REFEREYN III Ick loich ic en conste my niet bedwinghen  EEn haenken alte frischen crayere  Dat synen tyt wel hielt ende sanc den dach  Ic meen int lant en was geen frayere  Diemen daer by gheliken mach 5  Dat quam eens dairt die mater sach  In een susterhuys ende vlooch op die hinne  Die susterkens hoerden den veder slach  Sy riepen iesus iesus wel lieue minne  Wilt ophouwen sprac sy van desen beghinne 10  Want ghy ontsuuert ons geestelic conuent  Tscheen dat die mater quam wt haren sinne  Om dat hi daer op ssat als een ghent  Sy dochten dat hy tconuent hadde gescent  Doen hoordicse veni creator singhen 15  Ic loych ic en conste my niet bedwinghen [p. 13]    Die mater als die opperste vanden tempele    +  Sprac siet doch hier wat sals gheschien  Dits voer myn susteren een quaet exempele  Die dese onghesticheyt hebben ghesien 20  Ic duchte dat si becoirt sellen worden mits dien  My en lust drincken noch te eten  Si riepen alle mater laet hem dit hof verbien  By ghehoersaemheyt twaer quaet vergheten  Thaenken wordt geuanghen ende seer gesmeten 25  Twort ghescouwen om den ouerlast  Sy dreychdent dat syt souden speten  Waer dat hyt meer dede die onsuuer gast  Hy stont ende swech als een hont die bast  Int laetste lieten sij thaenken springhen 30  Ic loich ende ic en conste mij niet bedwinghe     Die mater ghinc haer op dit stick beraden  Om te horen elc syn vermaen  Sy grepen alle scuppen ende spaden  Ende wouden daerde op grauen gaen 35  Sy seyden ten mocht alsoe niet staen  Oec liepen sy om een pipegale  Donsuuer aerde woert daer wech ghedaen  Drie voeten ront al omme te male  Deen croyt te berghe dander te dale  39   40  Want daer vol werc was god weet  Ic segghe wat vintmen menich rale    +  Die een cleyn sake maken herde breet  Die mater stont roepende ende creet  Ende si ghinc droeflick haer handen wringhen 45  Ic loijch ic ende conste mij niet bedwingen                    Prince     Prinche dat henneken quam in groten node  46    Om dattet geleden had die violencie

+  Fol. 14v (iiiv)  39  dale verbeterd uit dade  +  Fol. 15 (iiii)  46  henneken verbeterd uit haenken

[p. 14]    Twaert gesedt te water ende te brode  In een doncker kerckere was haer sentencie 50  Daer dedese xl daghen penitencie  Om dat syt sonder cryten liet gehinghen  Ic leet verby ende dede reuerencie  Ic loich ende ic en conste my niet bedwinghen