|
|
|
| |
| | | |
[Getijden der Eeuwige Wijsheid]
| |
+Hier beghinnen der ewigher wijsheit1) ghetijde -
+Mine siele heuet di begheert inder nacht . ende mijn2) gheist in den innersten3) mijns herten . soe heb ic vro ghewaket toe di. O alre claerste ewighe wijsheit. Ic bidde dat dine begheerde teghenwoerdicheit moet verdriuen alle vreemde dinghe wt mijnre herten . ende dat dine ghenade moet doer storten die innerste4) camers5) mijns herten ende crachtelike onsteken6) mit dijnre mynnen . Ende + nu alre sueteste ihesu criste soe sta ic op to di in der da/gheraet . ende grote di vander ynnerster7) begheerten mijns herten. Ende dusent dusent hemelsche8) schare9) der gheenre die di dienen die10) moten di groten van mijnre weghen . ende tienwerue dusent . hondert dusent . der gheenre die di bistaen die11) moten di van mijnre weghen glorificieren. Ende alle die claer reyne begheerten alre heilighen die12) moten di van mijnre weghen eren. Ende alle die suete sanghe13) der14) creaturen . die15) moten16) di van miner weghen louen . ende bidden om enen goeden doet om uolcomen vergheuinghe der sunden . ende om ewich leuen Amen.
| |
Hier beghint . Die metten . Salutem
+Salicheit der sielen ende des liues gheue ons ihesus cristus die wijsheit des uaders Amen Here du salst opdoen mine lippen . ende mijn mont sal voertkundighen dijn lof God wilt denken in mijn hulpe. Here tot mi te helpen haeste Glorie si den vader Alst was.
| |
Inuitatorium
Anebeden wi die fonteyne der ewigher wijsheit . Ende om die glorie hoers names laet ons hebben volhertelike blijscap.
| | | |
| |
Venite exultemus
Comet laet ons seer uerurouwen ten heren laet ons iubilieren + gode onsen heilgheuer sijn aensicht / laet ons te uoren begripen mit belien . ende laet ons mit salmen tot hem uolhertelike blijscap hebben1) - Anebeden wi die fonteyne der ewigher wijsheit ende om die glorie hoers names laet ons hebben uolhertelike blijscap Want god is groet heer ende groet coninc op alle die ghene die gotlic sin . want die here en verdrijft niet sijn uolc . want in sinen handen2) sijn alle eynde van eertrike ende hoecheit der berghe siet hi . - Ende om die glorie hoers names . laet ons hebben uolhertelike blijscap Want sine is dat mere ende dat heuet hi ghemaket . ende dat droghe lant hebben sine hande gheuestet . comet laet ons hem / + anebeden . laet3) ons voer gode neder vallen . laet ons screyen voer den here die ons ghemaket heuet . want hi onse here ende onse god ende wi sijn4) sijn uolc ende schape sijnre weyden. - Anebeden wi die fonteyne der ewigher wijsheit . ende om die glorie5) hoer6) names laet ons hebben volhertelike blijscap Of ghi huden hoert sine stemme verhardet niet uwe herte ghelijc dat uwe vadere mi vertoernden in den daghe der becoringhe in der woestinen7) daer mi uwe vadere becoernden8) ende proueden ende saghen mine werke. - Ende om die glorie hoers names laet ons hebben uolhertelike blijscap Viertich iaer was ic naest desen gheslechte ende / + sprac altoes dese dwelen9) in der herten . ende sie en bekenden niet mine weghe .10) ic swoer hem in minen toerne dat sie niet en solden gaen in mine ruste Anebeden wi die fonteyne der ewigher wijsheit . ende om die glorie hoers names laet ons hebben uolhertelike blijscap Glorie si den vader ende den sone ende den heilighen gheist Alst was in den beghinne ende nu ende altoes ende ewelike sonder eynde Amen.11) Ende om die glorie hoers names laet ons hebben uolhertelike blijscap Anebeden wi die fonteyne der ewigher
| | | |
wijsheit . ende om die glorie hoers names laet ons hebben uolhertelike blijscap
| |
Ymnus -
+Jhesu1) suete ghedenkennisse du gheues warachtighe2) blijscap des herten, mer bouen honich ende alle dinghe is sine suete3) teghen-woerdicheit Niet en machmen singhen dat sueter is . niet en mach men horen dat vroliker is . niet en mach men denken dat sueter is dan ihesus die gods soen. O ihesu ene hoepe der gheenre die in berouwenis4) sijn4) hoe goedertieren bistu den ghenen die di bidden. hoe goet bistu den ghenen die di sueken . mer wat bistu den ghenen die di vinden. O ewighe wijsheit di ende den vader ende den heilighen gheist moet sijn glorie in ewicheit amen
| |
Salm
+Al eertrike hebt uolhertelike / blijscap toe gode5) . segghet louesanc sine name gheuet glorie sinen loue Segghet gode6) hoe verueerlijc sijn dine werken . in menichuoldicheiden dijnre crachten7) sullen di alle dine viande lieghen Al eertike moet di anebeden ende di singhen . louesanc moetet segghen dinen name Glorie si den uader Alst was.
| |
Antiffen
Die wijsheit heeft hoer ghetymmert een huys . sie heuet ghesneden seuen columpnen . sie heuet hoer onder ghedaen die heydene . sie heeft onder die vote ghetreden . mit hoers selues crachte die halse der hogher ende der houerdigher
| |
Versikel.
+Ic sal mi uerbliden in den here . ic8) sal / vrolic wesen in gode minen ihesu. Vader onse. Ende en inleit ons niet in becoringe . mer uerloes ons van quade . amen. Die name des heren si ghebenedijt . van nu9) tot10) in ewicheit. Here heit gheuen die benedictie. Die wijsheit des vaders moet verdriuen al dat ons teghen is. Amen.
| | | |
| |
Die eerst lexe.
O ewighe wijsheit schinsel der glorien . ende figure der substancien des ouersten vaders. Du die alle dinghe van niete heuet gheschapen.1). Ende2) op dattu den menschen mochtes weder leiden totter blijscap des paradises . soe clommestu neder in desen dal + der onsalicheiden. Ende2) ouermits dijnre / alre suetester wanderinghe soe hebstu hem bewijst3) den wech ten paradise weder te gane. Ende2) om vol te doen voer alle menschen . so woldestu dinen vader gheoffert werden in den cruce als een onnosel lammeken. Luke op mijn herte ouermits dinen duerbaren doet . op dat ic di altoes moete aen sien een coninc der coninghe . een4) heer der heeren mitten oghen des ganses gheloues. Sette mine mynne der wijsheit in dine wonden . sette mine wijsheit in dine teykene dijner5) pinen . op dat ic voert an moet voerderen in di . du die biste allene6) een boec der mynnen. Ende7) ic vorderen7) mot7) in + ghedenkenisse / dijnre doet . ende8) ic versmaeden9) moet alle wandelbare dinghe alsoe dat ic . niet ic . mer du in mi . ende ic in di . wi bliuen moten ewelike10) mit enen onscheideliken11) bande der mynnen. Mer du here ontferme di onser. Gode segghe wi danc -
| |
Respons.
Sent wt here die wijsheit vanden setel12) dijnre groetheit. Op dat sie mit mi si ende mit mi arbeide . op dat ic gheweten mach wat di ghename si in alre tijt.
| |
Vers.
Here ghif mi die wijsheit die een besitster is dijnre stolen. Op dat sie mit mi si ende mit mi arbeide . op dat ic gheweten mach wat di ghename si in13) alre tijt.
| | | |
+Here heit gheuen die / benedictie. Die ewighe wijsheit moet hoer geweerdighen1) to verlichten onse herten2) onse siele2) ende onse lichame Amen.
| |
Die ander lexe.
O mijn ihesu alre sueteste ende alre salichte3) wijsheit . een woert des vaders een eynde4) ende een beghinsel5) alles wesens Ic bidde sich an mit goedertieren oghen want ic stof bin ende vleisch . ende dat hi niet en vermach van hem seluen die lopende6) of willende6) is6). Ic bidde ghedenke dijnre alre bitterster doet . den du om mi onwerdighen7) sunder liden woldes . ende8) den goeden willen den du in mi beghonnen hebste den9) moetestu beholden10). O / + mijn ontfermherticheit en wil mi niet laten . o mijn touerlaet en wil niet van mi gaen. O mijn uerloser andenke in mijn hulpe . ende begraue mi mit di in dinen graue11). also dat ic doet moet wesen deser werlt. Ende verhude12) mi van allen laghen der viande . also dat leuen noch doet noch ghene auenture mi en verscheide van di. Mer onse mynne bloet13) bliuen in ewicheit14) sterker dan die doet. Mer15) du here ontferm di onse16). Gode segghe wi danc -
| |
Respons
O here ghif mi die wijsheit besitster17) dijnre stolen ende en wil mi niet verwerpen van dinen kinderen. Want ic bin dijn knecht ende een sone dijnre deernen.
| |
Vers
+Sent sie vanden stole dijnre goetheit .18) dat sie mit mi si ende mit mi arbeide. Want ic bin dijn knecht ende een soen dijnre
| | | |
deernen. Here heit gheuen die benedictie Mitter gauen1) der wijsheit ende der verstandenisse moet ons veruullen die heilighe gheist Amen
| |
Die derde lexe
O mijn touerlaet ende mijn onghemeten uerloser . ouermits dine onghemetene mynne die di dwanc om mi an to nemen den alre bittersten doet in die galghe des cruces. Die sunden die ic onreyne sunder ghedaen hebbe die2) moetstu mi ontfermhertelike vergheuen . ende3) van to comenden sunden ende van allen schaden moetstu + mi guedertierlic / bewaren in die wonde dijnre siden . mine ganghe moetstu leyden in den ulode4) deses leuens tot enen heilighen eynde . ende toe den aensien5) dijnre glorien so laet mi comen. Mer6) du here ontferme di onser. Gode segghe wi danc7)
| |
Respons
Bouen salicheit ende alle schoenheit heb ic ghemynnet die wijsheit ende heb sie8) voergheset dat ic sie lieuer hebben solde dan licht. Want al goet is mi te samen mit hoer ghecomen.
| |
Vers.
Ic heb gheseit der9) wijsheit du bist mijn suster . ende die voersenicheit heb is gheheiten mine vrindinne. Want alle goet is mi te samen mit hoer ghecomen . Glorie si den vader ende den soen ende + den / heilighen gheist . Want al goet is mi te samen mit hoer ghecomen
| |
Te deum laudamus
Dy god louen wi . di here belien in Al eertrijke eert di ewighe uader Alle enghelen hemelen ende alle potestaten Cherubin ende seraphin . ropen di10) sonder oflaten mit deser stemmen Heilich Heilich Heylich here god der heeren Vol sijn die hemele ende eerde11) des heerliken gheweldes12) dijnre glorien Dat gloriose choer
| | | |
der apostelen Dat louelic ghetal der profeten Dat blenkende heer der mertelaren louen1) di Die heilighe kerke ouer al die werelt + beliet di Vader onghemetenre gheweldigher heerli/cheit2) Ende dinen eerbaren waren3) enighen soen Ende den troester4) den heilighen gheist Du criste5) coninc der glorien Du biste des uaders ewighe soen Doestu om te uerlosen den menschen hem aennemen woldes ontsagestu niet der ioncfrouwen buyc Als du verwonnes den anghel des dodes . so opdedestu den ghelouighen die rike der hemele. Du sittes to godes rechter hant in die glorie dijns6) uaders Men ghelouet di7) toecomende richter Daer omme bidden wi8) help dinen dienres die du mit dinen dueren blode heuest uerloest + Laet sie begauet werden mit dinen heilighen in die e/wighe glorie Here make ghesont dijn volc ende benedie dine erfnisse Ende berichte sie ende verhoghe sie tot in ewicheiden. Alle daghe benedien wi di Ende wi louen dinen name ewelike ende ommermeer Gheweerdighe di here ons to behueden desen dach sonder sunde Ontferme di onser here ontferm di onser Dine barmherticheit weerde9) in10) ons also wi in di ghehopet hebben - In di here heb ic ghehopet laet mi niet scandelike confuys staen in der ewicheit
| |
Die laudes -
Salicheit der sielen ende des liues . gheue ons ihesus cristus die + wijsheit des va/ders Amen God wilt denken in mine hulpe . Here tot mi te helpen haeste Glorie si den vader Alst was in den beghinne.
| |
Salm -
Louet den heren alle11) heydene louet den12) alle uolke . Want sine bermherticheit13) is gestadicht14) op ons en des heeren waerheijt bliuet in ewicheijt Glorie si den vader Alst was.
| | | |
| |
Antiffen.
Die wijsheit roepet in den straten . soe wie dat wijsheit mynnet die neyghe1) tot mi ende hi sal se vinden . ende als hie se vindet soe sal hi salich sijn ist dat hi se beholt.2)
| |
Capittel.
Dese heb ic ghemynnet ende wtghesocht van mijnre ioghet ende + heb se ghesocht mi / tot eenre bruyt to ontfaen ende ic bin gheworden een mijnre3) hoerre formen. God si ghelouet
| |
Ymnus
O ihesu mynnentlike4) coninc ende5) edele segheuechter . du biste een onsprekelike sueticheit. ende alte6) begherlic. Ten can7) tonghe ghespreken8) noch litter beduden . die ghene diet besocht heuet9) macht ghelouen wat dat is ihesus10) te minnen Die ghestadeghe11) mynne ihesu is mi ene ghestadeghe quellinghe . ihesus is mi honich vlietende suiticheit12) een ewighe vrucht des leuens. O ewighe wijsheit di ende den vader ende den heilighen gheist moet + sijn glorie in ewicheiden . / Amen.
| |
Versikel.
Wijsheit rustet in sinen herten . ende voersenicheit in den woerden sijns mondes
| |
Benedictus dominus13).
Ghebenedijt sij die here god van israhel want hi sijn uolc gheuandet ende verloest heuet Ende hi heuet ons opgherichtet den horn der salicheit in dauids14) sijns kindes gheslechte Als hi ghesproken heuet wt monde der15) heiligher profeten die van beghinne der werlt gheweest hebben . Heil van onsen vianden ende van al der
| | | |
gheenre hande die ons haten Om te doen barmherticheit mit onsen + vaderen ende1) te ghedenken sijnre heiligher ghelofnisse Den eet / den hi swoer tot abraham onsen vader dat hi ons hem seluen gheuen wolde Op dat wi sonder anxt verloest vanden handen onser viande hem dienen In heilicheit ende in rechtuerdicheit voer oen al onse daghe Ende du kint du biste een profete des ouersten gheheiten . want du salte voergaen voer dat anghesicht des heren toe bereydene sine weghe (Glosse in M 129r: Dat kint was sunte iohannes). To gheuen wijsheit des heils sinen uolke in verghifnisse hoerre sunden Mitten binnensten der barmherticheit ons gods daer mede heuet hi2) ons gheuandet die vten hoghen opghegaen is Inlichte3) here + dien die sitten in duysternisse ende in / scheme des dodes to leiden onse voete in den wech des vreden Glorie si den vader Alst was
| |
Antiffen.
O ewighe wijsheit du die biste voert ghecomen wten monde des alren4) ouersten du die biste reykende van den enen eynde totten5) anderen6) sterkelike ende besatet7) alle dinghe suetelike . com om8) ons te leren den wech der wijsheit. Here verhore mijn ghebet. Ende mijn roepen come to di.
| |
Collecte -
O god du die ouermits dijnre ewigher wijsheit den menschen woldes maken doe hi niet en was ende doe hi uerloren was woldestu9) + hem ontfermhertelike weder maken . wi bidden di10) uerle/ne ons dat die wijsheit moet ingheisten in onsen herten dat wi mit al onser sielen di moten mynnen ende mit11) onser herten to di moten lopen. Ouermits onsen heren12) ihesum cristum dinen soen die mitti leuet ende regniert in enicheit des heilighen gheistes een god in ewicheiden13) Amen. Here verhore mijn ghebet . ende mijn ropen
| | | |
come toe di. Benedien wi1) den here. Gode segghe wi danc2). Alle ghelouighe sielen moten rusten in vrede Amen
| |
Die Prime
Salicheit der sielen ende des liues gheue ons ihesus cristus die + wijsheit des vaders Amen. God wilt3) denken in mijn / hulpe. Here tot mi te helpen haeste Glorie si den vader Alst was
| |
Ymnus
O alre sueteste mynne ihesu ende4) waerlic alre sueteste . dusent werf bequamer dan wi moghen segghen O ihesu enghelsche schoenheit in den oren een suete sanc . in den monde een wonderlic honich in der herten een hemels lotter dranc5) O mijn goede ihesu laet mi gheuolen ouerulodicheit dijnre minnen . ghif mi mit teghenwoerdicheit te siene dine glorie. O ewighe wijsheit di ende den vader ende den heilighen gheist . moet sijn glorie in ewicheiden. Amen.
| |
Salm. -6)
+O here help daer to dat ic vroe / moet horen dine ontfermherticheit . want ic heb in di ghehopet Maec mi kenlic7) den wech daer ic in wanderen sal . want ic heb mijn siele opgherichtet toe di Verlose mi van minen viande8) o here . to di binc9) ic gheuloen10). lere mi doen dinen willen . wanttu biste mijn god Glorie si den uader Alst was in den beghinne.
| |
Antiffen
Ic mynne die ghene die mi mynnen . ende die vro to mi waket die sal mi vinden
| | | |
| |
Capittel -
Wijsheit verwint quaetheit sie gaet vanden enen eynde totten1) anderen eynde sterckelike . ende besaet alle dinghe suetelike God si ghelouet
| |
Respons
+O ihesu / criste sone des leuendighen2) gods . ontfarme di3) onser
| |
Vers
Die4) daer4) sittes ter rechterhant des uaders. Ontferme di5) onser. Glorie si den uader ende den sone ende den heilighen gheist. O ihesu xpriste sone des leuendighen6) gods ontferme di7) onser
| |
Versikel
Here stant op ende8) help ons. Ende uerloes ons om dinen heilighen name. Here uerhore mijn ghebet ende mijn roepen come to di.9)
| |
Collecte -
Dat schijnsel der ewigher wijsheit moet uerluchten10) onse herten op dat wi ouermits dat schijnsel der ewigher wijsheit deruen11) moeten12) die duysternisse deser werelt ende dat13) wi13) comen + moghen13) to den14) / vaderrijc der ewigher claerheit. Ouermits onsen heren15) ihesum cristum dinen sone die mitti leuet ende regniert in enicheit des heilighen gheistes een god ewelike sonder eynde16) Amen. Here uerhore mijn ghebet. Ende mijn roepen come to di. Benedien wi17) den heren. Gode segghe wi danc. Alle ghelouighe sielen moeten rusten in vrede18) Amen.
| | | |
| |
Die Tercie.
Salicheit der sielen ende des liues . gheue ons ihesus cristus die wijsheit des uaders Amen. God wilt1) denken in mine hulpe. Here tot mi te helpen haeste Glorie si den uader Alst was in den be.
| |
Ymnus.
+O ihesu dine minne is een bequame versadinghe2) der sielen . veruullende sonder moyenisse . ende3) sie is gheuende der begheerten hongher Die di smaken den honghert na di die di drinken dien dorst na di si en connen niet begheren dan ihesus4) die5) si minnen. Ic begheer di dusent werf mijn ihesu . wanneer saltu comen wanneer saltu mi blide maken wanneer saltu mi versaden van di O ewighe wijsheit di ende den vader ende den heilighen gheist moet sijn glorie in ewicheiden Amen
| |
Dijn guede ghiest sal mi leyden in dat gherechte lant . here + om dine name salstu / mi leuendich maken in diner gherechticheit Du salst mine siele wtleiden7) vter droefheit ende in dijnre ontfermherticheit salstu verderuen mine viande Ende du salst uerliesen al die ghene die mijnre sielen liden an doen . want ic bin dijn knecht Glorie si den vader Alst was
| |
Antiffen
Sone begheerstu wijsheit8) beholt rechtueerdicheit9) ende die here sal sie di gheuen.
| |
Capittel.
Dese heb ic ghemynnet ende wtghesocht van mijnre ioghet . ende heb sie ghesocht mi tot eenre bruyt tontfane . en10) ick10) bin10) geworden10) een10) minner10) haerder10) formen10) God si ghelouet.
| | | |
| |
Respons
Ic sal mi uerbliden in den heren.1)
| |
Vers.
+Ende ic2) sal vrolic wesen2) / in gode minen ihesu. In den heren.3) Glorie si den vader ende den sone ende den heilighen gheist. Ic sal mi verbliden in den heren.4)
| |
Versikel
Die name des heren si ghebenedijt . van5) nv hent in ewicheit. Here uerhore mijn ghebet . ende mijn roepen come to di6)
| |
Collect
O god du die ouermits dijnre ewigher wijsheit den menschen woldes maken doe hi niet en was . ende doe hi uerloren was wolstu7) hem ontfermhertelike weder maken . wi bidden di8) verlene ons dat die wijsheit moet ingheisten in onse herten op9) dat wi dy9) mit al onser sielen10) moeten mynnen . ende mit al onser herten to + di moten lopen Ouermits onsen11) heren11) ihesum cristum / dinen soen die mitti leuet ende regniert in enicheit des heilighen gheistes een god ewelike sonder eynde12) Amen. Here uerhore mijn ghebet ende mijn roepen come to di Benedien wi13) den here. Gode segghe wy danc Alle ghelouighe sielen moten rusten in vrede. Amen.
| |
Die Sexte
Salicheit der sielen ende des liues gheue ons ihesus cristus die wijsheit des vaders Amen. God wilt denken in mijn hulpe. Here tot mi te helpen haeste Glorie si den vader Alst . was.
| | | |
| |
Ymnus
O ihesu die ouerste goedertierenheit ende wonderlike vrolicheit + des herten . een1) onbegripelike goetheit laet dine / mynne mi ombeuanghen2) Het is mi goet ihesum te mynnen . voert anders3) niet3) te sueken . het is mi nutte dat ic mi seluen late op dat ic ihesum mach leuen O ihesu mijn alre lieueste4) . een hope der suchtender sielen . die ynnighe trane sueken di ende dat roepen des ynnighen herten O ewighe wijsheit di ende den vader ende den heilighen gheist moet sijn glorie in ewicheiden. Amen
| |
Salm
Onse siele lijt den heren want hi is onse hulper ende onse5) beschermer Want in hem sal uerbliden onse herte . ende in sinen heilighen name hebben wi ghehopet - Dijn ontfermherticheit gheschie / + op ons als6) wi in di ghehopet hebben Glorie si den vader Alst was
| |
Antiffen
Die here heeft mi beseten van beghinsel sijnre weghen eer hi yet makede van den beghinsel spreket die here
| |
Capittel
Sie is ene blinkinghe7) des ewighen lichtes ende8) een spegel sonder ulecke der gotliker hoecheit ende een beelde sijnre gotheid9) God si ghelouet.
| |
Respons
Die name des heren si ghebenedijt
| |
Vers
Van10) nu hent in ewicheit . Ghebenedijt. Glorie si den vader ende den sone ende den heilighen gheist. Die name des heren si ghebenedijt
| | | |
| |
Versikel
+Vander sonnen opganc tot horen neder ganc . soe is / louelic die name des heren Here verhore mijn ghebet ende mijn roepen come to di1).
| |
Collecte -
Hoer ons ontfarmhertighe2) god . ende bewise onsen3) sielen dat licht dijnre wijsheit ende4) verliene ons dat wi di mynnen moeten bouen alle dinc. Ouermits onsen5) heren5) ihesum cristum dinen soen . die mitti leuet ende regniert in enicheit des heilighen gheistes een god ewelike sonder eynde6) Amen. Here uerhore mijn ghebet . ende mijn roepen come to di. Benedien wi7) den here Gode segghe wi danc Alle ghelouighe sielen moten rusten in vrede Amen.
| |
Die Noen
+Salicheit der sielen ende des / liues gheue ons ihesus cristus dye wijsheit des uaders Amen. God wilt denken in mijn hulpe. Here tot mi te helpen haeste Glorie si den vader ende den sone Alst was.
| |
Ymnus
In wat steden dat ic bin so begheer ic minen ihesum . hoe blide bin ic als ic hem vinde . hoe salich bin ic als ic hem holde8) Inder9) tijt sijn omhelsinghe ende cussen di10) bouen gaen die11) dranke des honichs dan is salich die verenighe12) mit cristo . mer het is ene clene stonde Dat ic ghesocht hebbe dat sie ic nu . dat ic begheert hebbe dat holde13) ic . in der mynnen cristi so quelle ic . ende in der herten soe berne ic alto male O ewighe wijsheit di + ende den vader ende den / heilighen gheist moet sijn glorie in ewicheiden. Amen
| | | |
| |
Salmus1)
God scheppe in mi een reyne herte . ende in minen aderen2) vernuwe den gherechten3) gheist Werp4) mi niet of van dinen aenschijn5) ende dinen heilighen gheist en hael niet van mi Ghif my weder die blijscap dijnre salicheit ende mitten voersteliken6) gheiste soe sterke mi Glorie si den vader Alst was.
| |
Antiffen
Noch en waren die afgronde niet ende ic waert ghebaeren7) doe hi die hemele bereyde was ic bi hem alle dinc mit hem makende
| |
Capittel.
Die wijsheit is schoenre dan die sonne ende bouen alle ordinieringhe + der / sterren . den lichte gheliket so wort si die eerste gheuonden. God si ghelouet.
| |
Respons.
Vander sonnen opganc tot horen neder ganc -
| |
Vers
Soe is louelic die name des heren. Tot horen neder ganc Glorie si den vader ende den sone ende den heilighen gheist. Vander sonnen opganc tot horen neder ganc
| |
Versikel.
Die wijsheit rustet in sinen8) herten . ende die voersenicheit inden woerden sijns mondes. Here uerhore mijn ghebet . ende mijn ropen come to di
| |
Collect
Heere9) godt9) instorte in10) onsen herten dat licht dijnre wijsheit also dat wi di waerachtelike moten11) kennen12) ende ghetrouwe-
| | | |
+like1) myn/nen. Ouermits onsen2) heren2) ihesum cristum dinen soen die mitti leuet ende regniert in enicheit des heilighen gheistes een god ewelike sonder eynde3) Amen. Here uerhore4) mijn ghebet ende mijn roepen come to di Benedien wi5) den heren. Gode segghe wi danc Alle ghelouighe sielen moten rusten in vrede Amen.
| |
Die vesper
Salicheit der sielen ende des liues gheue ons ihesus cristus die wijsheit des vaders Amen. God wilt denken in mijn hulpe Here tot mi te helpen haeste. Glorie si den vader Alst was
| |
Salm
Die here heuet ghesent uerlosinghe sinen uolke hi heuet in + ewicheiden gheboden sijn testament / Sijn6) name is heilich ende verveerlic . dat beghinsel der wijsheit is die vrese godes Goede verstandenisse hebben sie die daer nae werken die louinghe des heren bliuet ewelike Glorie si den vader Alst was
| |
Antiffen
Alle wijsheit is van gode den heren . ende was altoes bij7) hem ende is met8) hem in ewicheit
| |
Capittel
Dese heb ic ghemynnet ende wtghesocht van mijnre ioghet ende heb sie ghesocht mi tot eenre bruyt tontfane . ende ic bin gheworden een mijnre9) hoerre formen God si gheloeft
| |
Ymnus -
O ihesu du biste claerre dan die sonne . sueter dan die balsam + du biste suete bouen alle sueticheit / ende minliker10) bouen alle dinc Du biste ene ghenuechte der sielen du biste een volbrenghen der
| | | |
mynnen . du biste mijn glorie1) o ihesu beholdinghe der werelt Ihesus is een maker der goedertierenheit ene hope alre2) blijscap. hi is een fonteyne der gracien ende der sueticheit hi is die waerachtige weelde der herten O ewighe wijsheit di ende den vader ende den heilighen gheist moet sijn glorie in ewicheiden Amen
| |
Antiffen3)
Ic sal mi uerbliden in den heren ende ic4) sal vrolic wesen in gode minen ihesu
| |
Magnificat anima mea
Mine siele grotet den heren. Les voert als in onser vrouwen uesper5)
| |
Antiffen
+O opgaende claerheit / des ewighen lichtes ende sone der rechtvericheit6) com ende verlichte die ghene die sitten7) in duysternissen ende in scheme des dods Here uerhore mijn ghebet . ende mijn roepen come to di
| |
Collecte
O god du die ouermits dijnre ewigher wijsheit . Les voert al wt als voer in der metten staet ghescreuen8)
| | | |
| |
Die complete
Salicheit der sielen ende des liues gheue ons ihesus cristus die wijsheit des vaders Amen Bekeer ons god onse heilgheuer . ende afkier1) dinen toern van ons God wilt denken in mijn hulpe. Here tot mi te helpen haeste Glorie si den va. Alst.
| |
Salm
+Verlichte2) mijn oghen dat ic / nummermeer3) en slape in der doet op dat mijn viant niet en segghe ic heb macht ghehadt teghen hem Die ghene die mi drucken die4) sullen hem verbliden ist dat ic beroert5) werde mer ic hebbe in dijnre ontfarmherticheit ghehopet Mijn herte sal uerbliden6) in dine salicheit ic sal singhen den heren die mi goede gaue7) ghegeuen8) heeft ende ic sal singhen den naeme des alderhogsten9) heren. Glorie si den vader Alst was
| |
Antiffen
Ic heb ghewoent in den ouersten ende mijn troen is inden columpnen der wolken
| |
Capittel -
Sie leert soberheit ende10) wijsheit11) rechtuerticheit12) ende doghet. + welcken13) dingen den14) mensche14) niet14) / nutters14) en14) is14) in14) horen leuen. God si ghelouet
| |
Respons
In vreden in dat selue sal ic slapen ende rusten
| |
vers
Is dat ic gheue minen oghen den15) slaep ende minen oghenleden
| | | |
den ghestaden slaep. Sal ic slapen ende rusten. Glorie si den vader ende den sone ende den heilighen gheist In vreden in dat selue sal ic slapen ende rusten
| |
Ymnus
Ihesus regniert in den vreden die alle sinne1) bouen gaet desen vrede begheert mine siele ende haestet den te ghebruken Di so prediket dat choer des hemels ende weder haelt dine loue . ihesus uerblijt den omganc der werlt2) ende maect ons te vreden3) mit gode Ihesus is weder ghegaen to den vader . hi is inghegaen in dat + hemelsche rike mijn herte is van / mi ghegaen ende is ihesus4) nae ghegaen. O ewighe wijsheit di ende den vader . les voert wt.5)
| |
versikel.
In vreden is ghemaket sine stede . ende sine woninghe in syon
| |
Nunc dimittis -6)
Nv laestu here dinen knecht na dinen woerde in vrede. ¶ Les voert wt als in onser vrouwen compleet staet.7)
| |
Antiffen.
O gloriose coninc onder dinen heilighen du die biste altoes8) louelic ende nochtan onsprekelic. Here du biste in ons ende dijn heilighe name is angheropen van ons onse god en9) laet ons niet achter alsoe dattu in den daghe des ordels di verwerdighen wilste ons te setten onder dine heilighen ende wtuercoren10). o ghebene-+dide coninc. Here uerhoer mijn ghebet/ende mijn roepen come to di
| | | |
| |
Collecte
O here1) sich an ghenadichlike2) onse crancheit ende du goedertierne instorte in onse3) herten3) den3) smaec dijner3) ewigher wijsheit op dat als wi ghesmaket hebben hoer honichulietende sueticheit dat wi dan versmaden4) moeten4) alle eertsche dinghe . ende dij5) mit bernender begheerten stadelic6) an te hanghen du die biste alle goet. Ouermits onsen7) heren7) ihesum dinen sone . die mitti leuet ende regniert in enicheit des heilighen gheistes een god ewelike sonder eynde8) Amen Here verhoer mijn ghebet ende mijn ropen come to di. Benedien wi9) den here10) Gode segghe wi danc. Alle ghelouighe sielen moten rusten in vrede Amen.
|
1)M - et des e-en wijsheyts; opschrift ontbr. B, 185; H Hijr volghen d. e.w.g.
2)l. in minen (M, B, H, Fulda; 185 nv mijn).
3)M, 185, H binne( n) sten; Fulda bynnensten (gesubstitueerd).
4)M, 185 binne( n) ste; Fulda als boven.
5)M, B, H, 185 camer (M k-).
6)M, B, 185 ont- (H on-).
7)M binnester; Fulda als boven (- ste).
9)M, B, H, 185 sc( h) aren.
13)M ( den sueten s.), Fulda, B, H, 185 sanc( z-).
14)l. alre (M, B, H, 185).
15)ontbr. M, B, H, Fulda.
4)Later bijgeschreven; M, H, B, 185 sin; deze handschriften hebben ook alle in de voorafgaande regel: hi( e) is.
5)Hierna een met een dun streepje doorgehaalde n.
7)M wuestnien, H woestenien.
8)lees - rden (M, B, H, 185).
9)Evenzo M, H; B, 185 dwalen.
10)add. Ende (M, B, H, 185).
11)De streepjes vervangen in dit stuk het teken  van het hs.; zo ook in enige andere stukken.
4)Gecorrigeerd; M, B berouwen, H, 185 - we.
4)Gecorrigeerd; M, B berouwen, H, 185 - we.
5)M tot g. volh. blyscap.
6)Veranderd in goede heer; B, H gode here, 185 guede h.; M gode eer; de oude lezing van het Haagse hs. is de juiste.
8)B, H, 185 ende ic, M ende.
1)M, H heues ( hebbes) ghescapen, B gesc. hebste, 185 ghemaket heuest.
3)B, 185 ghewiset (- ijst).
4)M, 185 ende een; B ende.
5)Gecorrigeerd; M, B, 185 der.
7)Gecorrigeerd; M, B, 185 Ende ( ende) dat ic moet vorderen in den( c) kenisse.
7)Gecorrigeerd; M, B, 185 Ende ( ende) dat ic moet vorderen in den( c) kenisse.
7)Gecorrigeerd; M, B, 185 Ende ( ende) dat ic moet vorderen in den( c) kenisse.
8)add. dat (blijkbaar weggeschrapt; staat in M, B, 185); ic ontbr. M.
9)In - den is gecorrigeerd.
10)M wi ewelic gebonden moten bliuen.
11)Veranderd in onuersch.
13)Gecorrigeerd; 185 tot.
1)ge- door correctie; B, 185 ver-; M ghe-.
2)Gecorrigeerd; M onse sinne onse herte . ende onse lichaem, B o. sinne ende o. l-me ende o. herten, 185 onse herte o. sinne e.o.l.; siele is in ieder geval een jonge lezing.
2)Gecorrigeerd; M onse sinne onse herte . ende onse lichaem, B o. sinne ende o. l-me ende o. herten, 185 onse herte o. sinne e.o.l.; siele is in ieder geval een jonge lezing.
6)Veranderd, uit l. is of w. ( is)? Aldus B, 185; M l.o.w. is.
6)Veranderd, uit l. is of w. ( is)? Aldus B, 185; M l.o.w. is.
6)Veranderd, uit l. is of w. ( is)? Aldus B, 185; M l.o.w. is.
10)B behoeden, M in mi behoeden.
12)M voerhoede, 185 verhuedes.
17)M die een b. is; B bisitster, 185 besitter.
18)op is ingevoegd; op niet in M, wel in B, 185.
1)M, B, 185 g( h) aue (- ve).
10)M, B toe di, 185 totti.
11)M, B die e. (185 der eerden).
4)M troestende; 1 e den ontbr.
7)M voegt in: te wesene, B, 185: te ( toe) wesen een.
12)± 6 letters weggeschrapt; l. den heren (B; M heer, 185 here).
13)Veranderd uit ontfermh.; M, B, 185 barmh., b'mh.
14)Gecorrigeerd; evenzo de 9 volgende woorden; M ghestedicht; B, 185 gheuest( et); B, 185 die waerheit des heren.
2)be- later ingevoegd; het ontbr. in M.
3)l. minre of mynre (M, B, 185).
6)Iets weggeschrapt; vgl. B, 185 al to ( toe) male.
7)Ingevoegd: geen; M, B, 185 gheen.
10)s uit m; M, B, 185 - um.
11)M ghestedighe bis, 185 ghestade bis.
12)Later ingevoegd; ontbr. M, B, 185; deze hebben hier de coniunctie ende.
13)M Dit is Zacharias sanc dien hi screef ende sanc doe hem sijn tonghe ontbonden wert.
15)M siner, B, 185 sijnre.
2)ontbr. M, B, 185; B d.o.m. heuet gheu. die.
3)M, B, 185 Inluchte; in M volgt o.
6)Ingevoegd: eind; M, 185 eynde.
7)Gecorrigeerd; M, B bereydes ( ei).
8)Weggeschrapt; ontbr. M, B, 185.
12)o.h. ontbr. M; H, B staan deze woorden na sone ( soen).
13)M, 185 ewelike sonder eynde.
1)M, B, H Laet ons benedien.
2)M, B, H God si gheloeft. - Alle enz. ontbr.
5)B, H, 185, 779 lutter dranc( k), Fulda luterdranc.
6)De tekst van M (779, Fulda) wijkt belangrijk af (zie Moll 88 v.). 185 gaat op sommige plaatsen met M mee: ic ghehopet heb in di; mijn siele tottî heb ghehauen; wanttu mijn god biste.
2)Evenzo H, 185; M, B leuenden.
4)Gecorrigeerd; l. Du die (M, H, B, 185).
4)Gecorrigeerd; l. Du die (M, H, B, 185).
6)B leuenden; M des l-ghen godes sone.
9)H voegt in: Laet ons bidden.
12)Gecorrigeerd; M, H, B moghen.
13)Weggeschrapt; dat ontbr. M; 185 moten voor moghen.
13)Weggeschrapt; dat ontbr. M; 185 moten voor moghen.
13)Weggeschrapt; dat ontbr. M; 185 moten voor moghen.
14)M ten voor to den (H, B, 185 totten).
15)M, H, B onsen here( n) na soen.
16)M, H, B in ewicheiden.
17)M, H, B Laet ons benedien.
18)Alle... vrede ontbr. H, M, B; M, B hebben in plaats van Gode s.w.d.: God si ghelouet (- oeft).
2)Gecorrigeerd; H versadinghe; B, 185 vermakinghe; M voersmakinghe.
4)De - s gecorrigeerd; M, H, B, 185 - m.
5)l. dien (H, 185; M, B den).
6)De tekst van M wijkt af; zie Moll 90; 185 gaat gedeeltelijk met M mee: om dinen name here du salt; verstueren.
9)Gecorrigeerd; M, H, B, 185 gherechticheit.
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
10)Onder aan de pagina toegevoegd; in M, B, H, 185 aanwezig ( hoerre, M haerre).
1)B Inden heren sal ic mi v.
2)ic en wesen later ingevoegd; ic ontbr. M.
2)ic en wesen later ingevoegd; ic ontbr. M.
3)M, H, B sal ic mi verbliden in pl. v. In d.h.
4)Evenzo H, 185; M, B Inden here( n) s.i.m.v.
5)M, H, B van desen; B tot in pl. v. hent.
6)H voegt in: Laet ons bidden.
9)Later ingevoegd; op ontbr. M, H, 185; di staat hier en in B na sielen.
9)Later ingevoegd; op ontbr. M, H, 185; di staat hier en in B na sielen.
10)Iets weggeschrapt, blijkbaar di (zie de vorige noot).
12)M, H, 185 in ewicheiden.
13)M, H, B Laet ons (H ghe) benedien. Na here( n) in M, H, B alleen nog: God si ghelovet (- oeft).
2)om- ontbr. M, H, B, 185.
3)Gecorrigeerd; M, H, B, 185 ( ende B, 185) voert aen niet anders.
3)Gecorrigeerd; M, H, B, 185 ( ende B, 185) voert aen niet anders.
9)Door bovengeschreven e in goetheit veranderd; H godh., M ghoeth., B gueth.
1)H voegt in: Laet ons bidden.
4)In pl. v. ende...dinc heeft 185: Alsoe dat wy di waerachteliken moten kennen ende getrouweliken minnen.
5)M, H, B o.h. na soen( e).
5)M, H, B o.h. na soen( e).
7)H, B Laet ons ( ghe) benedien. Na here( n) in M, H, B alleen nog: God( e) si ghelouet (- oeft).
13)M behoelde voor dat h.
1)M heeft een afwijkende vertaling (zie Moll 94); 185 gaat mee met M.
2)binnensten H, B (M, 185).
5)B aensichte (M an-, 185).
7)- en gecorrigeerd; H, B, 185 ghebaert.
9)Gecorrigeerd; M, 185 Heer ( Here) god wi ( wy) bidden di; H, B O here g.w.b. di.
9)Gecorrigeerd; M, 185 Heer ( Here) god wi ( wy) bidden di; H, B O here g.w.b. di.
10)Later ingevoegd; ontbr. M, B, 185; wel in H.
2)M, H, B o.h. na sone ( soen).
2)M, H, B o.h. na sone ( soen).
5)H, B Laet ons benedien. Na heren ( heer) in M, H, B alleen nog: God si gelouet ( gheloeft).
7)Gecorrigeerd; M, H, B, 185 mit ( met).
8)Gecorrigeerd; M, H, B, 185 bi.
9)l. mynre (H mynner, M minre).
1)M, H glorijeringhe (- rie-), B, 185 glorieren.
3)l. versikel (M, H, B, 185).
5)Voluit in M, H, B, 185; voor M zie Moll 96; hier volgt de tekst, zoals hij in H staat:
Mine siele grotet den herē Ende mijn gheest heuet sich hoghe vervrouwet in god minē heil Want hi heuet anghesien die oetmoedicheit sijnre deernē . siet daer van solen mi salich heitē alle ghebuertē Want hi heuet mi grote dinghe ghedaen . die mechtich is ende sijn hilighe name Ende sine barmherticheit is van gheslechte tot gheslechte . dien die hem ontsien Hi heuet macht ghedaen in sinē arme . hi heuet verstroyet die houerdighen van ghedancke sijns herten Hi heuet of gheset die mechtighen van den stole . e heuet ghehoghet die oetmoedighē Die hongherighē heuet hi gheuollet mit guedē . ende die riken liet hi ydel Hi heuet ontfanghen israhel sijn kint - hem ghedachte sijnre barmherticheit Alse hi ghesproken heuet tot onsen vaders - abraham e sinē gheslechte van beghīne Glorie si.
6)Gecorrigeerd uit gherechticheit; aldus M, H, B, 185.
7)- de sijn weggeschrapt; - de sijn ( sin) in M, H ( daer s.s.), B, 185.
8)Voluit in M, H, B, 185.
2)M, H, Fulda Verluchte; H voegt toe: here.
4)M si, Fulda se, H sie, 185 ontbr.
5)B veruert, 185 beweghet.
6)M, H, B, 185 hem v., Fulda em v.
7)M, H g( h) auen, B, 185 dinghe.
9)Gecorrigeerd; M, H, B, 185, Fulda ouersten.
10)Weggeschrapt; ontbr. M, 185.
11)ende H, B; Fulda vnde.
12)Gecorrigeerd; M, H, B, 185 gherechticheit.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
14)Gecorrigeerd; M, H, B, 185 niet n. (M, H - er) en is d. m-en in.
15)Weggeschrapt; ontbr. H.
1)M, H, B, 185 allen sinnen ( y).
3)H maecte ons vrede, 185 ons den vrede.
4)Gecorrigeerd uit - u of - ū; M, H, B, 185 -um.
6)M des olden symeons sanc.
7)Voluit in M, H, B, 185; voor M zie Moll 98; hier volgt de tekst naar H:
Nv laetstu here dinē knecht na dinē woerde in vrede Want mine oghē hebbē ghesien dinen heilgheuer Den du bereit heues voerden aensichte alre volke Een licht dat is tot eenre openbarīghe der heidenē . e tot glorien dijns [volkes] van israhel Glorie si den -
8)M, H, B, 185 altoes bist( e).
10)M, H, B, 185 dine wtuercoren( e) ( -oerne).
1)Weggeschrapt: wi bidden ( di); aldus M, 185, H, B, de 2 laatste zonder di.
3)Gecorrigeerd; M, H, B, 185 ons d.s. der.
3)Gecorrigeerd; M, H, B, 185 ons d.s. der.
3)Gecorrigeerd; M, H, B, 185 ons d.s. der.
3)Gecorrigeerd; M, H, B, 185 ons d.s. der.
4)Gecorrigeerd; M versmaden moghen, H, B moghen v.
4)Gecorrigeerd; M versmaden moghen, H, B moghen v.
5)Later ingevoegd; M, H, B, 185 hebben di in pl. v. stadelic; in B ontbr. te.
7)M, H, B o.h. na sone ( soen).
7)M, H, B o.h. na sone ( soen).
9)H, B Laet ons benedien.
10)In pl. v. het volgende hebben H, M, B God( e) si gheloeft (- ovet). Hierna, en in 185 na vreden Amen: Die ewighe wijsheit moet benedien ende bewaren onse herten (185 - e) ende onse lichame( n) (- aem) Amen.
|
|
vorige
