[p. 39]  +   REFEREIJNE XVII Spreke screyen nayen heeft god den vrouwen berayen  GOd heeft alle dinghen wel ghemaect  dies moghen wy hem ewich weten danck  Mer inden vrouwen heeft hy ghestaect  drie dinghen en hebben altyt enen ganck 5  Spreken ist deerste. want sy makent gerne lanck  haer materie ende bliuender oec by  Al isset werck in hem seluen wanck  vrouwen hebben wel dusent woerden vry  Al en syn sy somtyts niet alte redelick 10  sy maken in haer woerden groot gecrij  tijs hen te vergheuen haer natuer is edelick  Hoe minlic is taenscouwen een vrouken sedelick  mer van hem allen can niet ontwayen  spreken screijen naijen heeft god den vrouwen beraijen    15  Woerde van vrouwen somtydts ghesproken  verblyt menich herte dat is waer  Daer blijft soe veel dincks ongewroken  dat doet alleen een goede vrouwe eerbaer  Hester die duechdelyke bloeme claer 20  verwerf doch allen ioden vrede  Judith bracht haer volc wt allen vaer  ende benam olyphernus syn macht ooc mede  Aensiet abygail vol duechdeliker wyshede  die dauids toorn also wijsselic slichte. 25    +  Abisaac die duer liefte wonder dede  sy veel scoonder sprake mit dauid stichte  Bersabee menich schoon woerdeken dichte  Sara rebecca moesten hem in dees drie oec paijen  spreken screyen nayen heft god den vrouwen beraien    30  Eua die brachte veel drucks veel weenen  voer alle vrouwen dat is claer blyckelick  Sy brocht spreken nayen screyen alteenen	+  Fol. 30 (xix)  +  Fol. 30v (xixv)
[p. 40]    dus moeten sij somtijt leuen versijkelick  33    sijn sij goet of quaet sijn sij gelijckelick 35  in desen drie woerden dats elcken kinlick  Wie duechdelick leeft woert geloont rykelic  haer vianden bliuen sy altyt verwinlick  Sijn sij nochtans totti liefste minlick  38    Het screyen verwect tot medelyden 49  Een ongestadich wyf wat die is eensinlick  daer en mach niemant mede verblijden  Een duechdelic wyf heeft blyscap tallen tyden  hoe goet hoe wys sy en mogens niet anders drayen  spreken screijen naijen heeft god den vrouwen berayen                    Prinche    45  In duechden mit vruechden willet verstaen  ontfaet die daet mit goeder ionste  Rechtelick en slechtelic heb ickt ghedaen  In duechden mit vruechden willet verstaen  soet tscynt my pynt dit cleyn vermaen 50    +  want in my is cleyn sober conste  In duechden mit vruechden willet verstaen  ontfaet die daet mit goeder ionste  Hij was wijs die dees regel eerst begonste  tblyft inden vrouwen altyt gheboren 55  Spreken screyen nayen heeft elc in haer wonste  hoe machtich hoe ryck hoe edel vercoren  Sij doent wiet hem belghen mach of verstoren  vrientsscap of toren sy en connens niet anders sayen  spreken screyen nayen heeft god den vrouwen berayen	33  de ij van versijkelick verb. uit ic  38  Deze regel is in marg. links bijgevoegd; een gedeelte van de hoofdletter S en de eerste t van totti zijn bij het binden afgesneden.  +  Fol. 31 (xx)