[fol. 11r] origineel [Den Dach mach niet verborgen sijn]  Den Dach mach niet verborgen sijn,  Op dit termijn:  Daer Hemel und' Aerde so schoon in staet.  Ick sach, [fol. 11v] origineel  so het plach, openbaren fijn,  Allen duysteren schijn,  Scheyden dat ghoet al wt dat quaet:  O wtvercoren Saet, [fol. 12r] origineel    Die Gerechtige beswaert,  In den Dach verclaert,  Wert nu verdruct, van die Werlt benijt,  Hy sal noch triumpheren als kompt den Tijt.    [fol. 12v] origineel    T'is huyden den Dach van salicheydt,       U herten bereydt,       Ghy Vreemdelinghen inder Aerden eenpaer:       Doet u pelgrimage sonder verbeydt,       Den wech die u leydt,       Tot dat Landt van rusten unde vreden voorwaer,       Wandelt sonder vaer:       Die Gherechtighe beswaert:       Inden Dach verclaert,       Werdt nu verdruckt, van die Werlt benijdt,       Hy sal noch triumpheren als kompt den Tijdt.     Rust niet inden Dach van dit percket, [fol. 13r] origineel         Werdt niet belet:       Voldoet u belofte ghy Edel Engien:       Waeckt scherpelijck alle int Gebet,       Holdt s'Heeren Gheset,       Mit suyvere herten suldy Godt sien,       Unde anders ghien:       Die Gherechtighe beswaert,       Inden dach verclaert,       Werdt nu verdruckt, van die Werlt benijdt,       Hy sal noch triumpheren als kompt den Tijdt.     Doet u die Werlt groot ghewelt,       Die sondichste scheldt, [fol. 13v] origineel         Acht-es niet, want u Heer is so gheloont:       Het werdt u te voren al ghespelt,       Die daer sijt ghetelt,       Van Eewicheyt daer toe ghecroont,       Inden tijt vertoont:       Die Gherechtighe beswaert:       Inden Dach verclaert,       Werdt nu verdruckt, van die Werlt benijdt,       Hy sal noch triumpheren als kompt den Tijdt.     Prince, wel hem der in u is wijs,       Unde na u spijs,       Honghert na dat verborghen Rijck: [fol. 14r] origineel         Der d'Werlt sterft mit haer advijs,       Ontfangt den prijs,       So hy overwindt int Geloofs geblijck,       Hoort alle ghelijck,       Die Gherechtighe beswaert,       Inden Dach verclaert,       Werdt nu verdruckt, van die Werlt benijdt,       Hy sal noch triumpheren als kompt den Tijdt.              Finis. Anno. 1531.