[p. 25]
Anjāli (1964)
Voor mijn ouders
[p. 26]
Sankrānti+
Is navin yug ke kshitij par
likhtā hun
guptā vachan
surya ke chehre par
chānd ke parvat par
ākāsh ki khirkiyon men.
Anugrihit
kamisht hriday se
urvarā kā karshak hun.
Varshā ko bāndhungā;
dil ke desh ko jotungā
chintit bhāv se pālungā.
Anudin main
aksharashah
sanchit vachan ko
antarbodh ke vichār se
sajiv aur sachesht
ahlād-bij sā
man-shravan-smaran ke
khet men bovungā.
Barsāt aur surya ke dinon men
jar pakaregā.
barhegā
pallavit hogā.
Shabd vachan,
vachan ek mukh hogā.
Upvarn avāj karegā
[p. 28]
divya bhāshā meri
anupam bijli si
jo dilmahal men vāsti.
Aj main hun gulām
kinkar hun tumhārā.
Dardantarvarti-nayan kyon?
Astinkā sānp ke liye?
Timiri rāt men
Pindāri ke liye?
Dekho, kharā hun santat
sanskriti-himmati singh sā
aur kāvya men tayyār hun.
Talvār meri hai bhāv.
Hathiyār merā hai ras
bhavsthāyi aur sanchāri.
Avishkār karun nayi mātrā+
naya pingal aur naya chhand
badlā rahit
chintā sahit.
Karshak hun
Kinkar hun
par amatt hun
aur pāgal nahin
agehi nahin.
Paitrik hai kavi tumhārā!
Is navin yug ke kshitij par
adrohi hāth se likhtā hun
[p. 30]
rituprāpt yug men.
Yadyapi patal vachan
mere desh ke akshitaron men
samaye hue hain.
