[p. 29] REFERIJN XI Dat ick doert sceyden ly verdriet  O venus vrou ic geef v te kinnen  den last die ic doer v moet lyen  Tis al onstelt myn hert mijn sinnen  en nochtans moet ic mij vermijen 5    +  Ende houwen my ghelyc die hem verblijen  op dat des niemant en werdt ghewaer  Natuer ende reden die moeten strijen  of anders het ghinc my veel te naer  O venus uwe last is my te swaer 10  dus bid ic v dat ghyt aensiet  dat ic doer tsceijden lij verdriet     Och god had gyt soe willen vueghen  dat sy te samen waren ghebleuen  Twe die malcanderen wel ghenueghen 15  soe waer den druc van my verdreuen  Mer neen dus bin ic in ghescreuen  16    mit hen die altoos syn in trueren  Ende lyden is mijn eyghen bleuen  en anders en sal my niet gebueren 20  Dat boick van vruechden wil ic scueren  ende nemen in danck hoe dat gheschiet  dat ic doer tsceyden ly verdriet     Och oghen weent ghi hebt wel reen  want ghi moet deruen dat ghi mint 25  O hert wie brect den bant ontween  daer ghi dus me ghebonden bint  Ey lacen niemant en achtes twint  ende wetes claghen man noch wyf	+  Fol. 24v (xiiiv)  16  hierna is de volg. r. doorgehaald: ende lyden is myn eyghen bleuen (cf. r. 18)
[p. 30]      +  O hert want ghi gheen troost en vint 30  dus maect v claghens een geblijf  Nochtans soe ist my ongheryf  dat ict moet helen ende claghen niet  dat ic doer tsceyden ly verdriet                    Prinche     Neemt in dancke ende hout verdult 35  peijnsende sghelycks is meer gheschiet  Misschien hoe dat ghyt hebt verscult  waerom dat venus v ghebiet  dat ghi doer tsceyden lydt verdriet	+  Fol. 25 (xiiii)