Johan Radermacher (de Oude), Album Joannis Rotarii (Johan Radermacher)

bron: Album Joannis Rotarii (Johan Radermacher). (handschrift 2465 van de Centrale Bibliotheek van de Rijksuniversiteit te Gent.)

DBNL vignet

[fol. 134r] origineel

	Au Roy
Prv: 29.a, 22b	Le Roy maintient les pays par jugement dechasse le mocqueur, et la noise cessera et sappaisera la querelle et vitupere

	A la Gouvernante
Prv: 4.d.	La magnificence du Roy est en beaucoup de peuple mais quant le peuple fault cest la ruine du prince

Prv: 29.b	Le Prince qui entendt a la parolle mensongiere ses ministres sont meschants.
Prv: 25.a	Oste le meschant de devant le Roy et son siege sera affermi par Justice.

	Au Cardinal de Grandvelle
Prv: 19.b	Les delices ne convienent au fol, combien moings au serviteur de dominer sur les provinces
Prv: 6.b	Dieu hayt ces six choses, et la septiesme son ame a en abomination a scavoir les yeulx haultains, la faulse langue, les mains qui respandent le sang innocent, le coeur machinant mauvaises entreprinses, les pieds soy hastans pour courrir au mal le faulx tesmoing qui profere mensonges, et cellui qui met debat entre les freres.

	A labbe de Savernie
Prv: 26.b	Sy tu vois l homme qui cuyde estre sage, espere plustost du fol que de lui.

	Au President Viglius
Prv: 14.d	Le plaisir du Roy est au serviteur prudent mais son courroux sera contre cellui qui est confusible et infame
	Au Conseiller Hopperus
Prv: 1,b	Mon filz, si les pescheurs te veullent attrayre, ny va point ne chemine point en la voye avecque eux Retire ton pied de leurs sentiers car leurs pieds coeurent pres le mal et se hastent pour respandre sang.

[fol. .134v] origineel

	Aux noveaux Evesques
Prv: 1., Prv: 9	Jusques a quant O filz aymerez vous la sottye Et les mocqueurs appeleront mocquerie Et les fols correction Je me riray de vostre perdition Je me mocqueray quant vostre frayeur surviendra, quant vostre paour comme la calamite adviendra Et vostre perdition comme la tempeste sera prochaine, quant sur vous viendra tourment et angoises

	A la ligue Cardinalisticque
Prv: 21,d	Il ny a sagesse ny prudence ny conseilt contre le seigneur Quelque confederation quil y ayt le malin ne sera point exempt
Prv: 11,e	Mais la semence du juste sera delivree.

	Au Duc Darschot
Prv: 22.d	Ne taccompagne pas avec lhomme ireux et ne va point avec lhomme furieux affin que tu napprennes ses conditions et que tu ne recommande ruine a ton ame

	Au Marquis de Renty
Prv: 13,d	Tu ne t entremesleras poinct avec cellui qui flatte de ses levres Qui converse avec les sages il deviendra sage Mais le compagnon des folz sera afflige.

	A la Duchesse Douayriere darschot
Prv: 24.c Prv: 1,d	Ne prens envie de suyvre les meschants car la fin ne sera pas bonne Ils maingeront du fruict de leurs voyes et seront saoulez de leurs conseilz

	Au Conte Daremberghe
Prv: 2.c	Nentre point aux sentiers des meschants et ne marche point en la voye des malings Ains decline toy d icelle et passe oultre car ils maingent le pain de meschancete et boivent le vin de violence

	Au Seigneur de Berlaymont
Prv: 28.a	Celluy qui destourne en mauvaise voye, ceulx qui cheminent droict il tombera en sa propre fosse

[fol. .135r] origineel

	Au Seigneur de Hachicourt
Prv: 24.c	Cellui qui dict un meschant tu est juste Le peuple le mauldict et les gens lauront en detestation

	Au conseiller dAssoinleville
Prv: 25.d	Sy tu as faict follement quant tu as este esleve mets la main a la bouche

	Au Tresorier Schetz
Prv: 20.a	Cest gloire a lhomme de se deporter de noise mais le fol sentremesle

	Au secretaire vander Aa
Prv: 26.d	Par faulte de boix le feu sestainct ainsy sans rapporteur la noise sappaisera

	A la fin du menees du Cardinal
Prv: 10.c	Ce que le meschant craint lui aviendra

	Aux Estatz de Brabant
Prv: 11.d, Prv: 24.b	Cellui qui prouve le bien acquiert faveur delivre ceux qui sont tire a la mort et ceulx qui declinent a loccision Sy tu y peulx donner empeschement

	Au Chancellier de brabant
Prv: 31.a	Oeuvre ta bouche et deffen la cause de lafflige et du povre

	Aux Pensionaires des Estats
Prv: 31.a	Oeuvre ta bouche pour le muet a la cause de tous les enfans de quelque part que ce soit

	Aux bon Crestiens
Prv: 3.a	Confie toy au Seigneur de tout ton coeur et icellui dressera tes sentiers

	Au Lecteur
Prv: 28.a	Les mauvais hommes nentendent poinct ce jugement mais ceux qui cerchent le Seigneur entendent toutes choses

Finis 1563.

[fol. 135v] origineel

Sentences de Salomon adressees a divers princes