[f. 35 r°] [XIX] REFREYN  VAlsche Fortune tfy, die my heeft getoghen  tot reynder liefden, tmoet mi mishaghen,  want noyt lief en was noyt van liefden soe bedroghen  als ic diet al moet verdraghen. 5  mi deert dat mijn oogen haer oyt aensagen  en dat ic mi duer haer ionstighe daet  heb mi laten van haerder liefden duerknagen,  vs. 7    ghelijc een scaepken dat die wolf verslaet.  och hoe mach si gheuinden in haren raet 10  dat si als die weerhaen met allen winden  haer herte gekeert heeft, noyt arger quaet;  mer want icse nv met dobbelen gronde vinde  vs. 12    so mach ic wel segghen nacht ende dach:  adieu die alderliefste die ic te minnen plach.	vs. 7  mi is overbodig.  vs. 12  mer want: aangezien; vgl. vs. 40 met dobbelen gronde: dubbelhartig; vgl. S. CCVII, 11; ABN. I, a, 9, en vele andere dergelijke uitdrukkingen: dubbelen aert (S. CCXXXII, 29); dubbel dierken (S. LXXXVI, 6); -velleken (S. LXXVII, 29); -wijf (CCXV, 35).
[p. 49]   15      Al had si die siele wt mijnen lichame  vs. 15 en 16    en duyterste begheerte van mijnen bloede  en al dat wesen mach in mijnen name  [f. 35 v°] mi toebehorende van eertschen goede,  so soudict hebben tot haren voorspoede 20  ionstelic geschoncken met vieriger trouwen  om dat icse so reael sach van moede  vs. 21    int schijn der liefden, na haers woorts ontfouwen,  die als een riet seer wanckelbaer schijnen.  vs. 23    dus moet mi die tijt en huere berouwen 25  dat icse oyt sach met vruechden verkeert in pijnen.  vs. 25    ic segt als nv en tot allen termijnen,  nv doende mits desen als vore ghewach:  adieu dalderliefste die ic te minnen plach.         Al heeftse getrouwicheyt aen mi gewonnen, 30  al heeftse mi cathoen wten ooren gesponnen  vs. 30    mits liefde die in mijn herte was gheseten,  daer en leyt niet aen, ic moetse wel vergeten;  mer het deert mijnder herten bouen natuere.  duer mi so moet haer sijn verweten 35  die grote ontrouwicheyt mijn leuen duere,  och daer si so ghetrou scheen van labuere  int stroyen der woordekens vol minnen gesayt  tot miwaert als een die alderliefste figuere  daer mijn herteken somtijts bi was ghepayt; 40  [f. 36 r°] mer want si alst rat van fortunen drayt,  contrarie haers wesens, ic wel seggen mach:  adieu die alderliefste die ic te minnen plach.       Prince  Die princesse die ic onghetrouwich scriue,  het scheen bouen alle princessen eene 45  amoreuser te sijn van haren bedriue  en ghetrouwigher tot miwaert alleene  dan alle deedelste princessen ghemeene	vs. 15 en 16  zijn wsch. ietwat corrupt; voor had leze men wellicht bad, voor en: in of met  vs. 21  reael ... van moede: betrouwbaar, rechtschapen; vgl. Hand. d. Amour. G 4 r°: reael van herten.  vs. 23  schijnen: blijken.  vs. 25  vruechden verkeert: vreugde die veranderd is.  vs. 30  cathoen wten ooren gesponnen: voor den gek gehouden (Ndl. Wdb. VII, 1838).
[p. 50]    die oyt tot haren prince ghestadich  liefde droeghen met ionsten reene. 50  want icse nv vinde so onghenadich  als een die de quale mijnder herten  met wanckelbaerheyt wil maken beladich,  so seg ic nv adieu met droevige smerten,  dus wacht v voor al sulcke perten,  vs. 54   55  so en durfdi niet seggen dit swaer geclach:  adieu die alderliefste die ic te minnen plach. [twee fleurons]	vs. 54  perten: streken.