Derde leysse
Vpden Voys
Laetst omtrent den Avendt
Alsoo my Rechts dochte
Crachtich God ghepresen
beghin zonder hende
Als alle dynghen wel waeren ghestelt
+ in stillicheyt naer desen
In deerdsche bende
en den vulcommen tydt was ghetelt
huut themelssche bewelt
5
zondt ghy Rechtevoort
om niet zonder ghelt
hu crachtich woordt
Nu es gheschiet zalicheyt / ende cracht der by
de zuene des mensschen hy
10
es nv ghecommen vry
[p. 131]
Dies wy // Waert zy
hem louen dancken talder tydt
Eeuwich ghebenedydt // Eeuwich ghebenedydt
die ons tsaemen verblydt /
15
Die ons vyandich porden
snel int omRynghen+
die heeft hij onder de voeten vercracht
de dood wildhy verslynden
dies wy nv zynghen
20
hy es onsen god / die wy hebben verwacht
dees zalichste dracht
vp tghecoren // pas
van maria kerstnacht
gheboren // was
25
Nu es gheschiet zalicheyt / ende cracht der by
de zuene des mensschen hy
es nv ghecommen vry
dies wy // waert zy
nv louen dancken onversaeght
30
Maria moeder maeght // Maria moeder maeght
dhemelssche croone draeght
Te Bethleem in tstede
es hy gheworden
der aermen sterckheyt en toeverlaet+
35
ons broederlicxste vrede
mids tommeghorden
van onser mensschelicke staet /
+ ghenaedeghe daet
huut Liefden sterck
die ghaf den Raedt
vuldoende Twerck
5
Nu es gheschiet zaelicheyt ende cracht daer by
de zuene des mensschen hy
es nv gheCommen vry
vp dat wy ons verblyden / ende laeten fantazien
Ende melancolien* // ende melancolien
10
Allen druck moet van ons vlien
In zyn eeghindom / es hij ghecommen vierich
En de zyne hebben hem ontfanghen niet+
maer tvvee beesten stom
oetmoedich manierich
15
Bekenden wel hueren heere ziet
die goddelick ghebied
[p. 132]
ouer zee ende zandt
de vyandt vliedt
voor zyn Crachteghe handt
20
Nu es gheschiet / zalicheyt ende cracht daer by
de zuene des mensschen hy
es nv ghecommen vry
Dies wy // waert zy
hem louen dancken talder tydt
25
Eeuvvich ghebenedydt // eeuvvich ghebenedydt
die ons tsaemen verblydt
Wie es ghelyck den heere
onsen god van vveerden+
die Int hooghste wuendt eeuvvich daer
30
en ziet beneden zeere
in hemel inder eerden
Zyn Eere / es bouen die hemelen claer
ende hy es voorwaer
die sterckheyt groot+
35
beschermer der naer
zyns volcx ter noodt
Nu es gheschiet zalicheyt ende cracht daer by
+ de zuene des mensschen hij
es nv ghecommen vry
Dies wy // Waert zy
nv louen dancken onversaeght
5
maria moeder maeght
maria moeder maeght
dhemelssche croone draeght
Die motale poorten
en grendelen tsaemen
10
heeft hy in sticx ghebroken fyn
dhelsche toebehoorten
tot onser vraemen
machteloos / voor hem gheworden zyn
// Zyn goddelick aenschyn
15
claer onghezvvicht
heeft vp dat termyn
doude vaders verlicht
[p. 133]
Nu es gheschiet / zalicheyt ende cracht daer by
de zuene des mensschen hy
20
es nv ghecommen vry
vp dat vvy ons verblyden / ende laeten Fantazien
ende melancolien // Ende melancolien
Allen druck moet van ons vlien
Vp dat hij ons ontfaerme
25
huut een vast Beminnen
die heere die heeft tonsvvaerts ontdect
zyn helighen Aerme
ons crachtich verwinnen
onnoosel Lammeken onbevlect
30
vvy doodzondich beplect
Christe duer hu
zyn gheestelick verwect
ende Erboren nv
Nu es gheschiet zalicheyt ende cracht daer by
35
de zuene des mensschen hy
es nv ghecommen vry
dies wy // Waert zy
+ hem louen dancken talder tydt
Eeuvvich ghebenedydt // Eeuvvich ghebenedydt
die ons tsaemen verblydt
Wilt nv lofzangh vermaenen
5
den heere zachtmoedich
vvant hy heerlicke heeft ghedaen
Onse bedructe traenen
met wonden bloedich
heeft hy an tcruce Willen ofdwaen
10
Den zondaers ontfaen
es hy beReedt
vvie tot hem ghaen
hij thelpene weet
Nu es gheschiet zalicheyt ende cracht daer by
15
de zuene des mensschen hy
es nv ghecommen vry
Dies wy // Waert zy
nv louen dancken onversaeght
Maria moeder maeght // Maria moeder maeght
20
dhemelssche Croone draeght /
PRinche
Van Nasareene
[p. 134]
Sterck god der goden
god vader god zuene / god helich gheest
25
drievuldich maer Eene
Conyngh der Ioden
voor wien herodes was zeere bevreest
dafgoden tempeest
huut kerstenheyt weert
30
verleent ons meest
dat ghij begheert
Nu es gheschiet zalicheyt ende cracht daer by
de zuene des mensschen hy
es nv ghecommen vry
35
vp* dat wy ons verblyden / ende laeten Fantazien
ende melancolien // Ende melancolien
Allen druck moet van ons vlien /
1545.
