tgheel bedwynghen
// Eer dat berghen waeren / en dheemlen crachten omRynghen
5
vvierden van niet ghemaect ende gheordonneert
eer anderstondt de weerelt hadde zyn vulbrynghen
end yet wesenlicx / daer in mochte zyn gheformeert
van eeuvve tot eeuvve / Eeuvvich ongheCesseert
zonder beghin en hende / waert zyt ende ghebleuen
10
ghy god wien hemel eerde end helle vreest
al es den vyandt onverduldich
Drie zynder die inden hemel ghetughe gheuen
God vader / God zuene / God helich gheest
Een God Drievuldich
15
De Vader Eeuwich / onverghanclick es onsteruelick
onveranderlic / De zuene Eenich / van ghedaenten schoone
machtich / vvy zyn meErfghenamen Eruelick
Dhelighen gheest Es ons alle goet verweruelick
Rechtueerdich zynde / Tsamen een god / drie in persoone
20
Een helighe drievuldicheyt / ten hemelsschen Troone
en god almachtich / van eender substancie int vvesen
ende van eender macht / draeghende ghelycke Croone
Vader / van hem zeluen / en niet / van een ander / gheResen
de zuene vanden vadre / gheworden ghePresen
25
warachtich god / van god warachtich / licht warachtich
van twarachtich licht / nochtans bouen desen
niet twee lichten zynde / maer een licht eendrachtich
// den helighen gheest / vanden vadere Almachtich
en vanden zuene / ghelyckelick voorCommende zy*
[p. 84]
30
medewesenlic / medeEeuvvich / den vader / en zuene Crachtich
de vadre / een vulle god / in hem zeluen es hij
de zuene een vulle god / vanden vadre der by
gheworden / een wesen** alder wesenlicxste Leuen
dhelich gheest / een vulle god / ghelyck al euen meest
35
zoo wy gheloouen zyn schuldich
Drie zynder die inden hemel ghetughe gheuen
God vader / God zuene / God helich gheest
Een god Drievuldich /
+ Dhelighe gheest Een vulle god / vanden vadere
ende zuene voortghaende / Nochtans drie goden niet
maer een god almachtich / eeuvvich / onghemeten algadere
onveranderlic / dan hy was / vrouch noch spadere
5
vvant hy gheel alomme es / Ieghenwoordich ziet
niet by deelen bedeelt / maer gheel al / in al / lof biedt
niet plaetslic / maer machtlic / alomme zynde sterck
die zonder veranderynghe / zyns selfs yet
veranderlicheden heeft ghescepen / met zyn willende werck
10
de gheschepene zaecken in hemel / eerdsche perck
Regiert hy / Blyfuende dat hy es Altydt
wien / niet toevallic wesen noch ghescieden mach / int bemerck
vvant simpelick der godlicker natuere / ghebenedydt
mach toeghedaen / noch vermindert worden / des zeker zijt
15
vvant altyds es / dat es / onveranderlick zoot betame
vvien eeghinlick es / wien eeuvvich / wien tzelfde es / Bevrydt
Twesen / Leuen / verstaen / en deis drie / een god Eersame
ende eene god dese drie by Name
de zelue god ende heere / daer vooren beuen
20
alle goden / zynde in tsweerelts forreest
maer hoe die zyn menichfuldich
Drie zynder die inden hemel ghetughe gheuen
God vader god zuene God helich gheest
Een god Drievuldich
25
Prinche
Deze vvarachteghe helighe drievuldicheyt
es niet meerder in persoonen tsamen ghenoomt drie
dan in een yeghelick / en byzonder persoon eens gheseyt
vvant elck byzondre persoon inder Warachticheyt
30
es vulle substantie / in hem zeluen hoet gheschie
maer daeromme niet drie substantien zyn die
maer god eenne substancie / mueghentheyt Eene
[p. 85]
een eeuvvicheyt / een grootheyt / een goetheyt / zonder fantazie
als zuene / ofte helich gheest / Onverscheeden gheene
+ Noch gheen andre / en es de vadere Reene
in nature / dan de zuene / ofte helighen gheest blycke
noch yet anders de zuene / end helich gheest minder cleene
dan de vader in nature / wien een nature / es int ghelycke
5
// Maer een ander es de vadere Almachtich Rycke
in persoone / een ander de zuene in persoone goet
een ander dhelighen gheest in persoone tallen wycke
inden vader eeuvvicheyt / inde zuene vroedt
ghelyckheyt / inden helighen gheest wesen moet
10
die eeuvvicheyt en ghelyckheyt / tsamenvoughynghe beseuen
Al een in substancie / ende vvesen onbegrypelick keest
almachticheyt ende godheyt / kennen wy ghehuldich
Drie zynder die inden hemel ghetughe gheuen
God vader God zuene God helich gheest.
