REFEREIJN X  +  Ic draghe liefde doer Venus camerierkens  O venus motyf van veel mutacien  godinne der minnen vulcanus getroude  V vader saturnus vol van fallacien  v kint cupido die noyt licht en scoude 5  Als cupido der lieften strael wt stoude  blies haest vulcanus der minnen vier  Twelc ghi o venus rasch als die boude  in v dienaers ontfoncte nu daer nu hier  Saturnus daer nae valsch van manier 10  doer druc dede dicwil dwalen die dierkens  Al claghende ic oec segghe myn dangier  ic draghe liefde op venus camerierkens	+  Fol. 23v (xiiv)
[p. 28]    Haer vrindelick woerdekens haer solaceringhe  haer blyde gelaet haer raechdelijck leuen 15  Haer ionstich bywesen soet van hanteringhe  haer eerbaer woerdekens heb ic beseuen  Sy houden my herte hem soe vast beneuen  vesta diana syn nu vergheten  Haer wet is al wt my verdreuen 20  vlcanus vier dat heuet verbeten  Des stralen snelheyt wie canse weten  vriendelyc quetsende nae haer manierkens  Des lyde ic al soudicker om suchten ende beuen  23    ic draghe liefde op venus camerierkens    25  Wie soude versmaden die gulden vlechtkens    +  die blinckende bruyn oochskens die wanghekens root  die noeskens te maten ende oec seer rechtkens  die lipkens synde als robijnen genoot  die halskens gedraijt verstatet bloot 30  wit als yuorien reijn sonder vlecken  die borstkens ront elc als een cloot  die sy mit syden doixkens decken  Haer ledekens voert tot allen plecken  soe wel volmaect ay god hoe fierkens 35  Ic en machs mynre herten niet langer ontrecken  ic draghe liefde op venus camerierkens                    Prinche     Het oghe mint teerste beuaten  daer nae die sinnen ten laetsten taerte  Vast hebbende sy en connens niet licht gelaten 40  dus lyden sy by tyden grote smarte  Die ghescreuen syn in venus carte  geheyten der minnen souwenierkens  Tvier der minnen leijt mij inden starte  om dat ic drage liefde op venus camerierkens	23  de c van suchten verb. uit s  +  Fol. 24 (xiii)