[p. 35] REFEREYN XV Hoe mach lief doer liefde soe gerne lief doen  Twe ghelyke natueren in een vereent  in eerlike liefde hem elck vercleent  Wie soude die ghenuecht daer of bescriuen  ghetrouwe reyn liefde woert dan ghemeent 5  In vyftich iaren niet eens ghebeent  dan elcken grondelijken eer te bewysen  Fredericus die machmen wel hoghe prijsen  die syn valcke dode doer reijn amoruesheden  8    Elijsen reijn liefde bij goeder auijsen 10  dede des conincks herte veriolysen  elck creech doer reijn liefde groten vrede  Sabina die doer vriendelijke bede  haer liefste en sy bleuen van herten coen  Elc van desen ghetrouwicheyt dede 15  dus vraechic eenen yeghelick telcken stede  hoe mach lief doer liefde soe gerne lief doen       +  Daer trouwe reyn liefde is daer moetse wercken  stantuastighe liefde die sinnen meest stercken  Warachtighe liefde is een grote vruecht 20  gheduerighe reyn liefde wilt die wel mercken  sy verdryft soe menighe duijster swercken  tleuen daer in is een bloyende iuecht  Reyn troostelike woerden den sin verhuecht  als woerden mitten wercken versamen 25  By twerck der liefden een grote duecht  volghet wel dat hem elc in reyn liefde vuecht  die iubilacie en mach niemant ramen  Tsyn al vyleyns die reyn liefde blamen  die getrouwe ende reyn syn moghen dat beuroen 30  Synse wys of edel hoe hoghe van namen  noch vermaen ic die reghel nae betamen  hoe mach lief doer liefde soe gerne lief doen	8  reijn boven den regel bijgeschreven.  +  Fol. 28 (xvij)
[p. 36]    Griselidis ende soe menich historie  Die reyn liefden hielden in memorie 35  hebben ter doot toe reyn liefde bekent  Op derde en is gheen meerder glorie  dan liefde die reyn blyft als ijuorie  wel hem die reyn liefde eerlyck ent  38    Hy heeft goede sinnen dier hem toe went 40  wats beter dan duecht als coomt die doot  Die eerbaer reyn liefde int herte prent  der sonden in liefde geeft gheen consent    +  doer reyn liefde vercrijchtmen abrahams scoot  God verlichtse in gracien sonder wederstoot 45  die reyn liefde volherden god salse voen  Dier hem toe gheuen tsy cleyn of groot  noch segick doer tlieue mondeken root  hoe mach lief doer liefde soe gerne lief doen                    Prinche     Ick bid v princesse neemt danckelyck 50  slechtelick ist doer reijn liefde ghedaen  Een stroe bynden is somtyden ontfanckelyck  51    bedenckt uwen dienaer doch int vermaen  Ewich sal hy in rechte reyn liefde staen  laect getrouwen dienst niet wiltse te achten spoen 55  Wilt in dese reyn liefde v wel beraen  hoe mach lief doer liefde soe gerne lief doen	38  die boven den regel bijgeschreven.  +  Fol. 28v (xvijv)  51  de d van somtyden verb. uit t