[LIX] REFREYN [f. 83 v°] [houtsnede] Refreyn/Rondeelwijs  OCh god wie mach dat garen spinnen  daer dat mutsken af ghebreyt mach sijn,  het kittelt mi dicwil onder der kinnen,  och god wie mach dat garen spinnen, 5  [f. 84 r°] tis so gheknoopt ic waen ontsinnen,  noyt en leedick meerder pijn.  rijck god wie mach det garen spinnen  daer dat mutsken af ghebreyt mach sijn. [p. 114]        Moet si niet abel sijn vander hant 10  si is doch van so cleenen draykens,  dat vrouken dat mi dat mutsken aen bant,  moet si niet abel sijn vander hant  ic meene des ghelijcs men niet en vant,  want si is van so proper naykens. 15  moet si niet abel sijn vander hant  si is doch van so cleenen draykens.         Moet dat mutsken niet abelijc zijn gewracht:  al heb icse opt hooft men sietse doch niet;  ic macht haer dancken diet mi aen bracht. 20  moet dat mutsken niet abelijc sijn gewracht,  het moet wel wesen van groter cracht  daer so veel dincks om is gheschiet.  moet dat mutsken niet abelijc sijn gewracht,  al heb icse opt hooft men sietse niet.    25      Die cracht die dat mutsken aen hem heeft  vs. 25    die sijn ontallick om te vertellen,  [f. 84 r°] als icker af hore mijn herte dat beeft,  die cracht die tmutsken aen hem heeft.  het is so vast aen mi becleeft 30  gheen siecte en mach mi meerder quellen.  die crachten diet mutsken aen hem heeft  die sijn ontallic om vertellen.       Prince      Dat eeuel der mutsen gaet bouen al,  ick hebt gheproeft, ick bens wel wijs, 35  bouen alle siecten daer ic oyt af qual.  [dat eeuel der mutsen gaat bouen al]  want eenen dunct dat hi ontsinnen sal,  alle sijn dinghen sijn sonder auijs,  vs. 38    dat eeuel der mutsen gaet bouen al, 40  ick hebt geproeft, ic bens wel wijs.

vs. 25  cracht die dat: lees crachten diet, evenals in 31.  vs. 38  sonder auijs: onberaden, zonder overleg.