AD IANVM HAVTENVM  HAUTENE, quò me, quò rapis enthei  Plenum furoris? quis nouus hic ferit       Accentus aures, prisca qualem            Secla nec audierunt, nec olim 5  Futura credent, ni genij tui  AEternitatem per memores typos       Propaget ad seros nepotes            Chalcographâ vigil arte cura.  Ah ne beatos diuitis ingenî, 10  Hautene, foetus, ne patere amplius       Sic lucis expertes latére            In situ & in tenebris sepultos,  Vnde & perennem Calliope tibi  Nectat coronam, & saepe auidus terens 15       Te lector inuidenda priscis            Vatibus obstuperat loquentem.  Non solus acri Maeonides tuba  Fatalem Achillem moenibus Ilij,       Pollacis aut cursus Vlysseî, 20            Aut Helenen cecinit Lacaenam;  Primús ve Diuos aut genitos Diis  Heroas, aut quos palma Diis pares       Elea redducit superbos            Pindaricus celebrauit ardor. 25  Non ipse quondam pectine eburneo  Vocalis Orpheus praecipites stitit       Lapsus aquarum, auresque ventis            Indidit arboribusque princeps.  Vixere vates ante Lini lyram 30  Multi, sed omnes perpetuo premit       Nox alta somno, quòd suorum            Promeritâ caruere curâ.  Paulum imperitae distat inertiae  Celatus acris ingenij vigor. 35       Non tu pias Musas sileri            Tot ve tuas patiare noctes,  Noctis perennis carpere liuidas  Obliuiones, carmina dum premis       Quibus reuiuiscat resurgens 40            Pindaricis numeris Apollo.  Apollo, Beeotae vt suis in suos  Connitium olim depulit aurei       Cantu Poëtae, sic Batauis            Auriculis maculam hanc tuorum ex- 45  tersurus insuetâ indole carminum.  Nam seu potenti concitus alite       Iessei epos caeleste nostros            Induis in numeros Poêtae:  Siue Appulani fert impetus ad lyram; 50  Seu picta Tuscis belgica temperas       Emblematis magni Petrarchae            Aut Latiis teneri Secundi,  Gallís ve Porti, sic canis vt tua  Possint videri. quare age & haec diem 55       Iam ferre condiscant serenum, ac            Laude frui merita nepotum.  Mirentur vt te saecula principem  Quondam Latinos ad Batauam chelym       Duxisse flexus, audiasque 60            Belgiadis fididen Camoenae.  Laudem Batauis quid precor hanc tuis,  Lucemque scriptis & tibi gloriam       Fructumque nobis posterisque            Vlterius iuuat inuidere?