Inder moorghenstondt
ofte Dagheraet messe.+
Alder liefste broeders / die goedertiere vrede
en die mensscheyt van god / ons zalichmaecker ziet /
+ es elcken openbaer nv in deerdsche stede
maer huut die wercken der Rechtueerdicheyt niet
die by onslieden ghedaen zyn gheschiet
maer naer zyn bermherticheyt duer zyn name
5
heeft hy ons zaelich ghemaect huut tverdriet
[p. 169]
duer tbadt der wedergheboorten bequame
mids vernieuwynghe des helichs gheests eersame
de welck hy ouervloedich huuter liefden vloedt
in onslieden huutghesturt heeft tonser vraeme
10
Duer iesum christum onsen zalichmaecker goet
vp dat wy gherechtueerdicht / duer zyn gratie zoet
erfghenamen tsamen / zouden worden beseuen
naer die hope / die ons al tsaemen gheeft moed
Omme met hem ghebruucken / dat eeuwich leuen
15
In dien tyden die heerderkens tsaemen spraecken+
ende zeyden Laet ons tot Bethleem ghaen
ende laet ons bezien / als wy daer ghenaken
dat Woord / tghuene datter gheschiet es zaen
Twelcke dheere ons vertooght heeft / ende ghedaen
20
en zyn hemlieden haestende gheCommen aldaer
ende hebben maria tmoedermaegdelick graen
met ioseph te zaemen ghevonden der naer
ende tkyndt in eenne Crebbe gheleydt voorwaer
als zy dit zaeghen / zy hebben bekent van twoordt
25
dat hemlieden van dit kyndt was gheseyt openbaer
ende alle de ghuene diet hebben ghehoort
die hebben hem verwondert daer Rechtevoort
van tghuendt dies hem vanden heerders gheseyt was bleuen
laets met christo onsen heere dan houden Accoord
30
Omme met hem ghebruucken / dat eeuwich leuen
Ende naer dien dat waeren vervult acht daeghen
+ datmen zoude tkyndt besnyden / naer de wets bedwanghen
iesus / zoo hoorde men zyn Name ghewaeghen
twelck ghenoomt was vanden Inghel zonder vertraeghen
eer hy inden Lichaeme was ontfanghen
5
Dheere heeft ghehoort onse verzuchtende verlanghen+
ende es zyn verbandt gheworden ghedachtich
twelck hy huut Liefden / ende gheen verstranghen
hadde ghemaect met Abraham crachtich
met ysaac oock ende iacob eendrachtich
10
en dheere ansach die kynderen van israel
ende hy verlostese als god almachtich
duer iesum christum zyn wy verlost nv oock wel
dheere zandt zyn volck verlossynghe snel
dauid heeft zyn liedeken zoo vpgheheuen+
15
Christus drough al onse smerten / ende ons ghequel
Omme met hem ghebruucken / dat eeuwich Leuen+
[p. 170]
Prinche
Daer in heeft gods Liefde Bermhertich* liefgloedich
gheopenbaert in onslieden / huuter Liefden schoot
20
dat god zyn eeghin zuene gheboren / oetmoedich+
inder weerelt ghezonden heeft tonser noodt
vp dat wy duer hem leuen zouden / cleen ende groot
hy buugde den hemel ende es ghedaelt+
ende met zyn dierbaer passye ende bitter doodt
25
zynen vader ghepaeysiert / end ons schult Betaelt
// hu herte zy niet versaeft / noch met vreesen duerstraelt
beeft noch en gruwelt oock te gheenen Tyden
wyct niet achterwaerts voor hem / als een die faelt+
want die heere huwen god / tot dyn bevryden
30
ghaet met hu / omme clouck voor hu stryden
dees beloften / zyn al tonsen trooste ghescreuen
iesus christus es gheboren / ende wilde Lyden
Omme met hem ghebruucken dat eeuwich leuen
