[p. 87]
[p. 88]
Sup jaise chauki
bole utan bati
sarmat kahe na
samaj men bahattar chhed
bole tanki bati
kraan lagav
bole utan bati
sarmat kahe na
samaj men bahattar chhed
bole tanki bati
kraan lagav
aja ke yad men
oise to bahut bat ave
thora chit se na utare
hamar bhag men amar hae
hamke rasta dekhave
katne aisan
bahadur ajan
mar gain apan
kam pura karke
gar nam-nisan ke
kalkatiyan ke
pasina pe
kheve aj
katnan sarnami
samaj men apan
ekar halphavo ke
kahi kono dag na
ka boli
ekar rang-dhang
ekar kam
aur bichar ke
[p. 89]
jadan men apan
purkhan ke
khusiyali hamke
apan des ke
attiyachar se maral
sukh khoje
sri ram tapu chalin
dukh kat kat ke
thikan bana lein
lar lar ke apan hak pe
jan dei dei ke
kam karte raih gain
ka... gar nam ke
ham nehru sastri
ke man kari
ka mathura chahe ramjani
u logan se
hamlog khat kamti haen
aur aj samaj
ke nam se
ek se ek sabhapati
khali nam khat
bharam men heran
chhatke das keti
dharam ke nam
sun ke
aur kam...
kahi kuchh na
aise jab
hamar purkhan
jangal men bharamte
to sap mare ke
lathi na paiten
e sahab e sahab
dekho to tanka
lakhan jahaji
behal hoi gava
ka kari
hae ram hae ram
ram ram
ka bhava
mar gava
big do pani men
sahabji...
hamra mehrarua
bemar ba
larkave khokhat baten
tani aj thora
[p. 90]
sauker chhutti
mil jat to
bahut thik bhavat
muh band kar re
thik hoi jai
thik hoi jai
vahi bhikhmangan
ke put ham bati
jangar hamar jar
karila pave khat
pave ke hae
khay khat
baki hamar na chhin
hamar na lut
av ab samna kar
sare daliddar
desi videsi thagar
ham taiyar bati
mathura ke yad men
kareke apan
des-bhes
man-jan
kar-bar
hak-hur
aur dan-pan
ke satkar
