[p. 1] Carmen Hexametro-dimetrum Honori Doctissimi D. Petri Montani Grammaticam suam Belgicam evulgantis datum dic. dedic.  Ipse pater quondam patriae, Latiaeque loquelae       Parens, amussis, regula;  Ut ne alios colerent fundos sibi turba Quirini,       Suumque turpem spernerent;  Plurima mista suae neu dulci barbara linguae       Accepta ferrent Graeculis;  Vertendo patefecit iter. vestigia Tutti       Pressere gentes Italae;  Ac decus ad tantum surrexit Gallica, et Angla       Curâ pari jam cultior,  Spuma quidem vulgo linguae. Quas inde sequuti       De gente quidam Teutonum,  Non patriae passi penitus geniumque leporemque       Et suavitates obrui  Barbarie, faedoque situ; nullius egentem       Mendicitatisque argui.  Noster at hic cunctos superat, nitidoque nitore       Est unus instar omnium:  Dum nihil externi recipit; sed pura propinat       Ac puta nobis Belgica,  Eruit et causas linguae, lateque potentem       Expandit affluentiam.  Cumque alijs invisa, et tot sibi pressa per annos       Iam fecit usus publici,  Pluraque Teutonico zizania messuit horto,       Laudem meretur maximam.  Ergo age, quisquis adhuc patrij sermonis amator       Adulterinum respuis;  Haec, licet incurrant zoîlorum scommata forsan,       Ambabus ulnis excipe.          Ludebat Adrianus Ravesteinius,       Delpho-Batavus.