|
|
|
| | | | | |
[92. Anoniem, Requiem over de dood van de Hertog van Guise,
1563.]
Le Requiem de leglise chrestienne en fraunce sur lamort de
guise
O dieu en qui seul gist toute notre esperance
Aye compassion des fidelles de fraunce,
Donne nous maulgre ceux qui veulent aleur guise
5
Mettre ce jeune Roy et son peuple en chemise
Nous scavons bien (seigneur) que des saccagementz,
Blasphemes contre toy et des ravissementz,
La vengeance seras: ta parolle est certaine
10
Et point neviteront tes ennemis la peine,
Regarde il en est temps en ta misericorde
Acheve de coupper des ces meschans la corde
Permission que soit dun los perpetuel
15
Entre les desireux ton nom fait solemnel,
Et si tes verges sont encores desployees,
Plus ne soyent contre nous desormais employees
Le mal viendroit a point aux triumviriens
20
Au rebelles de christ, aux imagineens
En profond de noz cueurs au fons de tous ennuitz
Nous tavons adresse nos clameurs jours et nuitz
Fay cognoistre combien est ferme le secours
25
Que tu donnes a ceulx qui vers toy ont recours
Combien que nous soyons des pervers aguettez
En tes sainctz mandementz nous sommes arrestez
Et ny aura tyrant qui par tourment aulcun
30
Nous face de tes loix changer seulement un
Nous peres ont vescu en tenebris obscures
Pourtant avons nous en calamitez sidures:
Mais nous serons soudain de la nuict retirez,
35
Quant de ta grand bonte nous aura esclairez
O dieu delivre nous de la race faulsaire
Qui est [-en] a ton cher filz et nostre roy contraire
Et que de ci bienfaict en tous lieux la memoire
40
Soit entre les humains, et a toy seigneur gloire,
| | | |
1
Et fay que cy apres tout lunivers on voye
Se redresser a toy par la plus seure voye
Et soit es champs desertz soit en bourg soit en ville
Le clair et beau soleil de ton vraye evangile
Lors sans cesse les tiens seigneur te beniront
Quant par arres joyr icy bas se verront
Du bien qu as prepare lassus a tes amis
Selon qu en ta parolle est seurement promis
[Dwars:]
Requiem sur la mort du
ducque de Guise.
|
|
|
vorige
