Johan Radermacher (de Oude), Album Joannis Rotarii (Johan Radermacher)

bron: Album Joannis Rotarii (Johan Radermacher). (handschrift 2465 van de Centrale Bibliotheek van de Rijksuniversiteit te Gent.)

DBNL vignet



[fol. 62r] origineel
[20. Johannes Vivianus, Gedicht op de dood van zijn zoontje.aant.] IOANNES VIVIANUS in obitum filioliquinquennis [Links:] O Alme Deus, ó numinis Potentiâ haud effabili, 5 Non satior unquam te prece, Gemitúque grates plurimo Fundens, anhelans te alloqui. Nam seu benignam dexteram Quam sentio saepissimè; 10 Extendis: hâc sive in sinum Velut reductâ corripis, Quod saepiusque sentio; Agnosco providentiâ Condîtum amorem. utrunque mî 15 Immensum: et haud effabilem. Sic mî benignè hunc flosculum Dederasque prolis, sed frui Languente tantum ut flosculo Mî providusque hoc gaudii 20 Moerore multo temperans, Alia volens spectarier, Aeterna, vera, quae prior [Rechts:] 1 Animula dulcis possides, Animula pars nostri tenes. Quantula voluptas, quae hîc capi Quantulave rebus gloria 5 Surgit caducis! omnia Volvas, revolvas, quid nisi Orientia, occidentia Ambigua laeta tristium? Mens ubi quiescis? hîc nihil 10 Genî tui, vel indolis. Sed praeter hoc unum, chori Pars esse delecti Deo, Chori qui imago est illius Qui vivit aeternum Deo, 15 Cui qui omnia est, est omnia, Ast hîc rudimentum, imbui Amore, amore assurgere, Moveri ab alto spiritu, Haurire ab imo spiritu 20 Alloquia vitae, unà dapem Fruique, vitam quae novam Vitam ad perennem coelitum Magis magisque permovet.
[fol. 62v] origineel
[blanco]