++ Epistolen ende euangelien
Naer der lettren keest
veel zoetRokegher dan bloeyende confelien
verhueghende den gheest /
Inder kerstnacht eerste Messe+
Alder liefste broeders / die goddelicke gratie
en van onsen zaelichmaecker die gratie mede
es openbaer nv allen mensschen / Tot Recreatie
die onslieden Leert Loochenende alle booshede
10
ende weerlicke begheerlicheyt / Wy tonser vrede
soberlick ende Rechtueerdelick beseuen
ende oock zouden in vougsamegher zede
godsdienstelick inne deser weerelt Leuen
verwachtende die helighe hope verheuen
15
en die toecomst der gloryen / Van onsen god groot
end ons zalichmakers iesu Christi ghegheuen
hem zeluen voor onslieden / als troost tonser noodt
[p. 167]
vp dat hy ons verlossen zoude met zynder doodt
van alle ongheRechticheyt / zondich zwaer
20
ende Reyneghen hem zeluen / met zyn bloed Root
Een anghename volck / hem bequame der naer
een naervolgher van goede wercken voorwaer
zeght ende vermaent dit / in een lieflick omghorden
In christo iesu onsen heere / die openbaer
25
In een ghedaente des dienlyncx / Wilde menssche worden
Euangelion
Het es gheschiet daer es in dien daeghen
Vanden keyser augusto Een ghebod huutgheghaen
dat zoot gheordonneirt was / naer Lucas ghewaeghen
30
de gheele Weerelt zoude worden bescreuen zaen
// En dees eerste beschryfuynghe die es ghedaen
+ ende van Cyrino Rechter van siria gheschiet
zy zyn alle gheghaen / naer tzelue vermaen
om een yeghelick belyden in zyn stede ziet
ende ioseph in ghebreke dies zynde niet
5
heeft hij hute die galileesche Cant
Neerstich vpgheclommen zonder letten yet
van die stede nasareth Tot tiuedsche landt /
in dauids stadt / ghenaemt Bethleem / Want
hy van dauids huus / ende huusghezin was bekent
10
vp dat hy oock daer zou belyden / naer tghebods verstandt
met maria zyn ghetraude wyf / by hem omtrent
De welcke daer al zwaer was / met een vrucht beglent
in huer voorzien / eer ye beghinnen porden
want christus was de vrucht / die mids huer consent
15
in een ghedaente des dienlyncx wilde menssche worden
En tes gheschiet doe in bethleem waeren zy
dat die daeghen vervult zyn / om baersen ghewuene
Maria wierdt daer moeder van smerten vry
ende heeft ghebaerst huer eersten gheboren zuene
20
end hem in doucxkens ghewonden de ghuene
die als god ende menssche veel mensschen ghenas
end hem gheleyd in een crebbe / Binden eerdschen gheduene
mids dat in dherberghe / voor hem gheen plaetse was
en daer waeren heerderkens Alsdoe vp tpas
25
die daer in die contreye wilden waeckende wesen
en die inghel des heeren ziet (zoo ick Las)
heeft by hemlieden ghestaen gheResen
[p. 168]
En die claerheyt des heeren heeftze bouen desen
ommeschenen / ende hebben ghevreest tdier tydt
30
met een groote vreese / ende dinghel ghepresen
wilt niet vreesen / zeydhy hemlieden zonder Respyt
maer te Rechte mochten zylieden wesen verblydt /
want in dier nacht / iesus christus ghebenedydt
in een ghedaente des dienlyncx wilde menssche worden
Prinche
5
VVant ziet sprack dinghel ick boodschap hulieden vercoren
een groote blydschap welcke alle volck wesen zal
want hulieden es hedent Warachtich / gheboren
een zalichmaecker christus / die heere bouen al
inde stad van dauid / Binnen teerdsche dal
10
ende dit zal hu wesen / tot een teeckene fyn
ghij zult vynden een Ionck kyndeken / in doucxkens smal
ghewonden / in een crebbe Byder moeder zyn
en ter stondt esser gheweist vp tzelue termyn
metten inghel / een menichte van een hemelsch heyrcracht
15
god louende / en zegghende met een blyde aenschyn
Glorie zy god In die Vpperste macht
ende inne der eerden zy vrede gheschacht
den mensschen die van goeden wille Blycken
// iherusalem staet vp / wordt verlicht dies gheacht
20
hu licht es voort ghecommen nv zonder bezwycken
iesum christum Looft en danct in allen wycken
die tot tsmensschens verlossen (hoe dhelssche Cnorden /
oetmoedich totter dood / huut zyn hemelsche Rycken
in een ghedaente des dienlyncx / wilde menssche worden /
