[fol. 19v] origineel [Hoort alle die ooren hebt om hooren]  Hoort alle die ooren hebt om hooren,  Und' oogen te sien mit groot verstandt:  Wert nieuw her- [fol. 20r] origineel  boren, of ghy blijft verloren,  Sult nimmermeer komen int waerde Landt.     Ten sy dat ghy werdt nieuw van Gheeste,       Mit Christo deur vuyr unde water te treen:       Belijd u vry de minst mit die meeste,       Of ghy werdt voor Godt gheen Christen beleen.    [fol. 20v] origineel    Hoe langhe wilt ghy't onnutte beminnen,       Te vreden sijn mit ydelheyt:       Soeckt wijsheydt als goldt, ghy sult-se vinnen,       Daer die hope van't Leven verborghen leyt.     Waerom wilt ghy niet salich wesen,       Doen Godes wille unde sijn Ghebodt:       Hoe moechdy dus sot unde weerpalich wesen,       Unde hebben die Werlt veel liever dan Godt.     Scheydt u van alle die u doen dwalen,       scheydt u, seg ick, t'is meer dan tijt:       Der Heere compt om wraeck te betalen,       Die Werlt mit haren aenhangh subijt.    [fol. 21r] origineel    Waer wildy u aensicht dan verberghen,       Als ghy voor den strenghen Richter sult staen:       In Steen-spleten kruypen voor den merghen,       Want loon suldy na u wercken ontfaen.     Hierom doet boet unde ware penitency,       Mit die drye duysent weest int ghetal:       Die Petrus vermaninghe gaven credency,       Unde warden ghewasschen van sonden al.     Dit ist beginsel eens Christen leven,       Die Wech, die Waerheyt, d'Apostolische leer:       Daer moeten wy in, als daer staet gheschreven,       Of komen int Rijcke Godes nimmermeer.    [fol. 21v] origineel    Wee alle die op haer selfs wijsheydt bouwen,       Den dwalenden Gheest volghen naer:       Of op een verkeert fundament betrouwen,       Die de Waerheydt int Licht brenght openbaer.     Prins, Godes Trompetten claer van gheschallen,       Die alle de Werlt deur werden ghehoort,       Sullen Babel, Antichrists Rijck doen vallen,       Als een beest dat schielijcken steeckt die moort.              FINIS. ANNO 1532.