HET SLOT DES BOECX.
Hier van hebbe ick dy willen vermanen, lieve leser, op dat du de
natuere ende gheleghentheyt van dese byen soudest connen onderscheyden van de
ghemeyne honich-byen, ende niet dencken, dat sy in alle stucken over een comen,
want sy zijn in veel dingen verschillende. Maer een yegelijck die wat verstants
heeft, hal het uyt sijn eyghen selfs wel connen mercken. Daerom en willen wy dy
niet langer verdrietich wesen, ende willen desen onsen Byencorf een eynde
maken. Een yeghelijck lese het ende mercke, ende in sondcrheyt overlegghe alle
de ghetuygenissen ende allegatien, die hier soo uyt de Schrift als uyt andere
boecken byghebrocht zijn. Ick hope hy salder groote nutticheyt ende soeticheyt
uyt halen. Godt de Heere wille ons alle t'samen verlichten door sijnen
heylighen Gheest, ende beware ons voor de cracht der dwalinghen, door sijne
eeuwighe waerheyt, wijsheyt ende Sone Jesum Christum, wien alle lof, prijs ende
eerlijckheyt toecomt, met den vader, in de eeuwicheyt
* des heyligen
Gheestes. Amen.
vorige
