[fol. 22r] origineel [Die tijt van onsen Jaren]  Die tijt van onsen Jaren,  Is weynich kort unde kleyn:  Wy moeten van hier varen,  Rijck, arm alle ghemeyn: [fol. 22v] origineel    Hierom certeyn,  Wy moeten wat besuyren,  Een kleyn gheweyn,  Ten sal niet eewich duy- [fol. 23r] origineel  ren.     En laet u niet verdrieten,       Al schijnt Godts Arm swaer:       Wy sullen sijn Rijck ghenieten,       Komen in sijn glorie claer:       Want Godt is onsen Vaer,       Waerom willen wy truyren:       T'is t'leste Jaer,       Ten sal niet eewich duyren.    [fol. 23v] origineel    Waerom slaeft ghy Sot dus seere,       Unde staet op aldus vroech:       En meent ghy nimmermeere,       Te hebben goets ghenoech:       U handt is aen die ploech,       Unde siet om nader schuyren,       Daer u hert op loech,       Ten sal niet eewich duyren.     O Heer al van hier booven,       Der in den hemel sijt:       U Woordt sy niet ghelooven,       Hier inder werlt bevrijt, [fol. 24r] origineel         Mit grooter spijt,       Setten sy ons tusschen die muyren,       Een korten tijt,       Ten sal niet eewich duyren.     Prince Godt onsen Vader,       Der voor ons sorghe draecht:       Ghy sijt onsen Berader,       Wie isser der noch claecht:       Soo het u behaecht,       Hebdy ons willen puyren,       T'schijnt dat ghy ons plaecht,       Ten sal niet eewich duyren.              FINIS. Anno. 1531.