Album Joannis Rotarii (Johan Radermacher) · dbnl

DBNL

Album Joannis Rotarii (Johan Radermacher)

auteur: Johan Radermacher (de Oude)

bron: Album Joannis Rotarii (Johan Radermacher). (handschrift 2465 van de Centrale Bibliotheek van de Rijksuniversiteit te Gent.)

doorzoek de hele tekst

© 2002 dbnl / K. Bostoen, C.A. Binnerts-Kluyver, C.J.E.J. Hattink en A.M. van Lynden-de Bruïne

DBNL vignet



[fol. 109r] origineel
[66. Joannes Arcerius, Lijkdicht op Johannes Radermacher voor Samuel Radermacher.] Honestissimi, doctissimi, piique viri JOANNIS RADEMAKERI memoriae ad SAMUELEM RADEMAKERUM Filium ipsius. EPICEDIUM Naturale pii mortem deflere parentis Est filiis sui piis. Ex στοργη lachrymaeque fluunt, et tristia verba 10 Ob triste funus prodeunt. Sed procul exequiis illius abesse profanum Lessum, atque Naeniam decet. Nam pius excedens mundo manet ecce superstes Post fata vitae lubricae 15 Ergo pium pietatis opus deflere parentis Obitum tui charissimi. Fletibus indulgere nimis non convenit illi, Qui credit in CHRISTUM pie. Nam fruitur gaudens haec inferiora relinquens 20 Anima illius caelestibus. Quare age pone modum lachrymis, finemque dolori Iubet fides, Parensque vult. Namque hic Nestoreos annos, aetate senili Vitamque perduxit pie. 25 Ingenio excoluit doctas raro ille Camaenas Inter scientes eminens. Artibus ingenuis non infaeliciter ipse Imbutus excelluit senex Qui doctos magno est dignatus honore superstes 30 Honore dignus maximo. Adde quod est rarum in mundo pietatis amore Flagrans pie vixit pius. Mercatorque diu inter eos, quos fama probavit Honesta iustus exstitit. 35 Mercurii tandem contentus sorte reliquit Sua studia, et curas graves
[fol. 109v] origineel
1 Ut reliquum quod erat vitae CHRISTO, atque camaenis Impenderet quietior. Imo gregi posset CHRISTI inservire fideli Commodius donis suis. 5 Plurima perpessus, patriam relliquit ob eius Nomen suam et sua omnia. Tandem ubi Nestoreos senio compleverat annos Raro satur vitae senex Viribus exhaustis illius debile corpus, 10 Nec non senile concidit Qui moritur, reddens animam CHRISTO immortalem Pius pie in DEO parens. Vitam, quam speravit, habet nunc mortuus illam Fruiturque caeli gaudio. 15 Cuius vita potest vivis existere vivum Exemplar in vita omnibus Cuius mors pia sit morituris omnibus opto Piis pium spectaculum. Vos RADERMAKERI gaudentes nomine vestri 20 Patris referte imaginem. Quorum etiam natos, et qui nascentur ab illis Sequi decet vestigia. Illius in vita vitam, moresque sequendo Humiles, et exprimant fidem. 25 Ut retinere sibi possint sic nomen honestum Famae optimae, et puram fidem. In CHRISTO tandem vitam finire caducam Possint fideles unico. Ad serosque bonae transmigret adorea famae 30 Post fata eorum posteros. In caelisque frui caelestis gaudii honore et Possint coronae altissimo. Non poterit melius mortem quis flere parentis Vestri pia memoria. 35 Quam meminisse eius virtutum queis fuit ille Ornatus inter plurimos
[fol. 110r] origineel
1 Nec non illius pietatem pone sequendo Fidemque CHRISTO praestitam. Non solum in caelis semper victurus ob illud Inter beatos caelites 5 Ast etiam in terris illius fama superstes Apud suos et posteros.