dbnl · digitale bibliotheek voor de Nederlandse letteren

pas lettergrootte aan

DBNL

Album Joannis Rotarii (Johan Radermacher)

auteur: Johan Radermacher (de Oude)

bron: Album Joannis Rotarii (Johan Radermacher). (handschrift 2465 van de Centrale Bibliotheek van de Rijksuniversiteit te Gent.)

doorzoek de hele tekst

© 2002 dbnl / K. Bostoen, C.A. Binnerts-Kluyver, C.J.E.J. Hattink en A.M. van Lynden-de Bruïne

DBNL vignet



[fol. 106r] origineel
[64. Johannes Lampadius, Gedicht op Frederik IV van de Palts, 1598]. SERENISSIMO DOMINO DNO FRIDERICO .IV. Electori Palatino Reni Bavariae Duci etc: Cùm Heidelbergam rediturus ex superiori Palatinatu Mosbacum diverteretur, Domino suo Clementisso gratulantur SEPTEMVIR inter conspicuos Duces Tuisconis orae praecipuum decus, Qui Noricos acreis paterno 10 Imperio FRIDERICE flectis. Boios Sudetum qui regis ad nemus Virtute avita splendidus: an tuam Tandem revisurus Budorin Fers toties reditum expetitum? 15 Ecquô tuorum priscus amor diu Menti recessit? nec Nemetum aut Nicri Nec vangionum aut vorticosi Cura momordit amica Reni? Non otiosi munera Liberi 20 Vulgi esca; Sed te Relligio Iovae Lynge grata compedîtum Detinuit, Dei amore captum. Quacunque prodis Relligio latus Stipat sacratum, ne metuas mali 25 Ditis cohorteis, nec catervas Centimanûm rabidas Gigantum. O grate caelo, terribilis Stygi Qui veritatis causam agis. An Deus Causa hac relictâ, veritatis 30 Destituisse potest patronum? Quin Dux triumphas, de Eutyche et omnium Lernâ malorum papicola grege: Te stante, verum atque aurea aetas Stabit et addita turba vero.
[fol. 106v] origineel
1 Nè pulsa fastu tergeminae ferae Det terga virtus, mentem adhibe Dei Veracis oraclo vetusto Ex superis adytis relato. 5 Fundatam in altis montibus altior Ardet Sionem Christus et omnia Supra tabernacla ac cohortes Isacidûm numerosiores. His cedat orbis gloria montibus 10 Ad hos cacumen pyramidum nihil Memphiticarum, aut moenia igni Cocta Semiramidis superbae. Fallor? Pharusne huc accelerat viam? Morisne ruptis huc Babylonia 15 Gestis iuventus, huc Palaestini Et Tyrii properant coloni? Ambustus atris solibus Aethiops Hanc patriam, omnesque orbicolae appetunt Quos Amphitryte cunque circùm 20 Oceanum rotat aestuosum. Quid? Gaditano quod procul â freto Hic ille Christo deditus advolans Natalibus se Christianis Esse satum meritò triumphat. 25 Dabunt Jehovae nomina, et haec Deus Inscribet astris, nulla dies eos Delebit aut obliterandos Ferre dabit Zephyris protervis. Gratamur ergo de reditu tibi 30 Heros, tuo quod praesidio Deum Q*uâ mente quêis sese invocari Ritibus ipse iubet, colamus
[fol. 107r] origineel
1 Dux perge tantùm, quod facis, et Domum Summi Tonantis constabili et Deus Voto tuo lenis vicissim Annuet et dabit astra coeli. 5 T.S. addictissimi Autore Johanne Lampadio Ministro Ecclesiae Mosbacensis ministri
[fol. 107v] origineel
Carmen oblatum Illustrissimi Principi Electori Palatino a Ministris Mosbacensibus Mihi donavit Gotfridus Ratlo Matthiae Limburgensis quondam secretarii Aquensis filius, nunc rector paedagogii Mosbacensis die 4 iunii 1598	*[In margine:] Psalmi, 87.