Refereyn
Christus god almachtich / grootwonderlick in wercken+
hueverhooft toeziender zynder heligher kercken
mids tshelichs gheest bevlercken
15
ghefondeert ghesticht / vp een vast ghelooue Reyn
hy den verworp steen ghevveist / int openbaer mercken
van dwase verblende Wanewyse clercken
nv houcksteen int verstercken
als fundament / daert al vp ghefondeert es Certeyn
20
En gheen ander fundament buten dien treyn
mach yemandt Legghen / om blyfuen staende eendrachtich
Christus kercke / die es der vergaderynghe pleyn
[p. 93]
der standvastegher gheloouend in hem Warachtich
vereenicht metter Liefde / duer tghelooue werckCrachtich
25
Buten welcke christus kercke / gheen zalicheyt en zy
heeft Petrum ghestelt / zynen stedehoudre machtich
Als vadre ende prinche / zynder kercke gheel vry
vvant hijs hem vast betraude / mids zyn sterck bely
gheloofuich blyfuende by
30
dat christus was / de leuende gods zuene / Maer een
tsamen drievuldich int hemelsch domineren
daer omme iesus Christus Tot petro sprack hy
+ Ghy zyt petrus / ende vp desen steen
zal ick myn kercke funderen /
Vp desen steen als sterckvast onRoerlick staende
vp desen steen / niet wanckelbaerich ommeslaende
5
noch twyfuelick verghaende
vp desen steen petrus / als vp een fundament vast
vp dees steen / want ghy petrus zyt Christus vermaende
de sluetels des hemelRycx daer naer ontfaende
wie anderssins waende
10
heeft vp hem zyn kercke te stichtene ghepast.
Als zynde een Columne / sterck onbuugsame mast+
end een stercke vastheyt gheel des waerheyts openbaer
dies petro als hooft / ghegheuen tspeciael Last
zyn kercke te Regierne / en zyn schaepkens aldaer
15
Tdien fine zegghende / wat ghy byndt vpder eerden / claer+
dat zal hier bouen in dhemel ghebonden vvesen
en Christus glorieux verResen / zynde der naer
zo wierd petrus / beloofde macht / crachtich gheResen
dies een generael heerder / der kercken mids desen
20
alsdan zynde ghepresen
Christus schaepkens te bewaerne / ouernam hy tleen
als stedehouder gods ghestelt int possesseren
vvant hy hem beminde / Christus sprack zoo vvy lesen
Ghy zyt petrus / End vp desen steen
25
Zal ick myn kercke funderen
Christus schaepkens tbewaerne hadde petrus tlast groot
zoo hem zyn vpperheerder god almachtich gheboodt
voor tswulfs grypende noodt
hem macht gheuende van bynden end ontbynden ziet
30
Christus hadhem huutvercoren / bouen dandre / zoot
claerlick bleeck / naer christus verRysen vander doodt
dies de naecte waerheyt bloodt
[p. 94]
de tot petro alleene / een zoorghfuldich bediet
ick heb voor hu ghebeden / dat hu ghelooue Niet
35
sprack hy (niet en verghae) ende ghy metter tydt
+ bekeert zynde / dyn mebroeders versterckynghe biedt
end hemlieden alsdanne meversterckende zyt
hier huut verstaen wy / dat christus ghebenedydt
Pieter zoo ansprack / als prinche der disciplen vroedt
5
vp dat hy naer zynder penitentien strydt
zou dander schicken / want tbetaemt dat ghyt doet
die naer my zyt den steen / ende tfundament goet
der kercken wesen moet
Twelck petrus oock wierd / naer veel Rauvvichs gheween
10
voort an gheloofuich blyfuende int perseuereren
wiens herte Christus kende / dies sprack met woorden zoet
Ghy zyt petrus / End vp desen steen
Zal ick myn kercke funderen
Prinche
Dese kercke duer Christus voorzienichede
15
vp petrum ghefundeert / zyn sterck gheloouichede
zonder wanckelbaerhede
heeft Christus bezeghelt met diepwondeghe prenten
als zyn strydende kercke van gheel kerstenhede
een lichaeme zynde / zonder tweedrachtichede
20
waer of in hueverhede
Christus iesus thooft es / niet om verexcellenten
die hy met zeuen helighe sacramenten
voorzienlick tonser noodt / heeft eerzaemlick verchiert
tot tsvyands confusie / met zynen adherenten
25
Als doopsel / vermsel / oorden / huwelick / penitenten /
Olysels* / maer bouen al Liefmoedich ghemaniert
Tsacrament des outaers / weerdich datment Eert en viert
vvantter Christus god en menssche / dits tprincipale
onder tsbroods figuere / in dhelighe hostie logiert**
30
in vleesch en bloede / zoo hy zat tzynen avendmale
ons gheestlick voedtsel ieghens der zielen quale
huut Liefden Liberale
+ zyn kercke ghelaeten Testamentelicker gheen
Alwelcke petrus oyndt eerweerdlic* wilde exalteren
zonder Ieghenstuderen
ende Christus dit voorziende / sprack hy int speciale
[p. 95]
5
eer hy vertrack naer dhemelssche zale
Ghy zyt petrus End vp desen steen
zal ick myn kercke funderen
