[p. 127]
verhueght / want zonder Cesseren
my dynck ick vruecht me / nv / na / bem
30
in tgheestelick Reyn contempleren /
+ Dochters van syon oock verhuecht
verblydt in god almachtich heere
die onslieden By zynder duecht
es nv ghenaedich milde zeere
5
Want hy heeft een nieuwe werck
gheschepen vpder Eerden
Een vrauvve heeft / eennen man sterck
in huer omvanghen groot van weerden
Een man ten tyden alsnv vervult
10
gheeft hy huut tshertsen gronden
Christum zyn zuene / die de schult
betaelen quam / voor onse zonden
Van maria ghebenedydt
Bouen al andre vrauvven
15
es dese zuene tsvyands spyt
gheboren Reyn zonder verflauvven
Tvvas zoo voorsproken / moeder ghedwee
Reyn maegdelicxst beclyfuen
dat ghy zoud wesen zonder wee
20
maeght vooren ende naer blyfuen
Het tabernakel daer hy in quam
vvilde helich maecken Reene
vvant hy daer in zyn Ruste nam
Christus als een kyndeken cleene
25
Hy dalder stercxste spyts dhelssche quicx
de vaste sterck motalen poorten
ghesmeten heeft hij die in tsticx
met al huerlieder toebehoorten
Die inde duusterheyt vul noods
30
aldaer ghevanghen zaeten
oock in die schadewe des doods
Christus heeft die los huutghelaeten
Elck voor dies Christum bughen // moet
helsch hemelsche / Eerdsche persoonen
35
schriftuere dies tbetughen // doet
end alle inghelicke Troonen /
[p. 128]
+ Als onsen toevlucht / dient hy gheEert
met grootter danckbaerhede
vvant inder eerden heeft hy verkeert
als menssche / metten mensschen mede
5
Manlicke wercken heeft hij ghedaen
en gheenen strydt ontdoken
Thooft onser pertye heeft hy zaen
ghebryselt / end in tsticx ghebroken
Noyndt voorvechter die bet ghenas
10
Al ons benaude dolueren
de Wetbrief die Ieghens ons was
heeft hy in sticx oock willen schueren
In teecken van victorien groot
verwinder van onse Bedwanghen
15
zo heeft hy die openbaer Bloodt
An tcruce zelue ghehanghen
Die alder ghiften gheuer zy
daer ziel en Lichaem by Leuen
es zelue nv zo ghenaedich hy
20
een ghifte voor ons onslieden bleuen
Looft Christum met dancbariche
van maria menssche gheboren
vp dat hy als menssche in deerdsche ste
gheen mensschen laeten zou verloren
25
Christen zyn moeder oock ghedynct
tsghelycx te doene volgh ick me na
end huer dat inghelick groetsel schynct
Aue gratia plena
