Euangelion Vpden vierden
zondach inden aduent /+
Van ierusalem zonden die Iueden tdien tyden
tot Iohannem priesters ende Leuiten ziet
[p. 165]
end en heuet niet gheloochent negheenssins yet
en hy heeft beleden / ick en bem christus niet
en zy hebben hem ghevraeght /Wat zyt dan ghy
5
zyt ghy helyas / ick en bemt niet / sprack hy zyn bediet
zyt ghy die prophete / neen / gheandwoord heeft hy
daer om hebben zy hem gheseyt zeght vry
wie zyt ghy / dat wy andwoorde mueghen gheuen
den ghuenen van wien dat ghezonden zyn wy
10
vvat zeght ghy van hu zeluen / hy sprack int leuen
Een stemme bem Ick inder woestine ghebleuen
van hem die Roupt / Schict den wech des heeren daer
zoo Esaias de prophete gheseyt heeft ghescreuen
Iohannes volgde christum in oetmoedicheyt Naer
15
En die ghezonden waeren ter causen van desen
waeren huter bende der pharizeeusche zede
hebben hem gheseyt waeromme / wilt ghy doopende wesen
zyt ghy christus niet / helyas / noch prophete mede
iohannes heeft gheandwoord / zegghende tdier stede
20
Ick doope int water / maer int middel hy onder hu staet
die ghylieden niet en kendt tot huwer vrede
dat es de ghuene / die naer my zal commen iaet
die voor my es gheweist / tsmensschens toeverlaet
wiens ick niet weerdich / en bem Waerachtich
25
tontbyndene de Riemen van zyn schoen waer hy ghaet
in bethanyen dees dynghen gheschiet zyn eendrachtich
ouer de iordane daer sint ian doopte crachtich
ten anziene vanden volcke daer openbaer
en duer gratie van god / den heere almachtich
30
Iohannes Volghde christum in oetmoedicheyt naer
Tsdaeghs daer naer / ziet iohannes iesum ghebenedyd
tot hem commende / en heeft gheseyt metter spoet /
+ ziet dat lam gods / zeyt hy zynde verblydt
ziet / die de zonde Des weerelts of doet
dit es / daer Ick of zeyde zydes* ghylieden vroedt
daer es / Een man naer my ghecommen ghebleken
5
die voor my es gheweist / als een heere goet
want hy was / eer dan ick / ende blyft onbezweken
end ick en kenne hem niet / maer naer thuutwendich spreken
vp dat hy openbaer mach worden in israhel
bem Ick ghecommen doopende in tswaeters beken
10
en iohannes ghetuught heeft zegghende snel
[p. 166]
Want ick hebbe ghezien den gheest zeere wel
inne die ghedaente Van een duue voorwaer
vanden hemel nederdaelende / met een goet vpstel
Iohannes volgde christum in oetmoedicheyt naer
15
Prinche
En die gheest es vp hem ghebleuen omtrent
sprack iohannes certeynlick en wilde verhaelen
ende ick en hebbe hem niet ghekendt
maer die my ghezonden heeft zonder faelen
20
om te doopen int water / heeft my willen taelen
en die heeft my gheseyt Binden eerdschen gheduene
vp wien dat ghy den gheest / zult zien nederdaelen
ende vp hem blyfuende dat es de ghuene
die daer doopt metten helighen gheest ghewuene
25
en ick hebt ghezien / ende ghetuught oock claer
dat dit (sprack iohannes) es De gods Zuene
wier ieghens stuene
Iohannes volghde Christum in oetmoedicheyt Naer
