[fol. 37r] origineel [Hoort alle ghy Nacomelinghen]  Hoort alle ghy Nacomelinghen,  Vanden eersten Mensch Adam:  Sijn aert quaet orbaer om singhen,  Wat deur sijn vemoghen quam:  Onsen Vader [fol. 37v] origineel  dat eerst vernam,  Waer deur hy bedroghen was:  Sijn eyghen vleysch boven hem klam,  Tooch hem van Gode geras:  So Ick las, [fol. 38r] origineel    Unde goet t'onthouden is,  So broos als eenich glas,  Op geen vleysch te betrouwen is.    [fol. 38v] origineel    Ghemaeckt was hy van Aerde,       Unde aertsch was hy ghesint:       Want kleyn hielt hy van waerde,       Dat Ghebot van Gode bemint:       Mit sienden ooghen blint,       Doende des Wyves raet:       Waer duer wy sijn gheschint,       Wt der natueren quaet:       Ja quaet,       Soo noch t'aenschouwen is,       Dus seg ick u dat ghijt verstaet,       Op gheen vleysch te betrouwen is.    [fol. 39r] origineel    Alle vleysch werdt't hoy verghelijckt,       Merckt wel aen sijn virtuyt:       Synen glansch u te haest beswijckt,       Vergaet als een ander cruyt:       Al schijntet als een Bruyt,       Schoon van buyten op te gaen,       Sijn glorie gaet schielijck wt,       Op een ander ghedaente staen:       Wilt raen,       Of het wel ghespouwen is:       Die daer op rust wert verraen,       Op gheen vleysch te betrouwen is.    [fol. 39v] origineel    Op u Naesten wilt niet verlaten,       Noch op gheen Princen betrout,       Of die in u arm slaept, wilt vaten,       Haer liefde seer haest vercout,       Die propheet verclaertet stout: +         T'is oock wel ghebleecken klaer:       Maer der op Christum bout,       En seylt Ja niet een haer.       T'is waer,       Als die syne int benauwen is,       Kompt hy hem altijt bet naer,       Op gheen vleysch te betrouwen is.

+  Mich. 7.

[fol. 40r] origineel    Soo ghy t'Beeldt van den eersten Mensche,       Hebt langhe ghedraghen bloot:       Soo doet aen den Nieuwen naer wensche,       Vanden Gheest gheboren groot:       Die daer wt des Vaders schoot,       Vanden Hooft-monde is ghvloeyt,       Een eewich Woort, dat Broot,       Vanden Hemel eewich ghegroeyt:       Besnoeyt,       Meerder dan van Vrouwen is,       Het Gheloove reyn nu bloeyt,       Op gheen vleysch te betrouwen is.    [fol. 40v] origineel    Die Prince wilt wel aenmercken,       Dattet recht in sijn verstandt:       Ongheleerden unde alle Clercken,       Mit alle Wysen int Landt,       Steeckt wt, snijdt af u handt,       Die u argert van Gode treckt,       Dat ghy daer mit niet en verbrandt,       Eewich inder Hellen leckt,       Gestreckt,       Wacht of't sal u rouwen wis,       Uwen Gheest holden bevleckt,       Op gheen vleysch te betrouwen is.              In Decemb. Anno. 1535. FINIS.