Van Nicophanes, Schilder.

Nicophanes, seyt Plinius, magh wel in de rije neffens ander Schilders wesen gestelt. Hy was seer sinlijck en seer suyver in zijn werck. Oock begaf hy hem te copieren oude constighe stucken Schilderije, om t'onderhouden de

ghedachtenissen der dinghen onsterflijck. Hy hadde eenen vierighen en snellen crachtighen gheest: daer waren weynigh Menschen, die sulcke herssenen oft sinnen hadden als hy. Eyndelijck, alle de staticheyt der Schilder-const wordt hem toegheeyghent. Dits al, dat ick van hem vinde.