Van Elotas, van Etolien, Schilder.
Niet en behoeft achter weghe te zijn ghelaten den ghenen, die tot Ardea den Tempel van Iuno schilderde: Den welcken te deser oorsaeck worde der selver Stadts Borger ghemaeckt. Daer oock t'zijnder eeren een ghedicht van vier versen oft reghelen ghemaeckt was, en ghestelt in den selven Tempel, t'welck luydde op deser voeghen:
Der plaets wel weert is dit schoon constigh werck
Van Elotas Etolier ghepresen:
Wiens eere wast eenpaer, en blijft in wesen,
Door 'sgrooten Gods beminde susters Kerck.
Dit vier reghel veers was gheschreven met oude Latijnsche letters.
