EEN ANDER REFEREYN II God weet wie die geen is daer ic om lye    +  Mijn moit myn bloit is my ontsoncken  Myn iuecht myn vruecht heeft my begeuen  Mijn oghen betoghen myn herte ontsoncken  Mijn macht myn cracht is my ontdreuen 5  Mijn sinnen in minnen soe iammerlijc sneuen  Myn oren die horen van v als niet  Mijn wesen mits desen doer v moet beuen  Myn leden ontgleden noijt dus misschiet  Myn seenen versteenen doert swaer verdriet 10  Myn handen myn tanden hebben ghenen macht  Myn bloyen myn groijen ghy my verbiet  Myn gaen myn staen myn benen versmacht	+  Fol. 13 (ii)
[p. 11]    Myn haren by paren ontuallen mij vrije  Myn suchten myn duchten hebbent lichaem vercracht 15  God weet wie die geen is daer ic om lye     Hoe gae ic hoe stae ic in druc en verdwyne  Hoe raep ic hoe scraep ic tlyf vol dolueren  Hoe steen ic hoe ween ic om bi v te syne  Hoe waec ic hoe braec ic bouen natueren 20  Hoe out bin ic hoe crom ic achter ende vueren  Hoe magher als een iagher die niet en rust  Hoe vlitich hoe hittich hout ghi mi int labueren  Hoe strac hoe mack dat my niet en lust  Hoe veys ic hoe peys ic om te werden geblust 25  Hoe roep ic hoe hoep ic om te werden genesen    +  Hoe mach myn geclach aldus werden versust  Hoe wen ic hoe ben ic van v lief gepresen  Hoe spaerlic hoe caerlic coemt vruecht geresen  Hoe leef ic hoe beef ic selden bin ic blye 30  Hoe ghescent hoe verblent bin ic sonder vresen  God weet wie die geen is daer ict om lije     Noijt herte in smerte soe seer ghequelt  Noijt lief in grief was soe gheuaen  Noyt graue van haue soe neder ghestelt 35  Noyt lant noch sant soe seer vergaen  35    Noyt cranckerer iancker bescheen son noch maen  Noyt minre verwinre en wist myn leuen  Noyt hout soe verout int bosch men vant staen  Noyt clerc sulc werc en vant bescreuen 40  Noyt surgyn medecyn my en conste gheuen  Noyt prelaet aduocaet my en wiste te raden  Noyt auentuer soe suer men macht beseuen  Noyt last soe vast sonder tonladen  Noyt ioechden in vruechden sulcken pat intraden 45  Noyt vrou soe trou en quam ic by  Noyt goede my verboden die minne te versmaden  God wet wie die gheen is daer ict om ly	+  Fol. 13v (iiv)  35  de r van vergaen boven het woord bijgevoegd.
[p. 12]                   Prinche     Prinche beghintse my geen troost te geuen  Paytse verdryftse my niet ter stont 50  Pynlic verdwynlic moet ic leuen  Pachtende verwachtende te syn ghewont    +  Pacienci penitenci doet my oircont  Principalick ongenalic heeft sy my doerscoten  Pretenderende begerende haren roder mont 55  Puerlic natuerlic hout sy mij besloten  Pena venenosa heb ic ghenoten  Propterea miseria staet my by  Pairt ons vergaert mitte musyck begoten  God weet wye die geen is daer ict om ly	+  Fol. 14 (iii)