[Getijden van de Heilige Geest]

+Hier beghint1) des heilighen gheistes getijde -

Die metten.

Here du salt op doen mijn lippen2) Ende mijn mont sal voertkundighen dijn lof. God wilt3) denken in mijn hulpe. Here tot mi te helpen haeste. Glorie si den uader Alst was in den beghinne

Ymnus . Veni

Com schepper gheist vande dijnre dienre inwendicheit veruulle mit hemelscher gracien die herten die du geschapen heues Du bist + ghenoemt die4) troes/ter ende ene gaue des alre hochsten5) gods een leuende fonteyne een vuer een gotlike mynne ende ene gheistelike saluinghe Du seuenuoldich in gauen6) du vingher der rechterhant gods du makest ghesaetlike die kelen rike mit des vaders voergheloefden redene Onsteke7) dat licht in die sinne inghiete die minne in die herten ende veste die crancheiden ons lichams ewelike mit crachten Verdrijf verre den viant ende ghif to handes vrede in den dattu ons al dus voergaende leydes so vermide8) wi alle schadelike quaet Ghif dat wi vermits di moeten weten den vader ende + kennen den soen ende alle tijt ghelouen di9) dattu bist / gheest beyde uaders ende soens. Lof si den vader mitten sone to gader mit den heilighen gheest10) . ende ons moet die soen senden aenname gaue des heilighen gheests Amen.

Antiffen

Com heilige gheist

Salm Bea.

Selich is die11) man die niet af en ghinc in den raet der ghener

die van gode ghekiert1) sijn ende niet en stont in den weghe der sundere ende niet en sat in den stole der steruinghe. Mer in die ewe des heren is2) sijn wille ende in sijn ewe sal hi denken dach ende nacht3) Ende hi4) sal wesen als een holt dat gheplantet is + bi die nederlope der watere dat sine vrucht gheuen/sal in sijnre tijt Ende sijn blat en sal niet af uallen ende alle dinc die hi doet solen wel ghelucken Also niet die van gode ghekiert5) sijn also niet mer als een ghestubbe dat die wint werpt vanden aenghesichte der eerden. Hier omme en solen die van gode ghekiert5) sijn niet weder opstaen int gherichte noch die sunder in den raet der rechtuerdigher Want die here heuet bekant den wech der rechtuerdigher ende der afghekeerder wech sal vergaen Glorie si den vader Alst was in den beghinne

Antiffen.

Com heilighe gheist veruulle die herten der gheenre die in di + trouwelike / ghelouen ende ontfae6) in hem dat vuer diner liefden7) du die die heydene in alre tonghen menichuoldicheit vergadert heues in eenheit8) des ghelouen . louet blidelike den heren . louet blidelike den heren.

Here ontferm di onser9). Criste ontferm di onser9) Here ontferm di onser9). Pater noster. Vader onse. Ende en inleit ons niet in becoringhe. Mer uerloes ons van quade Amen.

Versikel.

Wtsende here dinen gheist ende sie solen werden gheschapen10) Ende du salst vernuwen11) dat aensichte der eerden.

Benedictus dominus12)

Ghebenedijt si die here god van israhel . want hi sijn uolc gheuan/ + det ende verloest heuet Ende hie heuet ons opgherichtet den horn

der salicheit in dauids1) sijns kindes gheslechte Als hie ghesproken heuet wt monde sijnre heiligher profeten die van beghinne der werlt gheweest hebben Heil van onsen vianden ende van al der gheenre hande die ons haeten Om te doen barmherticheit mit onsen vaderen ende te ghedenken sijnre heiligher ghelofnisse - Den eet den hie swoer tot abraham onsen vader dat hie ons hem seluen gheuen wolde Op dat wi sonder anxt uerloest vanden handen onser + viande hem dienen2) In heilicheit ende in rechtuer/dicheit voer oen al onse daghe. Ende du kint du bist een profete des ouersten gheheiten want du salst voergaen voer dat aenghesichte des heren toe bereydene sine weghe (glosse naar M: Dat kint was sunte iohannes) To gheuen wijsheit des heils sinen volke in verghifnisse hoerre sunden Mitten binnensten der barmherticheit ons gods daer mede heeft ons3) gheuandet die wt den hoghen opghegaen is Inlichte4) here den die sitten in duysternissen ende in scheme des dodes to leyden onse voeten in den wech des vreden Glorie si den vader Alst was

Antiffen

Com heilighe gheist veruulle die herten der ghener die in dy / + trouwelike ghelouen ende ontfae in hem dat vuer diner liefden5) du die die heidene in aller tonghen menichuoldicheit uergadert heues in eenheit6) des ghelouen . louet blidelike den heren7). Here verhore mijn ghebet. Ende mijn roepen come to di.

Collecte.

God die die herten der ghelouigher mit inluchtene8) des heilighen gheestes heues gheleert . verleen ons in den seluen h.9) gheest10) rechtuerdige11) dinghe te smaken ende ons12) altoes van sinen troeste to verblidene. Ouermits onsen heren ihesum cristum dinen soen die mitti leuet ende regniert in enicheit des13) heilighen gheistes

+een god ewelike son/der eynde Amen Here uerhore mijn ghebet Ende mijn roepen come to di . Benedien wi den here . Gode segghen wi danc Alle ghelouighe sielen moten rusten in vrede Amen

Die Prime

God wilt denken in mijn hulpe Here tot mi te helpen haeste. Glorie si den vader Alst was.

Ymnus.

Com scepper gheist vande diner dienre inwendicheit veruulle mit hemelscher gracien die herten die du gheschapen heues Du bist ghenoemt die1) troester ende ene gaue des alre ouersten2) gods een leuende fonteyne een vuer een gotlike mynne ende ene gheestelike + saluinghe. / Du seuenuoldich in gauen du vingher der rechterhant gods du makest ghesaetlike die kelen rike mit des vaders voergheloefden redene Onsteke3) dat licht in die sinne inghiete die mynne in die herten ende veste die crancheiden ons lichams ewelike mit crachten Verdrijf verre den viant ende ghif to handes vrede in den dattu ons aldus voergaende leydes soe vermide wi alle schadelike quaet Ghif dat wi vermits di moeten weten den vader ende kennen den soen ende alle tijt ghelouen dy4) dattu bist gheest beyde vaders ende soens Lof si den vader mitten soene te gader mitten + heilighen / gheest ende ons moet die soen senden aenname gaue des heilighen gheestes Amen

Antiffen

Com heilighe gheist.

Salm. Domine quis

Here wie sal wonen in dinen tabernakel . of wie sal rusten in dinen heilighe berghe Die sonder vlecke ingheet ende werct die rechtuerdicheit5) Die spreket die waerheit in sinen herten ende en gheen droghene en dede in sijnre tonghen. Die en6) gheen quaet ghedaen heuet sinen naesten noch7) geen7) laster anghenomen teghen sinen

euen menschen Toe niete is die bose worden in sijn aensichte . mer + hi uerhoeghet claerlike die den heren ontsiet1) / Die sweert sinen euen menschen ende niet en bedrieghet . die sijn gelt niet en gaf to woker ende2) ghene gaue ontfanghen heuet onder3) die onschuldighen Die dese dinghe doet die en sal niet beweghet werden4) ewelike Glorie Alst was

Antiffen

Com heilighe gheist Les voert wt5) Here ontferme di onser Criste ontferm di onser . Here ontferm di onser. Pater noster . Vader onse Ende en inleyde ons niet in becoringhe. Mer uerloes ons van quade. Amen

Versikel

Wtsende here dinen gheist ende sie solen gheschapen werden6). Ende du salst vernuwen7) dat aensichte der eerden Here uerhore8) mijn ghebet. Ende mijn roepen come to di9).

+Collecte.

By ons si die cracht des heilighen gheistes des bid wi di10) here die onse herte starkeliken reyn makes11) ende11) bescherme ons12) voer al dat ons teghen is. Bi onsen heren ihesum cristum dinen soen die mitti leuet ende regniert in enicheit des13) heilighen gheestes een god ewelike sonder eynde Amen. Here uerhore mijn ghebet Ende mijn roepen come to di. Benedien wi den heren. Gode segghe wi danc. Alle ghelouighe sielen moten rusten in vrede. Amen -

Die Tercie -

God wilt denken in mine hulpe. Here tot mi te helpen haeste Glorie si den uader Alst was.

Ymnus -

+Com schepper gheist vande diner dienre inwendicheit veruulle mit hemelscher gracien die herten die du gheschapen heves Du bist ghenoemt die1) troester ende ene gaue des alre ouersten2) gods een leuende fonteyne een vuer een gotlike mynne ende een gheistelike saluinghe Du seuenuoldich in gauen du vingher der rechterhant gods du makest ghesaetlike die kelen rike mit des vaders voerghelaefden redene Onsteke3) dat licht in die sinne inghiete die mynne in die herten ende veste die crancheiden ons lichams ewelike mit crachten Verdrijf verre den viant . ende ghif to + han/des vrede in den dattu ons aldus voergaende leydes so vermide wi alle schadelike quaet Ghif dat wi vermits di moten weten den vader ende kennen den soen ende alle tijt ghelouen di4) dattu bist gheist beide vaders ende soens Lof si den vader mitten soen to gader mitten heilighen gheist ende ons moet die soen senden aenname gaue5) des heilighen gheistes Amen

Antiffen.

Com heilighe gheist.

Salm

God in dinen name beholt mi . ende verlose mi in diner cracht God uerhore6) mine bede vernym mit dinen oren die woerde mijns mondes Want die vreemde sijn binnen opghestaen teghen mi ende / + die starken hebben ghesocht mine siele ende en hebben gode7) niet voerghesat voer hoer aenghesichte. Sich got sal8) mi helpen ende die here is een ontfangher mijnre sielen Ofkier die quade dinghe minen vianden ende in dijnre waerheit verstroye sie. Willichlike sal ic di offeren ende sal here belien dinen name want hi goet is - Want van alre bedruckenisse heues du mi uerloest ende op mine viande versmade mijn oghe Glorie si den vader Alst was

Antiffen.

Com heilighe gheist veruulle die herten der ghener die in di

+trouwelike ghelouen ende ontfae in hem dat vuer diner lief/den1) du die die heydene in alre tonghen menichuoldicheit uergadert heues in eenheit2) des ghelouen louet blidelike den here . louet blidelike den heren. Here ontferm di onser . Criste ontferm di onser . Here ontferme di onser. Pater noster Vader onser. Ende en inleit ons niet in becoringhen Mer uerloes ons van quade Amen.

Versikel.

God scheppe in mi een reyn herte Ende vernye den gherechten3) gheist in mijnre inwendicheit4).

Here uerhore mijn ghebet. Ende mijn roepen come to di

Collecte.

Here des heilighen gheistes inghietinghe reynighe onse herten + ende mit innyliker5) besprenghinghe / sijns douwes make ons vruchtbaer. Ouermits onsen heren ihesum cristum dinen soen die mitti leuet ende regniert in enicheit des6) heilighen gheistes een god ewelike sonder eynde. Amen. Here uerhore mijn ghebet . ende mijn roepen come to di . Benedien wi den here Gode segghe wi danc. Alle ghelouighe sielen moeten rusten in vrede Amen.

Die Sexte

God wilt denken in mijn hulpe. Here tot mi te helpen haeste Glorie si den vader Alst was in den beghinne.

Ymnus. Veni

Com schepper gheist vande dijnre dienre inwendicheit veruulle + mit hemelscher gracien / die herten die du gheschapen heues Du bist ghenoemt die7) troester ende ene gaue des alre ouersten8) gods een leuende9) fonteyne een vuer een gotlike mynne ende ene gheistelike saluinghe Du souenuoldich in gauen du vingher der

rechterhant gods du makest ghesaetlike die kelen rike mit des vaders voergheloefden redene Onsteke1) dat licht in die sinne inghiete die minne in die herten ende veste die crancheiden ons lichams ewelike mit crachten Verdrief2) verre den viant ende ghif to handes vrede in den dattu ons aldus voergaende leydes so + vermide wi alle schadelike quaet Ghif dat / wi vermits di moten weten den vader ende kennen den soen ende alle tijt ghelouen di3) dattu bist gheist beyde uaders ende soens Lof si den vader mitten soene te gader mit den heilighen gheist ende ons moet die soen senden aenname gaue4) des heilighen gheistes Amen -

Antiffen

Com heilighe gheist -

Salm

God in mine hulpe denke here tot mi te helpen snelle di5) Si moeten werden confuys ende beanxtet die mine siele soeken. Si moten werden van ghekeert ende moten hem schamen di mi quaet willen Si moeten to handes werden van ghekeert schamende6) die + mi segghen euge / euge [Glose Euge dat is7) een belachende stemme ende8) een verwitende stemme.] Si moten sich hoechlike verbliden ende verurouwen in di . alle die di soeken ende9) die9) segghen altoes werde die here10) grotelike verhoecht ende die lief hebben dijn heilgheuer. Want ic noetdroftich ende arm bin god help mi. Mijn hulper ende mijn uerloser bistu . here en traghe niet Glorie si den uader Alst was

Antiffen.

Com heilighe gheist veruulle die herten der gheenre die in di trouwelike ghelouen . ende ontfae in hem dat vuer diner liefden11) du die die heydene in alre tonghen menichuoldicheit vergadert

+heues in eenheit1) / des ghelouen . louet blidelike den heren louet blidelike den heren Here ontferm di onser Criste ontferm di onser. Here ontferm di onser -

Pater noster. Vader onse. Ende en inleid ons niet in becoringhe Mer uerloes ons van quade Amen

Versikel

Ende en werpe mi niet van dinen aenghesichte. Ende van nym2) niet dinen heilighen gheist van mi. Here uerhore mijn ghebet Ende mijn roepen come toe di -

Collecte

Berne mit vuere des heilighen gheistes onse nyeren ende onse herten op dat wi verdienen di to dienen mit enen kuysschen herten + ende3) enen reynen licham Ouermits4) onsen heren ihe/sum cristum dinen soen die mitti leuet ende regniert in enicheit des5) heilighen gheistes een god ewelike sonder eynde Amen Here verhore mijn ghebet Ende mijn roepen come to di. Benedien wi den heren. Gode segghen wi danc Alle ghelouighe sielen moeten rusten in vrede . Amen

Die Noen

God wilt denken in mijn hulpe. Here tot mi te helpen haesten6). Glorie si den vader Alst was in den beghin.

Ymnus

Com schepper gheist vande dijnre dienre inwendicheit veruulle mit hemelscher gracien die herten die du gheschapen heues Du + bist ghenoemt die7) troester / ende ene gaue des alre ouersten8) gods een leuende9) fonteyne een vuer een gotlike mynne ende een gheestelike saluinghe Du seuenuoldich in gauen . du vingher der rechterhant gods du makest ghesaetlike die kelen rijke mit des

uaders voergheloueden redene Onsteke1) dat licht in die sinne inghiete die mynne in die herten ende veste die crancheiden ons lichams ewelike mit crachten Verdrief2) verre den viant ende gif to handes vrede in den dattu ons aldus voergaende leydes soe vermide wi alle schadelike quaet Ghif dat wi vermits di moten weten den vader ende kennen den soen . ende alle tijt ghelouen + di3) dattu bist / gheist beide vaders ende soens - Lof si den vader mitten soen to gader4) mitten heilighen gheist ende ons moet die soen senden aen name gaue5) des heilighen gheistes Amen.

Antiffen -

Com heilighe gheist

Salm -

Sine fundamente sijn6) in den heilighen berghen die here heuet lief die poerten van syon bouen al dye tabernakel iacobs Hoghe verclaerde dinghe sin van di gheseghet stat gods Ic sal ghedenken raabs ende babilones die mi kennen7) [Glose. Raab was een heydens wijf in iericho die die bode8) der kinder van israhel herberghede + ende verhuede dat si niet ghedoet en worden] Sich die vrem/de gheboren ende tyrus ende dat moer uolc9) waren daer Oft niet en sal segghen syon een10) mensche10) ende10) een mensche is gheboren in oer ende die alre ouerste heeft sie ghesticht Die here sal vertellen in den scrifturen der lude . ende der vorsten die in hoer ghewesen hebben. Als der gheenre die sich uerurouwen also is alre woninghe in di Glorie si den vader Alst was.

Antiffen.

Com heilighe gheist veruulle die herten der ghener die in di trouwelike ghelouen ende ontfae in hem dat vuer dijnre liefden11) du die12) heidene in alre tonghen menichuoldicheit vergadert heues

+in eenheit1) des ghelouen / louet blidelike den heren . louet blidelike den heren. Here ontferm2) di onser Criste ontferm di onser. Here ontferm di onser.

Pater noster. Vader onse. Ende en inleide ons niet in becoringhe Mer uerloes ons van quade Amen.

Versikel -

Ghif mi weder dye vroude dijns heilgheuers ende mit den voersteliken gheeste gestadeghe mi. Here uerhore mijn ghebet . ende mijn roepen come toe di

Collecte

God die3) een iewelic herte openbaer is ende den4) alle wille spreket ende5) gheen hemelic dinge6) verhalen sijn7) verluchte ouermits + inghietinge des heilighen gheistes onse danken ende / onse herten op dat wi werdich werden di volcomelike lief te hebben ende weerdichlike8) te louen. Ouermits onsen heren ihesum cristum dinen soen die mitti leeft ende regniert in enicheit des9) heilighen gheistes een god ewelike sonder eynde Amen. Here uerhore mijn ghebet . ende mijn roepen come to di. Benedien wi den heren. Gode segghe wi danc. Alle ghelouighe sielen moeten rusten in vrede. Amen

Die uesper

God wilt denken in mijn hulpe. Here tot mi te helpen haeste Glorie si den uader Alst was

Ymnus

+Com scepper gheist vande / dijnre dienre inwendicheit veruulle mit hemelscher gracien die herten die du geschapen heues. Du bist ghenoemt die10) troester ende ene gaue des alre ouersten11) gods . een leuende fonteyne . een vuer een gotlike mynne ende een

gheistelike saluinghe Du seuenuoldich in gauen du vingher der rechterhant gods du makest ghesaetlike die kelen rike mit des vaders voergheloefden redene Onsteke1) dat licht in die sinne inghiete die mynne in die herten ende veste die crancheiden ons lichams ewelike mit crachten Verdrijf verre den viant ende ghif to + handes vrede in den dattu ons aldus / voergaende leydes soe vermide wi alle schadelike quaet Ghif dat wi vermits di moten weten den vader ende kennen den soen ende alle tijt ghelouen di2) dattu bist gheist beyde uaders ende soens Lof si den vader mitten sone to gader mitten heilighen gheist . ende ons moet die soen senden aenname gaue3) des heilighen gheistes. Amen

Antiffen

Com heilighe gheist

Salm

Selich sijn si alle4) die den heren ontsien5) en5) die5) wanderen in sinen weghen Wanttu den arbeit dijnre hande salst eten selich bistu ende wal sal di wesen. Dijn wijf sal wesen als een ouer-+uloiende wijnranc inden / sijden dijns huses Dine sone solen wesen als ionghe spruten der olibome6) al om ende om dijnre tafelen Sie aldus sal werden ghebenedijt die mensche die den heren ontfruchtet Die here wt syon ghebenedie7) di ende du moets sien die goede van iherusalem alle die daghe dijns leuens Ende moets sien die soene dijnre sonen vrede si op israhel Glorie si den vader ende den soen Alst was.

Antiffen.

Com heilighe gheist veruulle die herten der gheenre die in di trouwelike ghelouen ende ontfae in hem dat vuer dijnre liefden8) du die die heidene in aller tonghen menichuoldicheit vergadert / + heues in eenheit9) des ghelouen louet blidelike den heren . louet blidelike den10) heren

Magnificat

Mijn siele grotet1) den heren. Ende mijn gheist heeft sich hoghe verurouwet in god minen heil Want hi heeft aenghesien die oetmodicheit sijnre deernen . siet daer van solen mi selich heiten alle ghebuerten. Want hi heeft mi grote dinghe ghedaen die machtich is ende sijn heilighe naem Ende sine barmherticheit is van gheslechte tot gheslechten2) den die oen ontsien. Hi heeft macht ghedaen in sinen arme . hi heeft uerstroyet die houerdighen van ghe-+danc/ke sijns herten Hi heeft afghesat die machtighen van den stoele ende3) heeft ghehoghet die oetmoedighen. Die hongherigen heeft hi geuullet4) mit goeden . ende die rijken liet hi ydel Hi heeft ontfanghen israhel sijn kint . hem gedachte sijnre barmherticheit Alse hi ghesproken heeft tot onsen vaderen . abraham ende sinen gheslechte van beghinne - Glorie si den vader Alst was

Antiffen

Com heilighe gheist veruulle die herten. Les wt als hier voer staet5). Here ontferm di onser . Criste ontferm di onser . Here ontferm + di onser Pater noster. Vader onse Ende en inleit ons niet / in becoringhe. Mer uerloes ons van quade. Amen.

Versikel

Wtsende here dinen gheist . ende sie solen gheschapen werden6). Ende du salst vernien dat aenghesichte der eerden. Here verhore mijn ghebet . ende mijn ropen come to di.

Collecte -

God die die herten der ghelouigher mit inluchtinghe7) des heilighen gheistes heefs gheleert . verlent8) ons in den seluen h9)

gheiste rechtuerdighe1) dinghe to smakene ende ons2) altoes van3) sijnen3) trost3) te3) verbliden3) Ouermits onsen heren ihesum cristum dinen soen die mitti leuet ende regniert in enicheit des4) heilighen gheistes een god ewelike sonder eynde Amen

+Here uerhoer mijn ghebet . ende mijn / roepen come to di . Benedien wi den here . Gode segghen wi danc. Alle ghelouighe sielen moeten rusten in vrede. Amen

Die Complete -

Bekeer ons god onse heylgheuer. Ende afkier dinen toern van ons God wilt denken in mijn hulpe . Here tot mi te helpen haeste Glorie si den vader. Alst was.

Ymnus . Veni

Com schepper gheist vande dijnre dienre inwendicheit veruulle mit hemelscher gracien die herten die du gheschapen heues. Du bist ghenoemt die5) troester ende ene gaue des alre ouersten6) gods een leuende fonteyne een vuer een gotlike mynne ende ene + gheesteli/ke saluinghe Du seuenuoldich in gauen du vingher der rechterhant gods du makest ghesaetlike die kelen rike mit des uaders voergheloefden redene Onsteke7) dat licht in die sinne inghiete die minne in die herten ende veste die crancheiden ons lichams ewelike mit crachten Verdrijf verre den viant ende ghif to handes vrede in den dattu ons aldus voergaende leydes . soe vermide wi alle schadelike quaet Ghif dat wi vermits di moten weten den vader ende kennen den soen ende alle tijt ghelouen di8) dattu bist gheist beyde vaders ende soens Lof si den vader mitten + soen to gader mitten heilighen gheist . ende ons moet die / soen senden aenname gaue9) des heilighen gheistes. Amen

Antiffen.

Com heilighe gheist.

Salm -

Van mijnre ioghet hebben sie mi dicwile wtgheuochten also spreke nu israhel Van mijnre ioghet hebben sie mi dicwile wtgheuochten ende si en vermochten mi niet. Op minen rugghe tymmerden die sunderen si verlengheden hoerre boesheit Die rechte here sal die necken der sunderen to sniden . confuys moeten si werden . ende keren moten si achterwaert alle die syon hebben ghehaetet Sie moten werden als dat1) hoij1) der1) dacken1) dat1) eerment meyet verdorret + is Van wilken2) sijn hant niet veruullet / en heuet dyet meyen sal noch sinen schoet die die hantuolle vergaderen sal Ende sie en seyden nyet die daer voerghinghen die benediccie des heren si op v. wi benedien v in den name des heren Glorie si den vader Alst was

Antiffen

Com heilighe gheist veruulle die herten der ghener die in di trouwelike ghelouen ende ontfae in hem dat vuer diner liefden3) du die die heydene in aller tonghen menichuoldicheit uerghadert heues in eenheit4) des ghelouen . louet blidelike den heren . louet blidelike den heren.

Nunc dimittis

Nu laetstu here dinen knecht na dinen woerde5) in vreden Want + mine / oghen hebben ghesien dinen heilgheuere Denstu bereit heues voer dat anghesichte alre uolke Een licht dat is tot eenre openbaeringhe der heidene ende tot glorien dijns volcs van israhel Glorie si den vader Alst was

Antiffen

Com heilighe gheist. Les voert als hier voer staet6). Here ontferm di onser . Criste ontferm di onser. Here ontferm di onser. Pater noster. Vader onse. Ende en inleit ons niet in becoringhe. Mer uerloes ons van quade Amen.

Versikel.

Wtsende here dinen gheist ende sie solen gheschapen werden1). Ende du salst vernyen dat anghesichte der eerden. Here uerhore + mijn / ghebet. Ende mijn roepen come to di.

Collect

H Bidde2) wi2) bi2) ons2) sij2) die cracht des heilighen gheistes des3) bidde3) wij3) dij3) heer3) die onse herten suetelike reyne make ende bescherme ons4) uoer al dat ons teghen is. Ouermits onsen heren ihesum cristum dinen soen die mitti leuet ende regniert in enicheit des5) heilighen gheistes een god ewelike sonder eynde. Amen. Here uerhore mijn ghebet . ende mijn roepen come to di. Benedien wi den here Gode segghen wi danc. Alle ghelouighe sielen moeten rusten in vrede Amen.