[p. 135]
la la maria Reene
La la la Reyn moederkin
25
Ioseph die vul vruechden wys
Cooctte tkyndekin mortroel
hy / Roerde hy pufte ende hy blies
maer zou wierdt van passe coel // la la ./
Als Iesus zyn gheboorte coos
30
de Coude maecte menich mat
vvant den pappot die vervroos
Daer ioseph byden viere zat // La la /
+ Tlogyst en ghaf gheen waerm ghewin
van beesten stondt woest onbesuust
de zwalevven vlogher huut end in
want thadde gaeten menich duust // la la /
5
Drie Conynghen Ionstich ghepynt
maer deene die was een morIaen
drie ghiften brochten zy daer tkyndt
huut verre vreimde Landen zaen // La la /
Herodes heeft gheRonst verdooft
10
als hy van dit kyndt verstoet
Int zoucken tleuen wierd beRooft
van menich Ionck onnoosel bloedt / la la /
Ioseph herodem heeft verlact
doe dinghel gods hem tvlieden Riedt
15
nochtans herodes vuyl beclact
volgde tkyndt* Maer cnapter niet // la la /
Want Naer egipten vloden dan
moeder met tkyndt ioseph als post
Ioseph / die was een themmerman
20
hy maectter stoelkens om den cost // la la /
Laets louen eeren vp elck termyn
met een zuuer hertken Reyn
vvant desen schoonen Pappaerdyn
Es** tsmensschens behoudt Certeyn // La la /
25
Oorlof dits gheleyst ghenouch
Tot noch tiaerent ander tydt
[p. 136]
maria / die dit kyndt drough
danck wy die ons heeft verblydt / la la /
