[LXIII] REFREYN  [f. 88 r°] ALs men van pijne soude spreken  die welcke alle genuechte doet afbreken  ende die crachten moten beswijcken,  so en isser gheen deser ghelijcken 5  vanden welcken ic wil hier doen verstaen.  si doet die ionghe iuecht te nieute gaen  ende bringhet den menighen in lijden groot  en versmoortse gheheel tot in die doot,  dwelc sijn twee herten in liefden ghetrouwe 10  die om gheen dinc deen dander laten souwen  maer ghetrouwe bliuen in lief, in leet,  dat den menighen is onghereet,  vs. 12    maer als dese twee dan sijn ghescheyden  so moeten si wel een druckich leuen leyden. 15  hoe mach dan meerder pijne sijn van desen  dan absent vander liefster te wesen.         Dan en isser gheen meerder pijn beuonden,  ic segt goet ront, ic wilt oorconden,  want voor alle pijn vintmen boet 20  dan alleen voor der minnen gloet,  daer en is conste noch medecijn  [f. 88 v°] die blusschen mach der minnen pijn.  dan die int herte staet present	vs. 12  onghereet: niet beschikbaar; onmogelijk.
[p. 119]    bemercket wel waer dat ghi went, 25  die sinnen en rusten ten gheenen fijne  dan alleen lief bi lief te sijne,  want alle ghenuechten daer versamen  diemen mach dincken naer tbetamen,  alle dorperheyt wert daer vergheten 30  daer ghetrouwe liefde is int herte gheseten;  so en isser ooc geen meerder pijn wtgelesen  dan absent vander liefster te wesen.         Ic seg v noch, verstaet den sin,  een en mach niet hebben meerder ghewin 35  dan een herte te vinden sijns ghelijcken  dat hem in gheender noot en wil beswijcken,  vs. 36    wiens liefde niemant en mach hinderen  noch met eenich corrupcie verminderen  mer in wille in wercken sonder cesseren 40  hem deen dander ghetrou presenteren  en so in liefden te samen sijn ghebonden  so datse niet vergaen en mach te geenen stonden  ia is dat niet een vruecht bouen maten?  [f. 89 r°] maer lazen die contrarie moetmen ooc vaten, 45  alsmen moet deruen die int herte stont  so wert dat herte ter doot ghewont  dwelc onmogelic is te ghenesen  alsmen absent vander liefster moet wesen.       Prince      Och hoe wee is hem dicwil te moede, 50  die niet en gheert dan eerbaer liefde int goede  en hem die liefste dan wert onttoghen;  dan moet hijt wijten sinen ooghen  en mineren sijn leuen in groter pijn  vs. 53    als hi hem vint daeraf verscheyden tsijn 55  die hem in allen plach te gheuen confoort,  mer tsceyden dair af meer therte doorboort	vs. 36  beswijcken: in den steek laten.  vs. 53  mineren: eig. ondergraven; vgl. LXXXVIII, 19; CXX, 6; ABN. V, b, 12.
[p. 120]    dan eenich instrument duerboort den steen,  dies leeft hi daghelijcx in groten gheween.  al hoortmen snaerspel oft musiken sancx, 60  therte roept, so lieuer lief so meer verlancx,  en dat verlanghen maect meerder pijn  dan die schorpioen doet met sijn fenijn.  dus isser gheen pijn meerder int herte geresen  dan absent vander liefster te wesen. [f. 89 v°] [twee houtsneden naast elkaar]