[p. 141]
[f. 106 v°] [LXXVII] REFREYN
- O Herte splijt in dusent quartieren,
- Comt felle dieren wilt van manieren,
- Verslindt mi als hongherige ghieren
- In dit bitter leet;
- 5
- Ontdoet v speluncken bergen duwieren, vs. 5
- Brandt alle vieren heet in dat bestieren,
- Comt oueruloeyt mi alle riuieren
- Wijt ende breet;
- Mijn bloedich sweet ben ic bereet
- 10
- Haer te schencken ghemenget met tranen heet,
- nemmermeer en vintse mi tot haerwarts wreet,
- Al smelt mijn lichaem gelijc den wasse
- Non fortse mocht icse noch eens dienen te passe.
-
- O nacht wilt dyn duysterheden
- 15
- Tot mijnre beden doch nv besteden
- Ende laat den claren dach beneden
- Oft mocht baten,
- Och bloemkens toocht dijn soete seden
- Van minlicheden seer net besneden
- 20
- Opdat dalder ienste schoonste van leden
- Vwen roke mocht vaten,
- [f. 107 r°] O suete vogelkens schoon bouen maten,
- Wt caritaten en wilt niet aflaten
- Mer singt in velden in bosschen in straten;
- 25
- Ic haecke na tsoetste der honichraten
- Non fortse hoe ick drucke in mij tasse, vs. 26
- Mocht icse noch eens dienen te passe.
-
- Mocht ic eens in haer herte gheraken
- Met ghiften oft schoon minlike spraken
- 30
- Oft ander saken daer wildic om waken
- Ter eere van haer;
- Haer lieflic opsien haer blosende kaken
|
|
[p. 142]
-
- *
- Mi therte doorblaken ende heel ontscaken,
- Niet wetende wat ick sal gaen maken
- 35
- Door tliden swaer.
- Haer aenschijn claer maect mi misbaer,
- Noyt grief en ghinc mijnder herten so naer
- Als dit eenpaer, noyt sulcken vaer.
- Dus ligge ic mat voor Venus outaer
- 40
- Van ancxt ende sweetende ghelijc dasse.
- Och mocht icse noch eens gedienen te passe.
-
-
- Prince
- Princesse isse in mi verheuen
- [f. 107 v°] Die mi doet leuen int bitter sneuen
- Daer alle mijn vruecht bi is verdreuen
- 45
- Bi Venus rade;
- Haer wetende herte gaet bouen screuen vs. 46
- Haer toe ghenegen soot is beseuen. vs. 47
- Al laetse mi dus suchten en beuen
- Verhart int quade,
- 50
- Nochtans so hoopick op haer ghenade,
- Te gheender smade icx haer en bade;
- Had icse thuys binnen der casse
- Ick hope ick soudese wel dienen te passe.
|
* 46. herte gaet, HA.: groot.
47. ghenegen, HA.: ghegeuen.
vs. 46 Klaarblijkelijk corrupt.
vs. 47 ghenegen: druk van 1548, evenals HA: gegeven.
|
