[p. *42]origineel
[p. 369]origineel
AH quoties, mea lux, mihi seria verba dedisti,
Nulla secuta tamen, seria verba fides!
Euge breui venies, toties dixisse recordor;
Adde fidem verbis, dic semel, Euge veni.
Heu mihi, quàm longae sunt expectantibus horae!
Plùs aeui spatio creditur vna dies.
Iam, mea lux, lapsi menses, tot aguntur & anni,
Spemq́ facis toties, spem tamen vsque neg as.
Quid miseram spatijs tam lentis ferreus vris?
Et toties, paruo hîc tempore, dicis, eris.
Iam lacerant salsis me publica compita sannis,
Et tuus ille Deus, dic, vbi? quisque rogat.
Quando igitur veniam? quando tibi libera sistar?
Quando adstabo, oculis obuia facta tuis?
Aspicis vt iaceam miserando squallida luctu!
Quâ careo, facies haec mihi damna facit.
O facies animi crudele mei, tormentum!
Vnica quae praesens esse medela potes.
O quando, facies toto spectabilis orbe,
Quando tuo dabitur lumine posse frui?
Scilicet vt grauis est terris, absentia Phoebi,
Squallet & obscurus, sole latente, dies:
Nec color est hortis, nec amoenis gratia syluis,
Iamq́ silent homines, iamq́ siletis aues:
[p. 370]origineel
Mox vbi purpureo roseum caput extulit ore,
Laeta micat radijs, luce nitente, dies;
Et suus est hortis color, & sua gratia syluis,
Iamq́ sonant homines, iamq́ sonatis aues:
Sic ego, te viso, moriens, mea vita, resurgo;
Viuaq́, non viso protinus emorior.
Saepè iubes, alio me pascere lumina vultu,
Multaq́ conspectu corpora pulcra refers.
Aspice prata, inquis, formosos aspice flores;
Picta mei multum prata coloris habent.
Aspice caeruleo palantes aethere stellas;
Hae quoque de nostro lumine, lumen habent.
Aspice & humanis praestantia corpora formis;
Est meus humano multus in ore decor.
Siccine, Lux, nostris sperasti illudere votis?
Falsaq́ supposito vendere frusta vitro?
Non ego mentitae satiabor imagine formae,
Ah, mea fax facies est, mea vita, tua!
Illa, ô digna Deo facies! grauis ille süaui
Mixtus in ore timor, parq́ timoris, amor.
Nam quota pars tanti sedet vllâ in fronte decoris,
Lux mea, quanta tuâ fronte, genisq́ sedet?
Ah, neque si facem coëat decor omnis in vnam,
Tanta sit vllius gratia, quanta tuae!
Lux mea, splendidior quanto supereminet astris
Lucifer, & quanto Cynthia Lucifero;
Ipsaq́ quanto iterum superatur Cynthia Phoebo,
Tanto formosis omnibus ore praeis.
De tribus id melius narrabit testibus vnus,
Qui tibi tum comites vertice Thabor erant:
[p. 371]origineel
Cùm testata Deum facies tibi flammea luxit,
Cinxit & auratas fax radiata comas:
Nempe aliquis tantae captus dulcedine lucis,
Et nimio formae saucius igne tuae;
Immemor & patriae, oblitusq́, suorumq́,
Optabat stabiles figere monte lares.
Nec tamen augustum, qualis, quantuq́ videri
Coelitibus solitus, viderat ille Deum.
Viderat aërios absistere vultibus ignes,
Vt solet accenso candida mica foco.
Viderat ardenti rutilantem vertice flammam,
Quale lacessitum Sole refulget ebur.
Vider at, vt placidis Lucina videris in vndis,
Cùm tuus in nitidis fluctuat ardor aquis;
Aut qualis pelago Coeli vibratur imago,
Vnda repercussicùm tremit ignepoli.
Quid dicturus erat, tot â si luce coruscas
Vidisset, circum tempora bina faces?
Quid si oculos? quid si faciem sine nube micantem?
Quodq́ polo facies lumen vtroque iacit?
Quando erit ille dies, mea lux, rex ille dierum,
Numinis ambrosio cùm sinar ore frui!
Saepè quidem vestros specto sub imagine vultus,
Cùm vultus obeunt spica, merumq́ tuos:
Magna, equidem fateor, tamē imperfecta voluptas,
Pro facie, faciem nube tegente frui:
At mihi mens alio stimulata cupidine flagrat,
Ardet & innubes laeta videre genas.
Quando erit ergo dies, cùm te, sine nube, videbo?
Impedient faciem vela nec vlla tuam?
[p. 372]origineel
Solaq́, quae fueras animo libata voluptas,
Tandem oculis etiam percipiêre meis?
Illa dies, fausto si quando affulserit astro,
Iuro, erit his oculis carior illa dies.
[p. 373]origineel
Psal. 41.
Quando veniam & apparebo ante fa-
ciem Dei?
Aug. in Psa. 43.
SInuenis meliùs quàm videre faciem Dei,
illucte praepara. Vae tali amori tuo, si vel
suspicaris aliquid pulcrius, quàm est ille, à
quo est omne pulcrum, quod te teneat, ne
illum cogitare merearis.
Aug. in Psa. 39.
Qui fecit omnia melior est omnibus; qui
pulcra fecit, pulcrior est omnibus; qui fortia,
fortior est; qui magna, maior est. Quicquid
amaueris, ille tibi erit: disce amare in crea-
tura Creatorem, & in factura factorem, ne
teneat te, quod ab illo factum est, & amittas
eum à quo & ipse factus es.
Aug. medit. cap. 37.
Dulcissime, amantissime, benignissime,
carissime, pretiosissime, desideratissime,
amabilissime, pulcerrime, quando te vide-
bo? quando apparebo ante faciem tuam? quando
satiabor de pulcritudine tuà, quando edu-
ces me de hoc carcere tenebroso, vt con-
fitear nomini tuo?
Dic nunc totum cor meum, dic nunc
Deo; Quaero vultum tuum, vultum tuum Domine
requiro. Eia nunc ergo, Tu Domine Deus
meus, doce cor meum, vbi & quomodo te
quaerat, vbi & quomodo te inueniat. Qui-
bus signis, quâ facie, te quaeram? numquam
[p. 374]origineel
te vidi, Domine Deus meus; non noui fa-
ciem tuam; quid faciet altissime Domi-
ne, quid iste tuus longinquus exul? quid
faciet serrus tuus anxius amore tui, & lon-
gè proiectus à facie tuâ? anhelat videre te,
& nimis abest illi facies tua. Dominus
Deus meus es, & Deus meus, & nondum te
vidi. Tu me fecisti & refecisti, & omnia
mea bona, tu mihi contulisti, & nondum
noui te. Denique ad te videndum factus
sum, & nondum feci propter quod factus
sum. Ansel. in prosolog. cap. 1.
Aug. solilo. cap. 36.
Haec est plena beatitudo, & tota glorifi-
catio hominis, videre faciem Dei sui, videre
eum qui fecit Coelum & terram, videre
eum, qui fecit eum, qui saluauit eum, &
qui glorificauit eum. Exquisiuit te facies mea,
faciem tuam, Domine, requiram, faciem Domi-
ni virtutum, in qua solâ, consistit tota gloria
sempiterna beatorum.
O quando veniam & apparebo Domine ante
faciem tuam? putásne, videbo diem illam,
diem, inquam iucunditatis & laetitiae, diem
quam fecit Dominus, vt exultemus & laetemur in
eâ? O dies praeclara & pulcra, nesciens ves-
perum, non habens occasum, in quâ au-
diam vocem laudis, vocem exultationis &
confessionis; in quâ audiam, intra in gau-
dium Domini tui! Intra in gaudium sempi-
ternum, in domum Domini Dei tui, vbi
[p. 375]origineel
sunt magna & inscrutabilia & mirabilia,
quorum non est numerus. Intra in gau-
dium sine tristitiâ, quod continet aeternam
laetitiam; vbi erit omne bonum, & non
erit aliquod malum; vbi erit quicquid vo-
les, & non erit, quicquid noles; vbi erit
vita vitalis, dulcis & amabilis, semperq́ue
memorialis; vbi non erit hostis impug-
nans, nec vlla illecebra, sed summa & cer-
ta securitas, secura tranquillitas, & tran-
quilla iucunditas, iucunda felicitas, fe-
lix aeternitas, aeterna beatitudo, beata
visio, quae est gaudium Domini Dei
tui. Aug. solilo. cap. 35.
Aug. solilo. cap. 22.
Hanc verò, dulcedinem, vt gustauit Pe-
trus, omnium inferiorum oblitus, clamauit
quasi ebrius, dicens; Domine bonum est nos hîc
esse, faciamus nobis hic tria tabernacula. hic mo-
remur, te contemplemur, quia nullo alio
indigemus. Sufficit nobis, Domine, videre
te, sufficit, inquit, tantâ dulcedine satiati:
vnam enim stillam dulcedinis ille gustauit,
& omnem aliam fastidiuit dulcedinem.
Quid putas dixisset, si magnam illam
multitudinem dulcedinis Diuinitatis tuae
gustastet, quam abscondisti timentibus
te?
Chrys. homil. in Psal. 41.
Vide quoque ardentem hominem [Da-
uidem] vide inflammatum, sciens enim se
cùm hinc recesserit, eum esse visurum, ne ex-
[p. 376]origineel
pectat quidem dilationem; moram enim
non patitur; & si esset quidem priuatus
aliquis, humilisq́ue & abiectus, & viuens
in paupertate, magnum quiddam esset,
vel sic, vitam praesentem contemnere; sed
non esset adeò magnum vt nunc est, vt-
pote Rex est, & tantis fruitur delicijs,
tantaeq́ue est gloriae particeps, & est in-
numerabiles victorias consecutus, multa-
q́ue bella vicit, & est omni ex parte cla-
rus, insignis & illustris; haec qui omnia
irrideat, diuitias & gloriam & omnes de-
licias, ad futura autem aspiret & in-
hiet, hoc est magni cuiusdam & excelsi
animi, hoc est animae, quae tenetur stu-
dio sapientiae, & coelesti amore verè capta
est.
Aug. in Ps. 138.
Moyses sic desiderauit & concupiuit vi-
dere ipsam speciem Dei, & loquenti secum
Deo dixit: Si inueni gratiam ante te; ostende
mihi temetipsum, adimplebis me laetitiâ cum vultu
tuo.
Aug. solilo. cap. 23
Et ego paruulus, inter paruulos familiae
tuae, Deus pater, & virtus mea, quando ve-
niam & apparebo ante faciem tuam, vt qui nunc
tibi confiteor ad tempus, ex tunc confi-
tear tibi in aeternum? Beatus ero si fuero
admissus ad videndam claritatem tuam.
Quis mihi hoc tribuat, vt ad hoc venire per-
mittas me!
[p. 377]origineel
Aug. in Psa. 41.
Sed quando veniam? en quod citius est
Deo, tardum est desiderio. quando veniam &
apparebo ante faciem Dei? ex illo desiderio est &
hoc, quod clamatur alibi: vnam petij à Domino,
hanc requiram, vt inhabitem in Domino Domini,
per omnes dies vitae meae. Quare hoc? vt contem-
pler delectationem Domini, quando veniam
& apparebo ante faciem Domini. Interim dum
meditor, dum curro, dum in viâ sum, ante-
quam veniam, ante quam appaream, fuerunt
mihi lacrymae meae panes die ac nocte, cùm dicitur
mihi per singulos dies; vbi est Deus tuus.
Aug. me sit. ca. 40.
Eia, iam Domine! eia. appare mihi & con-
solatus ero! Exhibe praesentiam tuam, & cō-
secutus ero desiderium meum, reuela glo-
riam tuam, & erit perfectū gaudium meum,
sitiuit in te anima mea, quàm multipliciter tibi ca-
ro mea! sitiuit anima mea ad Deum fontem viuum;
quando veniam & apparebo ante faciem Domini.
Quando venies consolator meus, quem ex-
pecto? ô si quando videbo gaudium meum,
quod desidero! ô si satiabor, cùm apparue-
rit gloria tua, quam esurio! ô si inebriabor ab
vbertate domus tuae, ad quam suspiro! ô si
potabis me torrente voluptatis tuae, quam si-
tio! sint mihi, Domine, interim lacrymae meae
panes die ac nocte, donec dicatur mihi, Ecce
Deus tuus: donec audiat anima mea, Ecce
sponsus tuus.
Ostende te mihi, consolator meus, videam
[p. 378]origineel
te, lumen oculorum meorum, veni gaudium
spiritus mei; videam te laetitia cordis mei. Di-
ligam te vita animae meae. Appare mihi, dele-
ctatio mea, solarium meum dulce, Domi-
ne Deus meus, vita mea, & gloria tota ani-
mae meae! Aug. solilo. cap. 1.
