REFEREYNE XII Hoe mochtse dat in haer herte ghevinden  EEn vrouken op haer eerken tachtere  diet van tienen van vieren stelden seer groene  Draghende dicwil haere voerscoot achtere  als sy een vurken wercks ha te doene 5  Dese belasic mit enen sermoene  5    mer duchtende te sitten op hughe banc  Sy hiet my nae comen omtrent die noene  om dat ic den wyn soe minlic scanck  Mer lacen sij ginc voer my al manck 10  ende liet my den budel te deghe ontbinden  Dat wissy te doene eer yet lanck  wel wetende waer haer scoijnken dwanck  hoe mochtse dat in haer herte ghevinden	5  belasic verb. uit besasic
[p. 31]      +  Ic word soe bemuft opt aerdich quixken 15  datic nau doer noch veynster en sach  Voer een groete gaf sy mij een knixken  dan vergat ick al my swaer gheclach  Sij beloofde my den ridder slach  ia ridder tsijne voer allen saken 20  En hielt ick haer roote menighen dach  sy sou my heere van bijsteruelt maken  Sy leerde my den wech hoe ic sou gheraken  ter platter bursen ic liet mij verblinden  Sy blies nerstelyck mitten caken 25  en dede mij in venus boixken blaken  Hoe moechtse dat in haer herte versinnen     Gheen lopen gheen drauen mocht my verdrieten  all wasse absent ic moeste thuys aensien  28    Sy leerden my propelyc nae tmesken schieten 30  myn pannen worden duijs aes mit dien  Si sprac boilken en scrict voer gheen mischien  ghi selt noch tuijtkercken tappen roij  Daer die ermeiax versamen by tween bi drien  sondach vridach gaen al euen moij 35  Legt op die borse v faelgeert de quoy  35    hoe luttel wistic waer sy my wou sinden  Ick en hielt gheen quaet gelt permafoy  watse my seyde twas al hoy    +  Hoe mochtse dat in haer herte versinnen                    Prinche    40  Myn herte clopt als hamerkens  dat sy my dus seynde int vergrusen  Ic droech in myn tassche veel ydel camerkens  doen wast bot wt roilken ghi moet verhusen  Op een ghewyde plaetse in kercken in clusen	+  Fol. 25v (xiiiiv)  28  all verb. uit als  35  de boven doorgehaalde die  +  Fol. 26 (xv)
[p. 32]   45  begaf ic my wt goede ghesellen  Oec liep ic in die cleyn straetkens musen  46    botermelc drincken mitter ellen  Oec noetkens craken boomkens tellen  twe straten voer een maeltyt was myn bewinde 50  Myn clinkaerts en wilden niet meer bellen  ic was teynden walsch doer dit bestellen  hoe mochtse dat in haer herte ghevinden	46  de p van liep verb. uit f