[XXII] REFREYN
- MEt belemmerde sinnen moet ic ontstelt zijn, vs. 1
- met ooghen die met tranen nat sijn,
- met suchten der herten moet ic gequelt zijn
- als die arme allendighe die in Venus pat zijn,
- 5
- onhope van trooste moet mijn stadt sijn,
- desperacie mijn vruecht mi in te verbliden,
- dus roepic als die van liden mat sijn:
- druck sonder troost is quaet om lijden.
|
vs. 1 belemmerde: verwarde.
|
[p. 54]
-
- Ghi die mijn vruecht, mijn iuiblacie is,
- 10
- ghi daer mijn iuecht, minen sin op staen moet,
- ghi die mijn troost, mijn confortacie is,
- daer mi natuerlike minne toe slaen doet, vs. 12
- ghi siet dat ick verdoelt nv gaen moet
- om v goede ionste te vermijen, vs. 14
- 15
- ghi keert mi den rugge hoemens vermaen doet,
- druc sonder troost is quaet om te lijen.
-
- V compasselike oghen die zijn verduystert,
- uwen wille recht als die weerhaen drayt,
- v vierighe liefde is ouer ghebluystert, vs. 19
- 20
- [f. 39 v°] ist wonder al is mijn herte ontpayt? vs. 20
- v soete woordekens vindic versayt, vs. 21
- lueghenachtich, om mijn herte doorsnijden,
- dies wrake der fortunen die mi dat rayt;
- druck sonder troost is quaet om lijden.
-
- 25
- O lief alderliefste, spreect in tgheuoelen, vs. 25
- hoe mach vierighe liefde so haest vercoelen,
- hoe mach liefde dus voor den cruepelen manck gaen, vs. 27
- hoe mach yemant so hert zijn int geuoelen
- datsi haers liefs miskief voor sanck slaen, vs. 29
- 30
- daer therte waent liefs liefde te vertijen; vs. 30
- wee hem allen die sulcken vanck vaen,
- want druck sonder troost is quaet om lijen.
-
-
- Princesse
- Ghi weet dat v imagie puerlijck
- bouen al die weerelt van mi bemint is,
- 35
- hoe muechdi dan sijn so onnatuerlick
- dat v herte tot miwaert niet ghewint is.
- troostmi nv bloeme, als een die wel gesint is
- om inder vruechden pat te schrijen
- en geeft mi troost daer troost bekint is, vs. 39
- 40
- want druck sonder troost is quaet om lijen.
|
vs. 12 slaen: streven, neigen.
vs. 14 wsch. eenigszins corrupt; de zin moet zijn: doordat ik uw gunst moet missen.
vs. 19 ouer ghebluystert: uitgebrand? vgl. Ndl. Wdb. II, 2930, en nog LXIV, 9.
vs. 20 ontpayt: ontevreden; vgl. ABN. VIII, e, 14.
vs. 21 versayt: eig. gortig, dus: onzuiver, onoprecht.
vs. 25 in tgheuoelen: wsch. corrupt (onder invloed van 28).
vs. 29 voor sanck slaen: den spot drijven met; vgl. CXLV, 28 voor spel slaen in dezelfde beteekenis.
vs. 30 vertijen: verloochenen.
|
