Liedeken
Vpden Voys
Meysken ick hebbe hu wel ghezien
En hu tuutkens staen zo net /
Heere god myns ghenaedich zyt
hemel eerde / ghy Regiert
+ duer huwe name ghebenedydt
ghy bermherticheyt hanthiert
// Mynen gheest verhueght in hu heer goet
Myn heere myn god ghy
5
die wonder in hemel end eerde doet
kennen wy // vranck en vry
Lof eeuvvich hu zyn moet
[p. 86]
Al onsen troost gheel vp hu staet
heere god ghenadich groot
10
die thuwaerts keert / ghij Minnelick ontfaet
in huwer gratien schoot
// Mynen gheest verhueght in hu voorwaer
myn zonderlynghe vruecht
duer Iesum Christum hu zuene Claer
15
By hu duecht // ghij vermuecht
vveeren / ons zonden zwaer
Zonder hu mueghwy doen duechdlicx Niet
wy die gheel broosch zondich zyn
ons hulpe dies / end hu bystandt biedt
20
Tooght ons hu blyde Aenschyn
// Mynen gheest verhueght in hu zeer vast
myn god int hemelsch Pleyn
ghy weit ende kendt mynder herten last
gheel onReyn // Bem Certeyn
25
My niet grammoedich Tast
Sathan Als eennen leeu zeer fel
ommeRynght ons Nacht* en dach
Loerende zouckende ghierich snel
vvien dat hy verslynden mach
30
// Mynen gheest verhueght // in hu ghelooft
Tot inne tsdoods Perck
heere zend my stercte / eer hy my verdooft
al myn werck // Es onsterck
heere god myn hueuerhooft
+ Onsen vleeschvyandt Quelt ons oock meest
waer dat wy ghaen of staen
vernieut in ons eennen vpRechten gheest
Schept ons een Reyn herte zaen
5
// Mynen gheest verhueght / die thuwaerts trect
vpheft ons vanden val
vvy slaperich in zonden onslieden wect
in dit dal // Meestdeel al
zyn wy met tvleesch bevlect /
10
De vveerelt Belooft ons oock veel schoons
met een smeeckende mondt
vviese bemindt / veel ydel Loons
gheeft zou / der zielen onghezondt
Mynen gheest verhueght liefmoedich heet
15
heer god in hu gheheel
[p. 87]
Becleedt ons met huwer Liefden cleedt
gheeft ons deel // int Pryeel
Tvvelck ghy ons hebt bereedt
Die babylonsche draecke fier
20
oock zeuenthoofdich naer my pooght
gheerne brochtse my int dangier
huer Cop my om dryncken tooght
// Mynen gheest verhueght Liefuer ter noodt
In hu Leeu van iuda
25
den strydt wont ghy ieghens helle zonde doodt
Waer ick gha // vooren na
Zyt myn beschermer groot /
Heere god des zalicheyts ghenaemt /
zoo zyt ghy wel bekendt
30
gheenssins en Laetse ghij niet beschaemt
die hu hopen omtrent
Mynen gheest verhueght in hu altoos
myn leuens daeghen Lanck
beschermt ons van becuerynghen boos
35
in onsen ghanck // Broosch en Cranck
Zyn wy gheel troosteloos /
drievuldich Eennen god
Biedt ons hu ghenaedeghe Rechter handt
helpt ons vulbrynghen hu ghebod
5
Mynen gheest verhueght te doene die
zoo ick alder best Can
huwe goede wille alsoo gheschie
nv voort an // vvyf en man
keert van Afgoderie
10
Die dit liedeken heeft ghestelt
heeft ouertorden huwe wet
zynde noch metter Weerelt ghequelt
schict hem doch te doene Bet
zijnen gheest verhueght / en gheerne hoort
15
zonder scheeden der of
hu eeuwich helich Reyn crachtich woordt
vvy eerdsch stof // Bieden Lof
huwen name eeuwich voort /
