ALIUD IV Het is een goet scutter diet al gheraect  EEn voetbooch scutter slap int gereck  Ende qualick gestelt liep sonder toeuen  Tot eenre vrouwen ende claechde syn gebreck  Segghende hi soude haer bystant behoeuen 5  Dat is dat hi een scoet of twe mocht proeuen  Opten doil die voer onder stont  Het vrouken sprack god wil v bedroeuen  Soudi daer om bidden dats my een vont  Proeft dick genoech sydi anders speels cont 10  Mer hout den doil vast wat ghi doet  Schiet niet besyden ic segt v goet ront    +  Men soude v scelden ic bens wel vroet  Stelt v naden rinck dat dunckt my goet  Ghi wint den prys ist dat ghi die pinne genaect 15  Ende of ic eens misse sprack hy erm bloet  Sout ghy my begripen om enen voet  Het is een goet scutter diet al gheraect     Hi spien vrolicken ende liet hem den coker houwen  Hy leyde in mer syn pyl was veel te cleene 20  Si meende hem den steec te gaen wysen in trouwen  Mer tquammer al qualic tslot ginc alleene  Hi scoot buten doil ten docht haer niet reene	+  Fol. 15v (ivv)
[p. 15]    Si wort gram ende stoorden haer bouen maten  Tis recht sprac tvrouken dat ic v verbeene 25  Soe veel te cort te scieten soudic haten  Beyt vrouken sprac die scutter wilt v saten  Ic salt saen beteren soe ic wane  Hi weder scoot mer luttel tot synre baten  Twas sleeps dus bestont si scimp tontfane 30  Nu raect my sprac sy tisser nau ane  Schiet bat of ghi woert hier confuys gemaect  Beit vrouken sprac die scutter hoert my vermane  Tes selden daer en pleech yemant wel mis te gane  Het is een goet scutter diet al geraect    35  Hi spien noch eens doen riep sy ou maetken    +  Keert v om leert hier die maniere  Als ghi den pyl treckt soe stopt dat gaetken  Soe en ist gheen noot datmen v calengiere  Wel vrouken sprac die scutter hoe dat ic my tiere 40  Ic sal my van sulcken fouten scuwen  Hy stelde hem soot bleec om te scieten sciere  Staet vast riep hi elc mochter af gruwen  Mer lacen hi en constet niet of geduwen  Hi bleef daer staen tslot hiel te vaste 45  Al haddi den doel mit oghen aenscuwen  Ten baten niet wat hi duden of taste  Vertrect seydsi blou scutter ghi maect mi tonraste  Ghi en syt niet doiluast wat batet gehaect  Beyt vrouken sprac hi legt mij niet te laste 50  Al wast dat ickes niet en paste  Het is een goet scutter diet al gheraect                    Prinche     Tusschen hem beyden is grote twist geresen  Om tort dat hi dede eer hi ghinck  Hy scoot achternae mit die loeghepeese 50  Dat speet haer meer dan enich dinck  Sciet ghi mitter loghepeesen naden rinck	+  Fol. 16 (v)
[p. 16]    Sprac tvrouken snoy vuyl kalant  Van alle scutters die ic oyt vinck  53    En quammer noyt gheen aen mynen cant 55  Sy nam synen coker in haer hant  Si deden onder haer slippen poten    +  Vertrect seydsi blou scutter ic heb verstant  Ghi moecht wel elders om proeuen coten  Want ghi hebt uwen besten pyl verscoten 60  V booch is crepel ende v windaes craect  V pyl is verteent si valt wter noeten  Dus seg ict diet lang heeft verdroten  Het is een goet scutter diet al gheraect	53  de v van vinck verbeterd uit een onvolmaakte w  +  Fol. 16v (vv)