[fol. 32v] origineel

[Onse Vader in die Hemelen claer]

 Onse Vader in die Hemelen claer,
 Wy arme ellendighe


[fol. 33r] origineel

 op Aerden,
 Roepen tot u wt der herten swaer,
 Neempt onse gheroep in Waerden:
 Ghedenckt die liefde bloot,
 U ghewaerighe goetheyt ghroot,
 Die eewelijck sal duyren sonder swichten:


[fol. 33v] origineel

 
 Laet u aensicht den nederen verlichten.
 Gheheylicht unde gheeert moet sijn,
 Alleen den Name dijn:
 Wy moeten al-


[fol. 34r] origineel

 tijt Sondaers blyven,
 Laet den Gheest uwer minnen aen ons beclyven.
  
 U Rijck toekomme ons alle ghelijck,
      U Heylighen Gheest alleyn Ick meyne:
      U wil gheschie als in des Hemels Rijck,
      In deser aerden pleyne,


[fol. 34v] origineel

 
      Al en dunckt-es ons (Heer) niet goet,
      Alleenich uwen wille doet:
      Die gheschiedt oock onghelooghen,
      Maer t'is wonderlijck voor onsen ooghen.
      Gheheylicht unde gheeert moet sijn,
      Alleen den Name dijn:
      Wy moeten altijt Sondaers blyven, †  
      Laet den Gheest uwer minnen aen ons beclyven.
  
 Heer gheeft ons huyden ons daghelijcks broot,
      Wilt ons voetsel der Zielen gheven:
      Gheeft ons u Gheest, u Woort inder noot,
      Dat is ons spijs, vleysch, Gheest unde leven:
 †  Verstaet, So lange wy sonde doen.


[fol. 35r] origineel

 
      Dat bidden wy alle ghelijck,
      Al maecken wy weynich gheblijck,
      Soo is het doch ons begheeren:
      Welck ghy O Godt moet vermeeren.
      Gheheylicht unde gheeert moet sijn,
      Alleen den Name dijn:
      Wy moeten altijt Sondaers blyven,
      Laet den Gheest uwer minnen aen ons beclyven.
  
 Vergheeft onse schult, sond' unde misdaet,
      Die wy oyt hebben bedreven:
      Soo wy doen, Och Heere kompt ons te baet,
      Die ons misdoen, willen wy vergheven:


[fol. 35v] origineel

 
      Of wy verliesen den strijt,
      Daer ghy O Heere niet en sijt:
      U handt moet ons stadich bewaren,
      Wilt ons in die becoringhe sparen:
      Gheheylicht unde gheeert moet sijn,
      Alleen den Name dijn:
      Wy moeten altijt Sondaers blyven,
      Laet den Gheest uwer minnen aen ons beclyven.
  
 Heere wilt ons van't vleysch ontladen,
      Of blyven in der Werlt versopen:
      Verlost ons doch vanden quaden,
      Wy ellendighe Kinderen tot u ropen:


[fol. 36r] origineel

 
      Unde suchten inder herten eenpaer,
      Dat wy u niet en volghen naer,
      Mit die daden unde leven reyne,
      Vader neemt die wille, t'werck is kleyne:
      Gheheylicht unde gheeert moet sijn,
      Alleen den Name dijn:
      Wy moeten altijt Sondaers blyven,
      Laet den Gheest uwer minnen aen ons beclyven.
  
 Prince, lof, eer unde danckbaerheyt,
      Die ons tot sijn Kinderen heeft verkooren:
      Mit Juchen te roepen sijn wy bereydt:
      Want u is dat Rijck unde kraft int hooren:


[fol. 36v] origineel

 
      Lof Heere der ons heeft ghevrijt,
      Deur den Soon Ghebenedijt:
      Looft den Heer der Heerscharen mit namen,
      Looft hem Heerlijckin eewicheyt, Amen.
      Gheheylicht unde gheeert moet sijn,
      Alleen den Name dijn:
      Wy moeten altijt Sondaers blyven,
      Laet den Gheest uwer minnen aen ons beclyven.
  
          Anno. 1535. Finis.