[fol. 1r] origineel [Ach kranckelijcke Vleysch, noyt heb Ick u beth bedacht]  Ach kranckelijcke Vleysch, noyt heb Ick u beth bedacht,  Als nu in tribulacien ghegheven,  Deur 't Cruys des Lydens dat my [fol. 1v] origineel  nu is ghebracht:  Maer druck die werdt deur hope noch al verdreven,  Des sy Godt eewich lof toe gheschreven.    [fol. 2r] origineel    Bevinghe unde angst heeft my nu dick bevaen,       Deerlijcke krimpinghe, wilt dit beseven,       Troosteloos te maecken wil my die Viandt raen:       Maer druck die werdt deur hope noch al verdreven:       Des sy Godt eewich lof toegheschreven.     Al mijn ghebeenten sijn dick in my verstoort,       Als ick ghedencke mijn vleysch unde leven,       Soo werden mijn sinnekens gheheel discoort:       Maer druck die werdt deur hope noch al verdreven,       Des sy Godt eewich lof toegheschreven.     Doen 't my wel ginck, sprack ic in mijn herte verheucht,       Sal eewelijck blyven sonder sneven [fol. 2v] origineel         Doen der Heer hem verberch, verschrickte mijn Jonghe Jeucht:       Maer druck die werdt deur hope noch al verdreven,       Des sy Godt eewich lof toegheschreven.     Al ghy Heylighen singht Godt groot lof altijdt,       Und' danckt Godes Heerlijckheydt hooch verheven,       Tot een ghedenckenis, want hy ons verblijdt:       Maer druck die werdt deur hope noch al verdreven,       Des sy Godt eewich lof toegheschreven.     Die daer nu staet, sie toe dat hy niet en valt,       Als winden stormen op hem sullen sweven,       Unde als den troost van den Vader mit hem smalt: [fol. 3r] origineel         Maer druck die wert deur hope noch al verdreven,       Des sy Godt eewich lof toegheschreven.              FINIS. In Julio. Anno 1529.