Van den Schilder Cydias.
Op desen selven tijdt is geweest Cydias een Schilder: maer en vinde zijn gheboort-plaetse niet. Hy was oock seer vermaert, bysonder van te hebben ghemaeckt een constigh stuck, waer in waren gheschildert de Argonautes. dat waren de Griecksche jonge helden, die met den Prince Iason en met t'schip Argo de vaert na Colchos deden, om te halen het gulden Vlies, daer voortijts veel gerucht van was, en verscheyden Poeten beschreven hebben, als Orpheus Apollonius, en Valerius Flaccus. Voor dese Schilderije gaf hem een Roomsch Orateur, gheheeten Hortensius, 144. Sestercen. Hy schilderde oock voor den selven Hortensio een Capelle, die hy hadde doen maken in zijn Speelhuys te Tusculo, welck huys namaels is toegecomen den vermaerden Cicero: nu ist een Clooster, daer Griecksche Monicken pleghen te woonen, en heet Grotta Ferrata: het is een seer lustighe plaetse.
vorige
