[LXIX] REFREYN
- OTormentelic grief hoe timmerdi sterck
- bi Ialousie die mi hout tondere;
- hoe ict make altijt belemmerdy dwerck
- dwelc ick bequelen moet bisondere. vs. 4
- 5
- tghepeys verdruct mi en ist niet wonder,
- hope faelgiert mi inder noot,
- tvierich verlanghen is bleuen tondere,
- suchten en duchten quelt mi totter doot.
- vierighe begheerte was die mi schoot
- 10
- den schicht van minnen die mi doet steruen.
- ontfermt v Venus ouer mijn pijne groot
- oft ic moet inder allenden bederuen,
- laet staen v keruen, reyn bloeme gepresen,
- vercreech ic troost, ic waer ghenesen.
|
|
[p. 128]
-
- *
- 15
- Och troost is mi een medecijne,
- och troost is daer my den sin na haect,
- [f. 95 v°] och troost is mijn boet voor alle pijn,
- och troost is daer mijn herte na snaect,
- och troost is die alle vruechden raect,
- 20
- och troost is die mi doet steruen en leuen,
- och troost is dat Venus soeninghe maect,
- och troost is in mi hoochlick verheuen.
- o alderliefste wilt mi doch nu troost gheuen,
- o iuecht der iuechden, wilt mijns ontfermen.
- 25
- o mijn amoreus, soudi mi dus laten sneuen,
- so mocht mijn herte wel eewelic kermen
- en wonderlic hermen, boet mi van desen: vs.27
- vercreech ic troost ic waer ghenesen.
-
- Al waer ic smertelic ter doot ghewont,
- 30
- al waer ic duerkerft in hondert steden,
- al waer ic van siecten onghesont,
- al waer ic verminct in al mijn leden,
- al waer ic metter fortunen bestreden,
- al waer ic met veel verdriets behanghen,
- 35
- al waer ic met ongheual bereden, vs. 35
- al waer ic met groter armoede beuangen,
- al waer ic in een prisoen vol slanghen
- al waer ic belemmert met groten drucke,
- [f. 96 r°] al waer ic sonder hope int verlanghen
- 40
- van stuc te stucke vol drucs gerezen,
- vercreech ic troost ic waer ghenesen.
-
- Princesse, boet doch mijn verdriet
- en lates niet, reyn bloeme wtghelesen,
|
* 21. soeninghe, TE.: versoeninghe.
26. kermen, TE.: beuen.
27. hermen, TE.: kermen.
32. verminct, TE.: vermengt.
33. metter fortunen, TE.: met mala fortuna swaerlijc.
De laatste strophe ontbreekt bij TE.
vs.27 hermen: hoewel van elders niet bekend, hoort dit klaarblijkelijk bij harm = leed, verdriet; vgl. (m)hd. härmen. HA. heeft trueren, wat evenmin als de var. van TE. in het rijmschema past.
vs. 35 bereden: vervolgd.
Tusschen vs. 39 en 40" place="end">ontbreekt een vers.
|
